|
الفريدي نتمنى أن نشاهد تمريراتك أكثر من مهاراتك فالهجوم ينتظر إمداداتك بسم الله الرحمن الرحيم لأول مره في تاريخ لقاءات الفريقين غير متفائل بفوز الهلال على النصر خصوصاّ في عهد ابن مساعد كل شيء متوقع لكن انا راح اعلق على نقطه واحده ملاحظها على الفريدي والي اتوقع انها راح تحدث يوم السبت بواقع خبرتي الرياضيه الفريدي لاعب جيد مايختلف اثنين عليه لكن مشكلته عنده ثقه بنفسه زايده عن اللزوم يعني الثقه مطلوبه لكن حينما تتحول الثقه إلى ثقه زائده عن الحد هنا تتحول الثقه إلى غرور ونظراّ لمستويات الهلال المنخفضه الحاليه وخصوصاّ في آخر لقائين نجد أن الفريدي أول مايستلم الكره نجده يستعرض مهاراته بأنانيه وبدون فائده للفريق حتى لاعب الهلال الجديد السويدي ويلهامسون عصّب على الفريدي في أكثر من كره وكذلك ياسر القحطاني في أحد الهجمات وبما أنه يوم السبت مباراه جماهيريه وهي أول مباراه إن لم تخني الذاكره للفريدي أمام النصر وبمعنى اصح لأول مره يلعب أساسي من بدايه اللقاء لذلك من المتوقع أن نشاهد الفريدي بمزيد من الأنانيه ومزيد من الإستعراضات حتى يظهر نفسه على حساب الهلال و أتوقع أذا بيجي هدف للنصر ستكون بسببه وأحب أوجه نصيحه للفريدي ترى طارق التائب موسوعه في المهارات وأفضل لاعب عربي مهاري في الوقت الحالي وجماهير الهلال ماتشبع من مشاهده مهاراته لكنه مع ذلك تجد طارق التائب أكثر واحد يمرر كور للاعبين وعمرنا ما لاحظنا على طارق الأنانيه وهنا تكمن العقليه الكبيره لطارق التائب حيث يفضل مصلحه الهلال على الأنانيه لذلك أتمنى منك الإقتداء بطارق وتمرر الكور للمهاجمين وأن تترك الأنانيه قليلاّ تذكر أنك لاعب خط وسط والمهاجمين يعتمدون عليك ياسر القحطاني افتقد تمريرات (أنت وضميرك) لذلك ابتعد عن التهديف لذلك نتمنى أن نشاهد تمريراتك أكثر من مهاراتك لأنه من تمريره واحده تصنع هدف لفريقك ومن مهاره واحد غلط تسبب هدف على فريقك. |
انشاالله الفوووووووووز ويكتب الله ألي فيه خيرررررر بالفريدي ولا غيررررره |
الفريدي ان شاء الله يبيض وجيهنا يوم السبت ويصنع بعد الله الفارق لمصلحة الهلال الفريدي : تكفى نبي حماسك تكفى |
اخوي الله يكتب الي فيه الخير للزعيم وانشاء الله الفريدي يقدم الي مطلوب منه هو وزملائه الاعبين تقبل تحياتي |
اتوقع ان يكون اللاعب الوحيد الذي يتميز في هذه المباره هو ويلهمسون والصويلح |
وأنا خايف جداً جداً عليه من النرفزه الزائده اللي ممكن ياخذ عليها كرت أحمر لا سمح الله. |
الله يكتب الي فيه خيررررررررررررررررررررر |
ياخي معليش بس ابعلمك شي بالله هذا موضوع تحطه وتشجع به الجماهير عشان تخليهم يحضرون للملعب ياخي وربي الفريدي هو اللي شايل الفريق ضد الاهلي اذا تبغى الصدق وربي فنان اذا لعب وربي يذكرني با الفيلسوف بالتوفيق للهلال في الديربي وانشاء الله انا اول الحاضرين للمباراه |
ياخي ماشاء الله عليك فيك فراسه احسدك عليها... ياخي والله تفكير بعض الناس يرفع الظغط الحين الفريدي صار يستعرض!! ياساتر عليك الفريدي كان افضل لاعب في مباراة الاهلي وبشهاده الجميع هو اللي ماسك النص لكن ماعنده احد ياسر مستسلم للرقابه والوسط ماساعده ابد وش تبيه يسوي مايمشي بالكوره يخليها ويقول اخاف الجمهور يزعل ارجع للمباراة واتحداك اذا كان استعرض فيه هجمه واحده استعراض غير مفيد ...والله فعلا ان الجمهور اللي مثلك هم مقبره اللاعبين الصادعين ...وبعدين على سالفه الغرور على كيفك افتيت انه مغرور ياخي الرجال اسلوبه كذا جدي تبيه يدخل الملعب ويسلم على الجمهور واحد واحد عشان ماتقولون مغرور؟؟ وان شاء الله ان احمد يرد عليك يوم السبت .. لاعب يلعب 5 مبارايات يصنع 3 اهداف (بدون حساب تمريرته لفهد المبارك اللي ضد نجران وحسبت ضربة جزاء) وجاب هدف وهو اللي عليه الشغل وعمره لا يتعدى ال 20 وبالاخير راح يضيعنا !!! اترك الرجال بحاله وراح تشوف |
إقتباس:
وش دخل الجمهور بالعكس أطالب الجماهير بالحضور وأنا أولهم واكثر واحد بيشجع الفريدي في الملعب أنا لكن أن حبيت اعطي بعض النصائح للفريدي عشان ينتبه لها في المباراه ويمرر للمهاجمين أكثر من أن يراوغ. |
نجد أن الفريدي أول مايستلم الكره نجده يستعرض مهاراته بأنانيه وبدون فائده للفريق ـــــــــــــــــــــــــــــــــــــــــــــــــــــــــــــــــــــــ أقول كيف الحال بالأخو؟؟ راجع المباريات الماضية وشوف الفريدي كم هدف صنع وكم "تمريرة انت وضميرك" صنع. وهو اللاعب الثابت في مستواه في جميع الجولات الماضية ! قال بيضيعنا قال |
إقتباس:
انت هلالي انت مثبط الفريدي الي شايل الفريق شيل والاعب الهلالي الوحيد الافضل من بداية الدوري صار اناني ياخي قل خير او اصمت واذكرك ان شاء الله وبحول الله وقوتة سيكون الفوز هلالي والسبب الفريدي سيسجل ويصنع باذن الله مرة ثانيه لاتكتب ولاموضوع عن الفريدي |
انشاالله الفوووووووووز ويكتب الله ألي فيه خيرررررر بالفريدي ولا غيررررره |
صراحه موضوع غريب.! أتمنى من الفريدي مايتلف لمثل هالمواضيع ..، انا ما ادري ايت ساتعراض تقصده .! بالعكس ، الفريدي أفضل لاعب كان في مبارة الاهلي .. الله يوفق الفريدي ومافيه شي بيضيعنا الا مثل هالمواضيع |
مشكووووووووووووووور وان شاءالله الفوزعلي النصر وان شاءالله احمد الفريدي يسجل هدف |
| الوقت المعتمد في المنتدى بتوقيت جرينتش +3.
الوقت الان » 04:53 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd