نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)
-   منتدى الجمهور الهلالي (http://vb.alhilal.com/f28/)
-   -   رساله هامه جدا / من اجل اكتساح جماهيري يوم السبت (http://vb.alhilal.com/t655544.html)

هلالي متعصب 15 17/10/2008 08:21 AM

رساله هامه جدا / من اجل اكتساح جماهيري يوم السبت
 
بسم الله الرحمن الرحيم

جميعكم يعلم اهميه المباراه القادمه
صحيح هي مباراه دوري عاديه 3 نقاط
ولكن الفوز او الخساره يعني امورا كثيره
لانها مباراه ديربي العاصمه
وفيها تنافس جماهيري اعلامي كبير
فالكل ينتظر مباريات مثل هاذي لكي يتكلم في امورا كثيره
ومن هالامور .. من هو الفريق الاكثر جماهيريه ؟؟؟

طبعا كل واحد بيدعي ان ناديه اكثر جماهيريه
ولكن هذا الادعاء يستلزم دلائل كثيره لكي نقتنع بان فريقك هو الاكثر جماهيريه

نادينا ولله الحمد يملك جماهيريه خرافيه الكل يشهد لها
واثبات هذا الشئ هو استفتاء شركة زغبي وايضا في تنافس شركة الاتصالات مع موبايلي من اجل كسب جماهير هذا الفريق
فشركة الاتصالات على انها موقعه مع الفرق الكبار في الدوري الممتاز
الا انها دخلت بعرض كبير لانها تدري بحجم جماهيريه الهلال الكبيره التي خسرتها
فاول انطلاقه لخدمه جوالات الانديه وصل عدد المشتركين في جوال الهلال ال 380 الف بينما اقرب نادي الينا هو نادي النصر ب 130 الف مشترك والفارق واضح كبير جدا

جماهير واعضاء شرف نادي النصر كعادتهم يخالفون الحقائق ويدعون بان جماهير النصر هم الاكثر والدليل الحضور للملعب , وجماهير النصر احقاقا للحق حضورها جيد في الملعب ولكنها اقل من جماهير الزعيم

ممدوح بن عبدالرحمن ( عماد ) شارك في برنامج خط السته وقال بان الحكم في الجماهيريه هي في الحضور الى الملعب وحنا بنمشي معهم الى الاخير ومثل ما يقولون اطرد الكذاب الى بيت اهله

اول مباراه ديربي ستنقلها قناة ابو ظبي الرياضيه هي مباراه يوم السبت وصدقوني سيكون حضوركم الكبير الجاما لهذه القناة المتعصبه لاننا سنجعلهم يكحلون عيونهم لين تنعمي من الامواج الزرقاء وبعد المباراه ستزيد حسرتهم لانهم سيمنعون من اي مقابله مع هلالي ,, ولكن لو كان الحضور النصراوي اكثر لاسمح الله صدقوني انكم بتفرحون عذالكم وبيقعدون يكررون في تصوير وايضاح الجمهور النصراوي وانه الاكثر شعبيه ومن هالكلام


الجزئيه الهامه في الموضوع /

المباراه هاذي تعتبر على ارض الهلال والمسئول عن التذاكر هي شريكتنا الاستثماريه موبايلي
وعدد التذاكر في المباراه 62000 تذكره
هديه موبايلي للجماهير الهلاليه 15000 تذكره
عدد التذاكر التي ستطرح للبيع 47000 تذكره

15000 تذكره حافظتها موبايلي عندها ولن تعطى الا لمشترك في باقة الموج الازرق وموبايلي الهلال
47000 ستكون تحت متناول جماهير الفريقين واتمنى من جمهورنا الهلالي ان لا يتنازل عن اقل من 30 الف تذكره وذلك بشرائه التذاكر من يوم الجمعه , وحتى لو كنت مشترك في باقة الموج الازرق فلازم تشتري تذكره على حسابك لان الزعيم يستاهل من يدفع له الالاف فما بالك بعشرين ريال , والتذكرتين هاذي لزم فيها على خوياك الهلاليين اللي يحبون التكيات في مقاهي الشيشه واعتبرها هديه منك لهم وذلك من اجل حضور هلالي كبييير في المباراه ويكون بذلك خذينا حول 70% من سعة الملعب بالراحه ولازم نحترم جماهيريه الخصم لانه مستواهم تغير عن المواسم الماضيه وترتيبه في سلم الدوري يشجع جمهوره على الحضور بكثافه خاصه ان بطولاتهم الموسميه هي في مباريات فرق الهلال



توقع خاص للمباراه 2 / 1 للهلال واحد الاهداف من ياسر القحطاني

تحياتي لكم

المااااااسي 17/10/2008 08:28 AM

من اليوم وتذاكر مشريه



يعطيك العافيه احوي

sm9sm 17/10/2008 08:31 AM

يا اخي حتى لو ناخذ ثلاثة ارباع التذاكر المطروحه مالنا الا نصف سعة الملعب فقط لان التقسيم بين جمهور الفريقين بالتساوي

هلالي متعصب 15 17/10/2008 08:55 AM

إقتباس:

الرسالة الأصلية كتبت بواسطة sm9sm (مشاركة 9902923)
يا اخي حتى لو ناخذ ثلاثة ارباع التذاكر المطروحه مالنا الا نصف سعة الملعب فقط لان التقسيم بين جمهور الفريقين بالتساوي

المباراه على ارضك
وما دام معك تذكره بتدخل
وفي نفس الوقت اللي ما معه تذكره ما يدخل
وهذا اللي بيصير لبعض جمهور النصر لو استغلينا الوضع

الفتى^الذهبي^11 17/10/2008 09:03 AM

شكرا جزيلا على هالكلام المقنع الجميل ... طبعا شعبية الهلال أول من يشهد لها درة الملاعب ..!!
اتمنى من الجمهور الهلالي أنه يكووون متواجد بدرة الملاعب وإن شاءالله اني بكون موجووود ايضا !!

مجنون الفريدي 17/10/2008 09:13 AM

اخوي كلامك كله سويته اخذت التذاكر واهديتها لصديق هلالي اقتصاده عادي ولا يقدر يحضر واليوم العصر لازم الكل يتواجد يازعماء نخلص كل التذاكر اليوم العصر يازعماء

هلالي متعصب 15 17/10/2008 11:14 AM

إقتباس:

الرسالة الأصلية كتبت بواسطة مجنون الفريدي (مشاركة 9903102)
اخوي كلامك كله سويته اخذت التذاكر واهديتها لصديق هلالي اقتصاده عادي ولا يقدر يحضر واليوم العصر لازم الكل يتواجد يازعماء نخلص كل التذاكر اليوم العصر يازعماء

بيض الله وجهك يالذيب
وهذا اللي ابيه ان يتم اهداء التذكره للجماهير الاقل حماسا للحضور
او ان ظروفها الاقتصاديه عاديه وقد تضايقه قيمه التذكره
وكل هذا من اجل ضمان اكبر قدر ممكن من جمهور الزعيم الغالي

تحياتي لك

**الزعييييييييييم** 17/10/2008 11:34 AM

بإذن الله تعالى نحن في الموعد

المرعـب 17/10/2008 12:30 PM

انا من الشرقية وبأذن الله حآآآآضر المباراة يوم السبت

قلت لخويي اللي في الرياض يحجزلنا وانشاء الله

انا العصر في الرياض وبالتوفيق للهلال

وبأذن الله بيمتلي الملعب

ونسكت قناة ابو ظبي الرياضيية

هاوي سراب 17/10/2008 01:46 PM

أشكرك يالغالي

فكرتك جهنمية

ياحبي لجماهيرنا الوفية

تحفز وتفكر في السبل للكثافة الجماهيرية

الله لايضركم

انشالله الهلال 1 صفر بيسجله الصويلح


الوقت المعتمد في المنتدى بتوقيت جرينتش +3.
الوقت الان » 09:46 PM.

Powered by: vBulletin Version 3.8.7
Copyright ©2000 - 2024, Jelsoft Enterprises Ltd