|
عدم الحضور الجماهيري متوقع لعدة اسباب ... بسم الله الرحمن الرحيم كثر الحديث عن الحضور الجماهيري في الرياض وقلة الدعم رغم اني متوقع هذا الحضور واقل نعم قلة الحضور الجماهير في منطقة الرياض طبيعية جدا لأسباب كثيرة وانا هنا لا ابرر عدم الحضور لأني من نفس المنطقة لاكن سوف اذكر الأسباب وبعدها نحكم .. 1_ النقل المباشر في اكثر من قناة والبحث عن التعليق الممتاز + التحليل + التكييف + الراحة النفسية + الأعادات + البعد عن التدخين + التشييك على اكثر من مباراة في وقت واحد 2_ الأزدحام الشديد في منطقة الرياض وبعد الأستاذ عن كثير من الأحياء 3_اقامة المباريات في وسط الأسبوع وليسى في الويكند كما يعملون في اوربا وهذا سبب رئيسي في قلة الجماهير الحاضرة 4_ مستوى الفريق المتدني لأكثر من موسمين رغم تحقيقنا للدوري والكأس مما جعل البعض من الجماهير غير واثقة بفريقها حتى اشعار اخر 5_ سرقة السيارت وخصوصا عند الأستاذ للضعف الحراسة الأمنية في الملعب وانا منمن تضررو من ضعيفي الأنفس ومن بعدها وانا محرم اروح للملعب بسيارتي اعتقد ان هاذه الأسباب كافية لعدم الحضور للكثير من الجماهير بأستثناء المباريات النهائية لأن الجمهور يأتي من جميع مناطق المملكة للدعم الفريق لحد يقولي جماهير النصر ومدري ايش الجميع شاهد قلة الحضور الجماهيري في مباراة النصر والأهلي و بنفس الملعب وكان حضور الجماهير الهلالية دبل ان لم يكن اكثر لاكن كثير من الجماهير انطلت عليهم ان فريق النصر وفي ويدعم فريقه رغم اني اشوف الحضور الجماهيري في الرياض وجميع المناطق بنسبة للزعيم اكثر من النصر وبمراحل اما اما بنسبة لكثرة الحضور خارج منطقة الرياض فهم مطالبين بالحضور لأسباب كثيرة منها ظهور الهلال في السنة مره ان لم يكن اكثر وعدم الزحام وصغر الملاعب مقارنة بالأستاذ بالأضافة للقرب الملعب من الأحياء ان شاالله اني وفقت في سرد الأسباب رغم اني مقصر في حق الزعيم كثيرا تحيتي للجميع |
والله كل كلامك سليم ومنطقي... وانا ايضا من الرياض... لكن لماذا جمهور النصر يحضر في مبارياته في الرياض رغم وجود نفس الظروف؟؟ |
اعتقد ان الاسباااب اللي ذطرتها كلها صحيحه وخاصة اقامه المباريات في وسط الاسبووووع ... شكرا |
جميعها اسباب واقعيه ومنطقيــــــة واركز على السبب رقم 3 لكن مهو عذر انا ما نحضر للديربي |
الاسباب الثلاثة الاولى من وجهة نظري ليست عذرأ أبداً في عدم مساندة الزعيم |
اخوي ساامي قلت الكلام الي بخاطري كله وصادق في كل كلمه قلتها |
موضوع جيد واسمحلي نقلت موضوعك لمنتدي اخر |
أنا معك لو كانت في ملعب فيصل بن فهد كان افضل قريب ووسط الرياض ، وثاني شي في ثاني يوم من بداية العام الدراسي |
إقتباس:
الجميع شاهد مباراة الأهلي والنصر وشاهد الحضور القليل جدا والي ما يقارن بحضور مباراة الأمس رغم انها مقامة في اجازة رمضان :bigeek: |
بالله عليك !! من جد ؟؟ قول قسم !! يعني لاخيرك ولا كفايه شرك ؟ لاحضورك و تدور عذر لغيرك مايحضر ياخوي لاتجي ولاتحضر ولانشوفك ولا تحط أعذار لغيرك خلك بنفسك وبس وعلي فكرة سامي إعتزل اذا ماتدري والهلال باقي |
إقتباس:
هههههههههههههههههههههههههههه وشفيك معصب طيب خخخخخخخخخ ياخي انا قلت الواقع من غير مبالغة هدي اللعب اخوي وترى الصراحة ما تزعل تحيتي لك |
لا تعليق والله انصدمت بالحضووووووووووووووووور اتمنى تقام مبارة للهلال في المدينة وشوووووووفوكيف |
اخوي / سـامي 9 الله يعطيك العافيه كنت انا بصدد طرح موضوع نفس موضوعك ولكن انت ماقصرت كفيت ووفيت وذكرت نقاط ما كانت في بالي بس ما شاء الله عليك . إقتباس:
بالنسبه لجمهور الفقر حضورهم يبون يثبتون للعالم انهم اكثر جمهور وممرضتهم الاحصائيات اللي وقفت بصف الهلال . |
من جد متى يرتقون عريبيا ويحطون المباريات بالويك اند وغير كذا المفروض فيه اعاده بطئيه بالشاشه لغير الأهداف ويجرصون على منع التدخين شذنبي انا مادخن وواحد فوقي وتحتي ويميني وشمالي يدخنون يعني لو حضرت المباريات كلها يمكن ادمن :yes: وياليت زي أوربا يرقمون المقاعد << يمكن بـ 2020 :d مو تجي بدري تترك اشغالك وتلقى كل واحد حاجر 10 مقاعد !! وغير بعض الناس الي مادري وش يحسون فيه الي يسولفون بصوت عالي ويضحكون يزعجونك ويوشون عليك المبارات !! |
إقتباس:
انا معك المفروض تكون فيه دراسة من ناحية التنظيم وتكون المقاعد مرقمة وغير كذا المفروض يكون فيه جهة خاصة للغير المدخنين تحيتي لك |
| الوقت المعتمد في المنتدى بتوقيت جرينتش +3.
الوقت الان » 11:45 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd