السلام عليكم ورحمة الله وبركاته

كيفكم يازعماء..بعد المباراة الي رفعة ضغطي عجزت لا أشوفها..!!

ان شاء الله نعوض بالأيام القادمه وبالتوفيق للازرق..

انا يا اخواني مبتعث في بريطانيا..وعندي مشكلتين ياريت الواحد يشوفلي حل لهم..

المشكلة الأولى بمتابعة المباريات والله اني اعاني معاناة مابعدها معاناة..

كل الروابط تشتغل لكن اذا بدت المباراة تعلق ومن ضمنهم صندوق بردقان وغيره من المواقع..

ياريت احد يشوفلنا حل لأني انا حصلت محل بلندن بالأجور رود مكتوب على الباب بطاقات اي ار تي

مدري هي تشتغل ولا شلون..؟

ارجو الي عنده حل لا يبخل علينا..!

والمشكلة الثانيه

ان وحده من شناطي انزرفت وفيها علم الهلال وعلم السعودية وفانيلة ياسر القحطاني..

وابي اشتري فانيلة جديدة خصوصاً ان الفانيلة الي انزرفت من القدام مو من الشعار الجديد..

لكن كيف احصل على الفانيلة الجديدة وعلم الهلال؟

المشكلة اني ما اعرف احد بيجي لبريطانيا الأيام ذي..!

وانا ابيهم وهل فيه موقع بالأنترنت اقدر اشتري منهم الفانيلة؟

هذولي مشاكلي..

تكفون الي يقدر يساعدني..

والي مايقدر يساعدني ادعلي تكفى..

تحياتي لكم جميعاً