|
وهذا الاعب ماله رب ... بسم الله الرحمن الرحيم أول شي أحب أقولكم لاتيئسون ترى الدوري طويل و الفريق قدم أحلى المستويات لاكن الحظ ماحالف ولسه الدوري طويل زي ماقلت . أما الموضوع ألي بغيت أكلمكم فيه وألي هو ألي قال كويس يافريدي قدمت مستوى مشكور كويس يا ياسر كويس ياصويلح كويس ياغنام ... ألخ ... ألا الشلهوب يعني ماله رب ألحين الشلهوب أكثر لاعب قدم مستوى بالمباراة والدليل يوم طلع خفت هجمات الهلال ياناس والله زمان ماشفت الشلهوب يركض كذا خاصه أنه محتاج دعمكم يعني هو قدم لكم ياجمهور الزعيم وهذا جزاه هذا ياسر يوم جا في نص مستواه كويس ياسر رجعت لمستواك الطبيعي طيب الشلهوب ... والله أن الشلهوب لعب من قلب وأفضل لاعب أدى أمس فا ياشباب لازم تدعمون أي لاعب مو شرط الشلهوب فاياجمهور الزعيم لاتفضلون لاعب على لاعب بس والله الشلهوب محتاج دعمكم وهذا المستوى كله قدمه لكم فأتمنى تفكرن بلي قلته . والله يوفق الهلال وين ماراح يارب أخوكم : @"هلالي من ميلادي"@ |
والله ان كلامك عين الصواب بس الجمهور -الله يهديه- حط براسه ان الشلهوب نازل مستواه والا امس قدم مباراة كبيرة ويوم طلع قل الهجوم الهلالي |
من الى قال ان ياسر رجع الى مستواة ياسر بعد الزواج خلاص انتهى دورو على واحد غيرة |
الله يوفق الجميع وكل اللاعبين عينان في راس |
والله ان كلامك عين الصواب بس الجمهور -الله يهديه- حط براسه ان الشلهوب نازل مستواه والا امس قدم مباراة كبيرة ويوم طلع قل الهجوم الهلالي |
ما اقول الا الله يوفق الزعيم ولا عبيه |
وهذا الاعب ماله رب ...</STRONG> معليش اخوي ... على ما اظن مايجوز .. تقول فلان ...ماله رب ...الرب واحد... ومشكور على الموضوع |
صراحة الشلهوب من مبارة السعودية واوزباكستان وهو في خطى للرجوع لمستواه الله يساعده على ضروفه كبير يا شلهوب |
الراب واحد والشلهوب ماقصر ومستواه بدا يتطور |
اخوي مشكور عالموضوع لاكن لو تدور لك جمله غير الجمله اللي حاطها في الموضوع كان يكون احسسن لانه ما يصلح تقول ماله رب لان ما فيه احد بالدنيا ماله رب وبالاخير ان شاء الله يرجع الشلهوب لمستواه المعهود وقبل ذلك يرجع الفريق ككل لمستواه المعهود والمطلوب تقبل مروري / جحفاني |
| الوقت المعتمد في المنتدى بتوقيت جرينتش +3.
الوقت الان » 07:30 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd