نادي الهلال السعودي - شبكة الزعيم - الموقع الرسمي - شكـــــراً أسامه هوساوي ... شكــــراً كوزمين ... شكــــراً ويلي ... شكـــراً يا هلال ... !

السلام عليكم ورحمة الله وبركاته ...

في البداية الف حمد وشكر لله سبحانه وتعالى على الفوز المستحق .. مع العلم إن نتيجة المباراة قليلة بالنسبة للفرص الضايعة في الشوط الثاني ..

هذا أولاً .. ثانياً يا طول الله أعماركم .. سبقت وقلت وكتبت يا ناس صدقوني النصر إلى الآن ما أختبر الإختبار الحقيقي إلا اليوم .. وأكبر دليل اللي شفناه اليوم .. مباراة الأهلي الاولى .. الأهلي يعا ي من إصابات أولهم مالك .. مباراة الإتحاد .. بصراحة خلونا نكون واقعيين .. الاتحاد هالموسم .. مو الموسم اللي فات .. الاتحاد هالموسم بصراحه مستواه عادي جداً .. وخلوه يلعب مباراة وحده بدون محترفيه .. وراح تشوفون حقيقة الاتحاد .. الوحدة في مباراتهم مع النصر يلعبون بدون مدرب .. مباراة الاتفاق .. كلنا شفنا المستوى اللي ظهر فيه النصر .. وهدف التعادل اللي في الدقيقة الاخيرة .. لكن اليوم .. ظهرت حقيقة النصر .

ثالثاُ .. كل الشكر للاعب اللي بصراحة طمني في خط الدفاع .. (( أسامة هوساوي )) .. بمساعدة من عزيز في خط الوسط .. ماخلانا نشوف سعد الحارثي طواااال الشوطين .. ولا حتى شفنا الثلاثي الهجومي في الشوط الثاني .. (( صح تفاريس له مكانته .. لكن اليوم هوساوي طمن الجميع )) ... (( المرشدي اليوم كثير يفوووت كور سهله .. مو مركز )).. (( شكــــــــــــــــــــــــــــراً أســــــــــــــــــــــــــــــــــــــــامة )) .

رابعاً .. كوزمين .. أنت داهية .. أنت ارطبون الملاعب .. أنت عبقري .. كثير أعجبني تفكيرك وتخطيطك .. ياليت الإدارة الهلالية ماتفرط في هالمدرب .. أعلمكم ليش ؟؟؟ ...... لأن حماسه وعصبيته وتفكيره وتخطيطه ... يدل على إن هالمدرب يحب الهلال .. (( شكـــــــــــــــــــــــــــــــــراً كـــــــــــــــــــوزمين )) .

خامساً .. أبدعت مستر ويلي اليوم ... بداية موفقة .. أسكت كل من طالبوا بتنسيقكـ بعد عشرين دقيقة من مباراة الأهلي .. ووقتها كنت عائد من الإصابة .. (( ثانك يو سو متش مستر ويلي <~~~~~~~<< حلوه الدبلجة :d)) .

سادساً .. لو أتكلم من هنا إلى يوم الدين ماراح أقدر أوصف القناص .. كل اللي أقوله .. (( ذبحتــــــــهم )) .. الهدف الأول كل اللي أقوله ..(( نفق عميــــــــــــــــــــق و عالـــــمي .. تم إنشاءه في إستاد الملك فهد بالرياض )) .. اما بالنسبة لتمريرة الهدف الثاني .. كل اللي أقولــه .. (( صــــــورتهم )) ... الفريدي .. دايم كبير ومبدع .. وإن شاء الله قد الرقم اللي تحمله (( 15 )) .. أبو عبدالعزيز (( أبو دعيع )) .. طلبتكـ لاتردني .. واللي يخليك لعين ترجيكـ .. كل يوم قبل أي مباراة تحصن .. ماشاء الله تباركـ الله .. عملاق ،، أخطبوط ،، سد ،، زعيم ،، دايم كبير يا بو عبدالعزيز .. (( شكـــــــــــــــــراً يا زعمـــــــاء )) .

واخيــــــــــــــــراً .. شفنا من اللي طلع من الملعب لمن إنهزم فريقهم .. (( رد على تصريح رئيس نادي النصر لمن طلع في قناة الجزيرة وقال هذول مايحبون ناديهم وأكبر دليل لمن ينهزمون يطلعون على طول من المدرجات .. بس جماهير العالمي ماتطلع أبد ))
جماهير الزعيم جننتهم اليوم .

تحيتي أخوكم .. عبدالله بن سعد .