الاعب ياسرالقحطانى فى خطر ياجمهور الهلال السلام عليكم ورحمة الله وبركاتة اسعدالله صباحكم بالخير والسرور الى اعضاء وزوار وجمهور نادى الزعيم بدخل بالموضوع على طول مثل مانتم شايفين الاعب الخلوق ياسرالقحطانى فقد مستواة من العام الماضى وهذى الموسم ياسرالقحطانى سيئ من 4 مبارات مسجل هدف واحد فقط موب ياسر اللى نعرفة ياسر القحطانى اللى نعرفة صاحب تحركات مزعجة فى الملعب مهاجم مشاكس ومقلق المدافعين هداف قناص يضرب بسهامة الشباك كل مبارة يخرج بهدف او اكثر مرعب الحراس لاكن ياسر القحطانى الحالى متفاجين كثير بمستواة حركة قليلة يعترض كثير يحاول يقع على الارض كثير يضيع كورة سهلة جدا نضع علامة تعجب على مستوى ياسرالقحطانى !!! براى انا ماعتقد زواجة سبب لانخفاض مستواة بالعكس الزواج يعطى الاعب اكثر راحة واستقرار والدليل رونتالدو بعد زواجة حقق هداف العالم بيكهام بعد زواجة حصل على العديد من الانجازات والخ مالك معاذ بعد زواجة قدم مستويات جميلة مع الاهلى هل اصبح ياسر مغرور هنا الموضوع المهم مثل مالاحظنا الكورة السهلة اللى يضيعها ياسرالقحطانى فيها شيئ من الكبرياء والغرور وخاصة شفتم الكورة اللى ضيعها ياسر القحطانى امام الوطنى كورة سهلة جدا تعامل معها بغرور وكبرياء وبعد مااضاعها يبتسم هذا لو دل دل على غرور وكبرياء الاعب الكل سمع تصريح ياسرالقحطانى الاخير لما يقول انا مقتنع لمستواة وانا اقدم مستويات جميلة مع الهلال وين مقدم مستوى وهو ماسجل غير 1 هدف واحد من 4 مباريات عدم وجود طارق ليس سبب فالهلال لدية كوكبة من لاعبين الوسط المميزين رسالة الى الاعب ياسرالقحطانى : ياياسر انت نجم الهجوم السعودى الاول انت اسم صعب لاعب هداف وقناص لازم تراجع نفسك وتعود الى مستواك المعروف ناديك محتاجك لمباريات القادمة وبطولة الاندية اسيا ومنتخبكم بحاجة لك للوصول لكاس العالم المرة 5 رسالة الى ادارة نادى الهلال: ياادارة نادى الزعيم بقيادة اميرنا المحبوب عبدالرحمن بن مساعد لازم عليكم كادارة تجتمعون مع الاعب ياسرالقحطانى لمعرفة سبب انخفاض مستواة الوقوف معة وايضا الاعب محمدالشلهوب ثقتنا فيكم كبيرة الله يخليكم لزعيم يارب سؤالى الى جمهور نادى الزعيم :لنقاش س/هل تعتقد انخفاض مستوى ياسرالقحطانى بسبب ابتعاد طارق التايب ؟ او س/سبب نوعا ما غرور وكبرياء اصاب الاعب ؟ وانشاء الله ماطولت عليكم اتمنى من ياسر يرجع لمستوة وحشنى اهدافك العالمية تحيتى اخوكم/ماجد |
لو سمحت لا تصرف لياسر وبعدين اشوف بتصريحاته انه شايف نفسه لأنه يقول انا مانزل مستواي والجمهور غلطان باانتقادي اصلا انت وش انت ياحبيبي ياما وياما سبوا سامي والثنيان و......و........الخ وانت شايف نفسك فوق الانتقاد ولا علشانه ضامن المركز آآآآآآه ه ه ه ه يالصويلح هداف الفريق واحتياط |
ياسر ياسر ياسر ياسر ترى راس ماله لاعب نازل مستواه يجلس في الاحتيااط وانتهت المشكله |
ياسر يمر بأزمه في هذا الوقت وكلنا سنقف معه ولاتنسون تأثير غياب التايـــــــــــــــــــــــــــب |
وربي كلام سليم ومعليك من 88888888888 راح اجاوب على سؤالك من الشق الاول ممكن ومو ممكن ممكن لان ياسر متعود معا طارق ومو ممكن انه يعني قل مستواه ومو قادر يعمل شيء في الوقت الحلي هاذا تعليقي والاختلاق قي الامر لا يفسد في الود قضيه واتمنى من رب الجلاله ان يعود ياسر كما كان وافضل باذن الله وان شاء الله يعمل هاترك على الجار الحالمي او قصدي العالمي تحياتي |
ليه اذا جاء يشوت كوره بغرور ليه هو مايبي يسجل مثلآ ؟ اولآ الحظ ثآنيآ القحطاني ماعنده صانع لعب مثل التايب:) |
بدايه حل المشكله هو الاعتراف بالمشكله كما يقولون وياسر لم يعترف أصلا بالمشكله فكيف يبحث عن الحل أو يقتنع به؟؟؟؟؟؟؟؟؟؟؟؟؟؟؟؟ يعقل لاعب مركزه هجوم ومن أربع مباريات هدف واحد والله لو كان العنبر لاعب هالمباريات كان لومنا عليه فكيف بلاعب كبير مثل ياسر أنا أتفق معك في كل ما قلت |
وعليكم السلام يا جمهور الزعيم اتركو الانتقاد والتحطيم والتجريح باللاعبين وبعدين انتو ليه مو راضين تصدقون ان ياسر توه راجع من اصابه وبعد ماهو جاهز لياقيا ولانفسيا اللي يبي يلوم ويعاتب يعاتب المدرب كوزمين اللي يشرك ياسر اساسي بدال الصويلح بالعكس انا اشوف ياسر في مباراه الاهلي بدا يرجع الى مستواه والكل ملاحظ ان ياسر وخاصه من مباراه الاهلي يتحمس للعب والتسجيل لكن ما جات الفرصه انا اعاتب على الصويلح لانه في مباراه الاهلي كان لعبه فردي وفيه نوع من الانانيه والتفريط على العموم انا اشوفه جاهز اكثر من ياسر للمعلوميه انا هنا ما ادافع عن ياسر انا اذكر لكم الاسباب اللي مو راضين تقتنعون فيها ,, بالتوفيق للزعيم في مباراه الديربي |
حبايبي لا تقولون ان طارق مو معه انه يقل مستواه لا هو يوم ياخذ افضل لعب باسياء معه طارق...؟ طبعن لا لنه مع المنتخب طيب الخلل وين اترك الاجابه لياسر ومدربه وادارته ممكن يسالونه ويلقون عنده اجابه |
خل يصير عندكم اسلوب راقي في الرد والنقد ..ياسر كبير والكبير يمرض بس مايموت ..بيرجع ان شاءالله ..واي لاعب يمر في حاله ياسر ولا جته انتقادات لاذعه من اللي اسمعه بالمنتدى ... شباب صبرا صبيرا ..وبالتوفيق اهم شي |
ياسر شايف نفسه ياحبيبي والله الصويلح يستاهل يلعب أساسي ياسر مايلعب بروح كثرة ملايينه وضمن مستقبله :(:(:(:( |
نذر اني احيانا احسن ان عندنا مو جماهير تقول غرور وكبريا اللي يسمعك يقول محلل نفساني ياخوي بعدين تبيه يبكي لاضيع الهجمه وبعدين تراه انسان يعني مو جهاز تعطيه امر وينفذه كل لاعب يمر بحاله انخفاض الله يعين اللاعيبه على بعض الجمهور |
عليكم السلام يا الزعماء وش فيكم على الاعب انا اجواب الاسئله ولكن اتمنى منكم احترام وجهه نظري هل غياب التائب موثر على ياسر ؟ نعم مليون % هل الاصابه اللي لحقت ياسر القحطاني هي السبب ؟ نعم لان الاعب لسى مو جاهز حاليا ام من ناحيه الفرص افضل مهاجمين العالم ضيعوآ امام الباب |
مشكور اخوي صاحب الموضوع بس بقولك على شي ياسر يوم انتهى الموسم الي فات جلس فتره بسيطه ثم راح مع المنتخب ولعب وسجل وبعدها اصاب وبعدها بكم يوم رجع ولعب مع المنتخب وبعدين سوا عمليه جراحيه وبعدين رجع ولعب مع الزعيم 5 مباريات ولا احسب فوق هذا الزواج توقف التايب صار مافيه صناع لعب كله تسحيب فوق كل هذا وتلومونه انا ماقولك ماطاح مستواه بالعكس مستواه طايح قليلا فوق كل انا ماعاتبه اذا طاح مستواه ومشكووور تحياتي |
ياسر شاف نفسه من يوم سجل هدف في نهائي الدوري قدام الاتحاد بس خلاص خلونا نركز على شبابنا الصغار مثل الصويلح وانا حاس ان الصويلح بيسجل قدام النصر هدفين |
الوقت المعتمد في المنتدى بتوقيت جرينتش +3.
الوقت الان » 03:24 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd