|
مشكور الله يعطيكم العافيه من ناحيتي بشترك لانها قناه هلاليه لو 1000ريال ....... |
ياحبيبي لو في راسي اتابع التمارين نقزت للعريجاء وتفرجت والا على المباريات ننظارها على باقه الارتي العاديه 480 على قناه وحده ياخي حرام عليك |
وش هالإستخفاف بعقولنا 480ريال قناة وحده اقول قناة الفقر يجيبون التدريبات وتعليقات والجمهور واهداف المباريات وما بعد المباراة وبببببببببببببببببببببببلاش وحنا ضفدع كامل يلعب علينا ماقول الا الله يصبرنا على التخطيط الفاشل |
الأخ سيد مشجعين الهلال ماعلينا من النصر او الفقر حنا علينا من فريقنا وبس الحمدلله مثل هذا المبلغ لايعني لي الشي الكثير ولكن المسألة مبدأ بأي حق تصادر ملايين جماهير الزعيم لمصلحة مستغل ولاتقيس الأمور لصالحك هناك من الجماهير من لايستطيع دفع هذا المبلغ القصد أخي منع الاستغلال اذا تجاوبنا معه الآن فسيزايد علينا من جديد أما اذا قاطعنا ففي الموسم القادم سيضطر لخفض المبلغ للنص |
والله انا من جهتي اشوفهاو كثيره على الهلال لان من خلال الاشتراك دعم نادي الهلال |
قبل أن نختلف دعونا نحلل الموقف قليلا ... أنا مثلا مشترك لمدة سنة بمبلغ 1200 ريال ومن ضمنها باقة الدوري السعودي ( لاحظوا الاسم) والتي تتضمن كافة مباريات الهلال وبعد اتفاق الهلال مع شبكة art بافتتاح قناة خاصة بالنادي فيجب أن لا يدفع المشترك الحالي أي مبالغ إضافية حتى انتهاء مدة اشتراكه وإلا يكون ذلك غشاً و تدليس و أكل أموال الناس بالباطل. ثانيا سعر الاشتراك 480 ريال مبالغ فيه خاصة إذا علمنا أن مباريات الهلال في خارج أرضه ستكون منقولة أيضا على قنوات art المخصصة للدوري السعودي بمعنى أن قيمة الاشتراك في القناة ستكون على المباريات التي تكون في ارض الهلال فقط وهي 11 مباراة فقط في الدوري قد نضيف لها مبارتين أو ثلاثة عن بقية البطولات وأتحدث هنا عن الفريق الأول فقط فتكون قيمة مشاهدة المباراة الواحد أكثر من 34 ريال. |
الهلال له نسبة وانا اخوك .. و الصراحة في السابق كنا نشترك في اي ار تي فقط علاشان الهلال و ندفع 800 و شي .. الآن نص السعر .. يعني اعتقد انه عرض مغري .. اخوي تتوقع صالح كامل يفكر بالهلال ولا النصر ولا الاتحاد ولا غيره .. يفكر بالدراهم و انا اخوك .. لو تسأله من كابتن الاتحاد قال لك الله اعلم .. يعني ريلاكس .. الموضوع تجاري بحت .. و اشتراكنا بيدعم الهلال و بيشجع الشركات انها تستثمر في الهلال و جمهوره .. و بذلك يتطور نادينا و تتطور رياضتنا .. اتمنى انك تاخذ الموضوع بشوية عقلانية بدال العاطفة :) و شكرا .. |
لا للاشتراك والله ومادفعت هالمبلغ على قنااة !!! وقابلني ان نجحت |
والله النصب والاحتياال على جيوبنــــــا ... 480 والله لو ايش اشترك . والله لعبتها يا ولد كاامل.!! |
والله قهر يا خوووك والله والله اني منقهر بصراااحه وشلون 480 ريال اشتراااك والله مو قصدي بخل صرفناا الي اكثر واكثر لعيون الزعيم بس عينك عينك ضحك لاكن دريم بوكس وبس الجهاااز الي يشفر القنوات وخل تبالع يا صالح كمال |
ياناس ياعالم المبلغ كبير وش 480 ؟؟!! سلامات هذا نصب عيني عينك والامير عبدالرحمن بن مساعد كيف يرضا هذا النصب المفروض من ضمن الشروط يكون الاشتراك ب 90 ريال فقط وربي انها كثير اضرب 90 ريال في 100000 الف مشترك (مئة الف ) الناتج 9 مليون ريال مليونين للهلال و7 مليون لل art هذا اقل حساب طبعا المشتركين لو صارو ميتين الف تصير 18 مليون وعليك الحساب طيب لو قلنا ب 450 ريال اضرب 450 في اقل عدد مئة الف مشترك الناتج 45 مليون لو اشتركو ميتين الف تطلع 90 مليون ليش يابن مساعد ترضاها على جماهير الزعيم مقابل مليونين ريال ؟؟!! تحياتي |
480 ????????? الحين الكلام صار على 900 لستة أشهر يعني سنه 1800 فهل هذا معقول؟؟؟؟؟؟؟؟:( |
اللي يبي يشترك يشترك، واللي ما يبي يشترك بسلامته ... بس لا يجي يهايط ويسوي فيها تروتسكي وهذا استغلال للعمال وين النقابات عنهم ... إلخ. بصراحة، أنا من بيت هلالي، لكن ما أصنف نفسي كمشجع هلالي صميم لأني مو راعي كورة أساساً، ولهالسبب ما راح أشترك ... بس اللي دفعني للرد هو استغرابي من منطق البعض هنا! يعني أول كانوا يقولون "ما نبي نحول للاتصالات بس عشان نصير مميزين" (ويطلع صوت بلسانه عشان يقال له حركة!)، والحين يجي يحسبها حسبة بدو ويقول لك "افرض مليون واحد اشترك في القناة، على كذا الـ ART بتاخذ 480 مليون، وهذا نصب على الهلال!"، وإلا الثاني اللي جاي يقول "ما أمانع أشترك لو ملكية القناة تؤول للهلال بعد خمس سنين!". يا بابا أنت وإياه، من وين جبت الرقم مليون عشان تفترض هالشيء؟ يعني خلنا نقول فيه عائلة كلها هلالية، فيها ثلاث عيال، كل واحد فيهم بمنطقك ذا بيشترك في القناة؟ مليون اشتراك يعني مليون عائلة، أو حتى في أكثر الاحتمالات تفاؤلاً خمسمائة ألف عائلة ميسورة الحال مشترية اشتراك في البيت وثاني في الاستراحة، وذا افتراض مبالغ فيه جداً جداً! وحتى لو قلنا محتمل، حضرتك ليه زعلان أن الـ ART بتكسب؟ لو زعلان فاللازم أنك ما تلومه لأنه يفكر بعقلية تجارية (وخلونا نترك خرابيط المؤامرة وهذا اتحادي ومادري ايش) ولكن تلوم الإدارة اللي ما فاوضت على عقد يكسبها! أما اللي يقول "ستة ريال وكوفي يا بلاش"، ذا يبيله يحسب تكاليف زيادة لو بغى يكون منطقي، متوسط استهلاكه للمشروبات في الكوفي شوب ونوعها، وما أظن بيروح لحاله لذا لازم يحسب اللي معه، وهنا لازم يحسب قيمة البنزين، واللي بتعتمد على نوع سيارته واستهلاكها (علماً أن هذا بيعتمد بعد على عدد اخوياه اللي بيروحون معه بنفس السيارة، هذا إن ما راحوا بسيارات مختلفة) وموقع المقهى اللي بيروح له ... إلخ. أفضل حل على كذا هو استخدام دريم بوكس، وهذا ما أعترض عليه، لكن اللي أستغربه شلون واحد يستخدم دريم بوكس وله وجه يقول "وش بتسوي لي الـ 480 في آخرتي؟" أو "صالح كامل محتال ونصاب واستغلالي!". |
إقتباس:
لكن هناك من يقول أنك ماتقدر تشترك في القناة لوحدها لازم تشترك في باقه كامله وطلعت الحسبه 1800 ريال في السنه وشرايك؟ |
إقتباس:
وكيف قناة وحدة 480لغير المشتركين في العار تي:nono: و380للمشتركين غير معقول السعر ابااااااااااااااااااااااااااااااا:upset::upset::upset: |
| الوقت المعتمد في المنتدى بتوقيت جرينتش +3.
الوقت الان » 02:26 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd