مفاجئة مدرب الأهلي للهلاليين + سر تميز مالك أمام الهلال !
 

بسم الله الرحمن الرحيم
السلام عليكم ورحمة الله وبركاته ... أما بعد :

حبيت أقولكم أن مدرب الأهلي سيستغل تأثر الجماهير الرياضية بالصحف وتحديدأ بخبر عدم مشاركة مالك معاذ أمام الهلال للاصابة , وسيفاجئ الجماهير الهلالية بمشاركة مالك أساسياً ومن بداية المباراة , لأن كل هذا الكلام مجرد كلام جرايد أو ما يسمونه بالتعتيم الإعلامي , والحرب خدعه , فأرجوا منكم إنكم ما تطيرون في العجة وتصدقون كل ما يقال في الصحف وحتى لو كان فعلا مالك معاذ مصاب هل تتوقعون إنهم راح يقطعون الأمل بمشاركته على طول ؟ شرط إن يحطون فوق راسه عشر دكاتره إلين يتشافى , وحسب ما سمعت إن الإصابة مجرد شد عضلي بسيط يعني ما تحتاج أكثر من يوم راحة وتمارين إطالة على هذه العضلة , وحتى لو كان مالك مصاب إصابه قوية فعلاً راح ياخذه معاه مدرب الأهلي للرياض وراح يحطه أحتياط حتى لو ما كان عنده نية بإشراكه , بس علشان يخلي كوزمين في قلق وتخوف ويصير عند كل تغيير للأهلي توقع بأن مالك هو التغيير القادم وهكذا .

ســـــــر تـــــمـــــيــــز مـــالـــك أمـــام الــهــلال

أحد معارفي سبق أن درس مع ابن عم مالك معاذ في المدينة وسأله : ليش مالك يبدع قدام الهلال أكثر من أي فريق آخر ؟
فرد ولد عم مالك بأنه سبق ان سأل مالك نفس السؤال فرد مالك :
أنا أبدع قدام الهلال وأحاول أسوي مهارات عشان أحاول أغطي على ياسر وإذا بدعت قدام الهلال وفي نفس المباراة ما بدع ياسر راح يزعل الجمهور الهلالي على ياسر ويفضلوني عليه وبكذا أكسب جمهور الأهلي وجمهور الهلال .

يعني أنتوا السبب يالجمهور الهلالي بأن خليتوا مالك يؤمن بهالنظرية لأن فيه ناس في الموقع للأسف ومحسوبين على المنتدى من يوم ماينزل مستوى ياسر وهم يسفلون فيه ويطالبون بالتعاقد مع مالك أو ان تنسيق ياسر أو أو أو ومالك الفنان وياسر الإعلام وهلما جرى

أرجوا أن أكون قد وفقت في إيصال الفكرة , ووعدنا بعد المباراة

انا من النــاس الي اتمنى مشــاركــة مالك وجمــيــع نجوم الاهلي


نبي نشوف مــبــاراة حلووة من الطرفيــن ونبي نشوف زعيــمنا كيف يجرجروون مالك ورفــاقـه



يــارب ياكريــم تنصر الدعيــع ورفــاقـه

هههههههههههههههههههههههه والله ماظن ان ولد عمه صادق بعدين الولد عنده حساسيه

من اللون الازرق يبدع كل ماهو ازرق الهلال واليابان والبقييييه خيييييييييييخه

سر تميز مالك معاذ هو فهد المفرج

حنا ماهمنا لامالك ولا رفاقة
أهم شي الزعيم والفوز بعدين المستوى

بكرة يتحدد مدى جاهزية الهلال لأنه من بكرة يبدا اللعب مع الكبار

سيكون تميــّز مالك أمام الهلال شيئاً من الماضي ــ إن شاء الله ـــ

فمع أسامه هوساوي + والمرشدي

مــش حيقدر يفتح عينيه !!

مآلك لاعب كبير ويآمآ جرجر الدفآع الهلآلي صراحه لاتزعلون منهآ والميدان يآحميدان لان الاهلي لآيعتمد ع لاعب وااحد

ان شاء الله يلعبووون كل نجووووم

الاهلي

ونكلهم اكل...

زي ما اكلووهم الشباب الموسم الي راح..

لكن مالك اوول يبدع يوووم قدامه مافعين مشي حالك

بكرا

ان شاء الله ماراح يسحب ولا ولاحد وراح يسجل امام الثنائي المرشدي..هوساوي

والله لو يصير راؤول بنفسه ماراح اشجع الا الكاسر

أفضل مهاجم بالكره السعوديه لامالك والا سعد والا غيره يجي نص القناص

يعطيكم العافيه

إن شاء الله الزعيم يقدم المستوى المأمول منه وحتى اذ حضر مالك الزعيم مايهما حضر مالك أو لم يحضر .......

بالتوفيق للزعيم

مالك لاعب كبير وفنان ويبدع في كل مباراة لكن أمامنا إبداعه غير والسبب كان في اخطاء الدفاع الهلالي واخص بالذكر اللاعب فهد المفرج ولو رجعنا لكل المباريات اللي بدع فيها مالك امام الهلاال لوجدنا أنه وجد مساعدة من فهد المفرج نتيجة إرتباكه أمام مالك وعامل الحظ والتوفيق له دور آخر وانا متأكد إن اللاعب الحقيقي هو اللي يبدع أمام الهلاال ومالك لاعب من طراز هداف ولكن بوجود المرشدي واسامه أشوف إن حظوظه اللي كان يتحصل عليها بتقل بعض الشي والعلم عند الله

بـالتوفيق لزعيــمنا
===========

والله بيني و بينكم انا احب و اشجع الهلال و يعجبني الشباب و الاهلي و الرائد و احب لا عبين الهلال كلهم و يعجبني عيال عطيف و الشهيل و مالك و وليد عبدالله و السلطان و الجاسم و الله يوفق الهلال و يفوز قدام الاهلي و الشباب ..... ويوفق الأهلي و الشباب بكل مبارياتهم الباقيه

يابن الحلال ... فريق الزعيم محصن من هذا الكلام ... اللي ما يقدم ولا يأخر ....