|
والله مو مرة غالي رخيص |
ياإخوان ART دفعت 18 مليون فقط لـ حجز القناه ع قمر النايل سات والاعداد لها تبونها تحطهم لكمـ بـ ريالين ..! |
ياخوووووووووووي عمركم ماشتركتم،، انا رجال ابي ادعم ناديه ودي أشووف مبارياته وتمارينه :) |
انا اتوقع لو كان سعر الكرت 100 ريال متأكد بعض البيوت تشتركـ في 3 كروت مو كرت شف كيف الجزيرة منتشرة عند العالم لاكن ما نقول الا الله يهديهـ بس |
الحين هالمبلغ كبير............؟! القناة بتنقل لك كل شي عن الزعيم واستديو خاص للزعيم.. سعرها مناسب..! |
طيب ياخوي والله إنهم نصابين يعني قبل موسم كان الإشتراك في الدوري العودي لحاله بهذا السر 480 ( ترى مو دقيق بس قريب من كذا يا أكثر بشوي أو أقل ما ني متأكد ) بعدها قالوا 1200 خير إن شاء الله ويقولون موب الدوري السعودي لحاله يبي يجيك فيه قنوات أفلام وخرابيط حنا في غنا عنها بس حطوها مع الباقه الرياضيه عشان يبررون هذا السعر والحين يجي بس مباريات الهلال لحالها 480 صراحه مو معقوله بس على العموم أنا راح أشترك عشان أتباع مباريات الهلال وأنا مرتاح وباقي الدوري السعودي الله يخلي اللنك سات صحيح يقطع بس تقطيع بسيط |
إقتباس:
هـلا خيتووو .. احنـا بعد نقـدر نحـل مشكلتنـا بالدريم بوكـس .. بـلا اشـتـراااك بـلاهــم ،، |
ياخوي اذا انت ماتبي تشتركـ ... لاتشتركـ انت حر مافيه أحد أجبركـ لكن غيركـ يبي يدعم الهلال ويشتركـ لو كان 4800ريال مو 480 ريال واذا قصدكـ الجزيرهـ ... شف ك الاشتراكـ الحين .. حوالي 1000 ريال (( الايطالي.. الانجليزي ..امم اوروبا .. دوري ابطال اوروبا )) والجزيرهـ له دعم حكومي وليست خاصه 100% الزبدهـ ماتبي تشتركـ خل غيركـ يشتركـ انت مسؤل عن نفسكـ أعتذر اذا أخطيت بحقك لكن هذا الصدق ... انت هلالي ادعم الهلال بما تستطيع |
الأخت سماي زرقا مافيه عذر الحل بسيط جدا راس مالها ثوب وشماغ وعقال ولا أحد جايب خبر أمزح لاتصدقين وتودينا في داهية يالله البنات معهم عذر شرعي يشتركون تستاهلون |
الأخت سماي زرقا مافيه عذر الحل بسيط جدا راس مالها ثوب وشماغ وعقال ولا أحد جايب خبر أمزح لاتصدقين وتودينا في داهية يالله البنات معهم عذر شرعي يشتركون تستاهلون |
إستغلال عيني عينك .. آآآآآآآآآآآآآه ياجمهور الزعيم ,,, هذي مكآفأة الأكثر شعبية .. |
ياأخوان من اللي قال ب 480 انا اتصلت اكثر من خمس مرات على الرقم 022879555 وقال الموظف لااشتراك الا بالباقه الرياضيه كامله بالسنه 1560 ريال اتمنى التوضيح اذا انا غلطان |
سعر الاشتراك غالي قليل اللي بيشتركون فيها اصلا 480 في سنه وين حنا فيه واللي يقول دعم للزعيم الزعيم اخذ مليونين من الاي ار تي ودخل الاشتراك لاي ار تي يعني هم بيخسرون ماني مشترك لو تحج البقره على ققرونها ناخذ لنا دريم بوكس اشتراك في الشهر ب 50 ريال فيه الجزيره والاي ار تي والشوتايم يارخا وسلام |
وش 480 ربي لك الحمد والشكر ناس تقول بزنز اقولهم على عيني وراسي لكن مو ذا النهب هو دفع للادارة مليونين ومع الاستديوهات نقول دفع مع العقد خمس ملايين لو اشترك 100000 مشترك بمبلف 100 ريال راح يصير المبلغ عشرة ملايين يعني استفاد خمس ملايين هذا لو كان عدد المشتركين مئة ألف لان اتوقع راح يكون اكثر بكثييير انا اقول لصالح كامل انت تنصح المشتركين على الدريم بوكس وغيره بالمبالغة باالاشتراكات وانا بصراحة عندي الدريم بوكس في البيت وراح اشتري لي بعد في مكتبي |
والله كنت ناوي اشترك بس المبلغ مبالغ فيه 480 ريال تصرفني شهر ونص وين الادارة المفروض ما توافق على الاستغلال |
| الوقت المعتمد في المنتدى بتوقيت جرينتش +3.
الوقت الان » 01:52 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd