اختبارات ..... مذاكره ..... اختبارات ..... مذاكره ...........................رسوب
والله قهر
المهم لا اطلع بر الموضوع (<<<< هو دخل بموضوع عشان يطلع ) تخبرون الواحد اذا صار عنده اختبار طقته الهواجيس اللي وش كثرها عاد انا هواجيسي ما تجي الا اذا كان عندي اختبار يعني وقت الحسم كنها سامي يبدعلك في الوقت اللي يحبه قلبك عاد لو يسويها ابو عبدالله هو وابو يعقوب ويفوزون على سامسونج و يجيبون السوبر
يسلااااااااااااااام و قولو آمين

نرجع لموضوعنا حق الهواجيس ... عاد انا عندي بكره اختبار صعب مره يعني هواجيسي تبي تصير ذات افق واسع (<<<< هذا اللي استفدناه من الكتب اجل انا اقول افق واسع .....شرهتكم على اللي يعرف معناها) المهم هواجيسي الواسعة الافق طرحت على دميجتي مجموعة من الليهات اللي للاسف ماقدرت اجيب لها حل .........
الليهات:
@ ليه الدكتور اجل هالاختبار 4 مرات !! وهو ما يدري انه في شاب طموح يتعب نفسيا من المذاكره وبالتالي المحصله هواجيس ؟؟!!
@ ليه الخطوط السعوديه تقول في رحلاتها الداخليه (( شكرا لاختياركم السعوديه )) رغم انها لو قالت ((ياحمير انزلوا بسرعه )) مهوب مسافرين الا معهم؟؟!!
@ ليه 911 السعوديه ما يربطون الحزام ؟؟!!
@ لبه الدباب اذا خلص كلامه قال هع ؟؟!!
@ ليه اذا بغوا يمدحون احد في زينه قالوا كنك القمر رغم ان القمر اقرب ماله البقل (الاقط) ؟؟!!
@ ليه الواحد اذا بغا يخطب وحده ويبي يشوفها تجيب له عصير كوكتيل او برتقال !! يعني اذا جابت حليب بالموز ولا شاهي تصير مش ولا بد ؟؟!!
@ ليه شركة الاتصالات غثيثه .. يعني وصلت لدرجة انها بدت تلاحقنا بالفواتير حتى بالمسجات ؟؟!!
@ ليه ما اصير زي اللي بالصف الاول على اليمن بالمحاظرة وافهمها وهي طايره ؟؟!!
@ ليه الكوكا كولا الجديده لازم نفكها بمفك ؟؟!!
@ ليه حنا يالسعوديين فواتير جوالاتنا المسجات اكثر من المكالمات ؟؟!!
@ ليه بزارينا من يوم يكمل سبع يبدا يتكلم بالسياسه .... وتهون والله لو هي سياسه بس المشكلة انهم ينتقدون ذا يصلح وهذا ما يصلح ؟؟!!
@ ليه ما انجح رغم اني احس اني ذكي ومجتهد بس مافي اللي يحطني بالطريق الصح ؟؟!!
@ ليه شبابنا في الحواري اكثر شباب العالم رومانسيه !! ....<<<< جدران الحواري تشهد ؟؟!!


------------------

والله ماقول إلا الله يعينك على نفسك ويعن الناس اللي حولك عليك

الله يصبرك ويعينك

ويوفقك ربي واياك .. على التوفيق والنجاح ..

ومن اول كنت احسب مافيه احد تجيه هالحالات الا انا ..!!

ألا يوم شفت موضوعك ... (( وليهاتك .. على قولتك )) .. ثم تحمدت ربي وقلت أثريني بنعمه ....

والل فيني مايسوى شي عند اللي يجيك


وربي يوفقك يالغالي وينجحك