عندما تغرد البعارين ,,
اسمع نباح العصافير ,,
وصهيل القطط ,,
وارى الناقه تمتص رحيق الازهار ,,
والخرفاان تحلق في السماء ،،
اطير في البحار ،،
وأسبح في الصحراء،،
اتعشى الفطور ،، واتغدى العشاء ،،

مقدمه ماادري وش تبي بس يالله مشوها

السلام مسك الختااام << مستعجله الاخت
قصدي السلام عليكم ورحمة الله وبركاته

في يوم من الايام وبعد الحنه والزنه من عقلي المصون القابع في دميجتي الجميله
قررت وتهورت بقرار مصيري الا وهو انزل موضوع

من زمــــان وانا افكر
الحين موب اهلنا يقولون الكذب حرااام طيب ليه يكذبون علينا



امي يوم انا صغيره تقولي اذا شربتي بيبسي وانتي جوعانه يصير بطنك فيه فتحات وتموتين


جدتي الله يخليها كانت تقول لنا اللي يصيح ويبلش امه تطيح عليه المقرصه الحااميه من السماء


امي الحين تقول لاخوي الصغير اذا طليت مع الشباك يجيك الجاذوب ويسحبك وتطيح وهو يااحيااة الشقى مصدق

وغيره وغيره

ابغى كل وااحد يرد يقول لنا وش كاانوا اهله يكذبون عليه يوم انه صغيــر


والسلام مسك الختااام << الحين موب مستعجله

اشيا خاصه خخخخخخخخخخخخخخخخخخ

يوم كنت صغير كنت ابلش امي ما انام

وكانت تخوفني تقول نم ولا ترا بتجيك عوافي الله

وكنت اخاف منها

والحين نتمنا عوافي الله

مشكور اخوي على موضوعك

إقتباس امي يوم انا صغيره تقولي اذا شربتي بيبسي وانتي جوعانه يصير بطنك فيه فتحات وتموتين

الله يهدي الجميع اجرام ذا مب تخويف

انا تذكرت سالفة كانت دايم تقولي ياها جدتي واعتقد اغلب العيال انقالت لهم هالسالفة

وهي اذا كليت سبانخ تصير مثل بباي

ولا حنا من زود الخبال لاكلينا السبانخ نروح يم المراية ننتظر العضلات :d

لا تذكريني

كنت مسخرة عندهم و أصدق كل شي


الله يسامحهم

طفولتي ما أقدر أعلن الفضايح اللي فيها أمام الملاء والله يا أني غبيه بشكل

بس بقول كذبه وحده من الكذبات اللي عيشوني فيها


مرة كانت جدتي الله يرحمها وكلهم جالسين يتقهوون

وعطتني تمرة أنا بصراحة كنت وقتها ما أحب التمر ولا أعرف طريقة أكله

المهم كلت التمرة كامله بدون ما أطلع اللي جوا "النواة"كمسمى علمي ههههه

المهم لما بلعتها قالوا لي ترى بينبت في بطنك نخله

وأنا اللي أنهبل وأتخيل أن النخلة بتطلع من فمي وأذني ...الخ

وتطقني النفاضة وأجلس أبكي

وأثناء البكاء طلعت في راسي فكرة"ثمرة النخله"خخخخ

الفكرة بما أن النخلة بتنبت في راسي ليش ما أنبتها في الحديقة

وأنا اللي آخذ "النواة "بتاعة التمرة وأزرعها

وكل يوم أرشها بالموية ومسنترة عندها أستناها تنبت وأنا مرعوبه
لأنها لو نبتت هنا بتنبت في بطني <<مع أنواع الكوابيس الليليه

المهم صرت من أقوم لين أنوم وأنا أراقبها

الوالد رحمني خصوصا أنه أحد المساهمين الكبار في الكذبة الأولى

قرر أنه يجيب ورده ويزرعها مكان النخلة وبكذا يريح مخي من التفكير

المهم نفذ الخطة وجا يصحيني من النوم لأن نخلتي نبتت

وأنا اللي أنزل ما غسلت وجهي وأشوف الوردة وأتحسس راسي ما نبت فيه شي

انبسطت مررررررررررة وصرت متأكدة أن النخلة لين زرعناها تطلع وردة

ومستعدة أناقش أي شخص في هذي الحقيقة العلمية

وبعد أياااااااااام نبتت نخلتي من كثر ما سقيت وأعتنيت في وردتي

وهنا طاحوا من عيوني وأكتشفت كذبتهم الشنيعه

ورجع لي نفس الخوف من أنه ممكن في أي لحظة تنبت النخلة في راسي

والى اليوم وأنا ما آكل تمر بسبب كذبه بيضاء أضحكتهم كثيرا وعانيت منها طويلا

والخافي أعظم هذي أهون كذبه مرت علي

بالحب والإشراق

هههههههههههههههههههههههههههههه والله موضوع جنان
انا باقولكم قصة صارتلي وانا صغير <<<<<<<<<اجل وش
كانت امي تقول لاتفتح الباب بدون ماتقول مين لكن كانت تخوفني تقول ترا بيجي سفاح ماادري وش اسمه وياكل
وزي ماقال د.عزيز ورائدة الزعيم حصلتلي بعد

أذكر خالتي مرة تقول لا تشربون ببسي لأنه كان موية وطب فيه سوداني وصار لونه أسود وحنا مصدقين...

والا البيبسي فيه صراصير (وأنتم بكرامه) ميتات ...

وأشياء كثيرة وحنا المساكين نصدق ...

وبعد ساعة كاملة بتجي المدرسة وبيجيك مدرس نفسه في خشمه وماسكن عصا زي العادة...

وتسلمين اختي على الموضوع

انا ابوي كل ماحط لي اكل ولاكلته يقول كله ترا ذا ياكله سامي الجابر

وعلى طول اصدق واكله خخخخخخخخخخخخخخخخخ


لاهنتي ورده

^

تربيه هلاليه صحيحه

انا ايام ماكنت بزر كانت الاكاذيب تتحاذف من كل مكان , و خاصة عوافي الله

كل ماجيت بسوي شيء يقولون ترا بتجيك عوافي الله , و انثبر و اقعد مكاني خايف

إقتباس الرسالة الأصلية كتبت بواسطة الـــــــــــوان انا اول كنــت اسمع اني اللي يااكل وهو منسدح (مستلقي) يتحول كلب وكنا نصدق وهات ياخوف خاصه لما نكون قدام التلفزيون لابد من السدحه ع البطن من الحماس بنت الزعـــــيم يسلموو ع الموضوع الممتع

قسم بالله كنت بكب الشاهي من ضحك ههههههههههههههههههههههههههههههههههه

اما تخيلي نتحول كلاب خخخخخخخخخخخخخخخ

اااه يابطني

يا كثرررر ما كنت اتسحب على وجهي وانا صغنوني

طبعاً كثيره هي بس افلم حاجه اذا قلت لهلي عطوني عشره ريال

يقولون ليه تبي تتزوج فيهااااا انا وجهي يحمر ويتقلب الوان <<<<البراءه تنقط مني

اهون خلاص اقول عطوني ريال

وفي (مقوله) تقول ان الي ينكب عليه لبن يصير قرد هههههه<<<كنت مصدقها


عوافي على الموضوع الحلو

يوم كنت صغير كانت أمي الله يحفظها تقولي لا تكذب بعدين تطيح عليك المقرصة

آمممم ، موضوع حلو .
قد مرة الهنوف يمكن نزلت موضوع عن نفس الفكرة هذي
مثل الاهل الي يخوفون اهلهم من الدكتور واذا راحوا له يصير احسن واحد
( إذا ما عقلت نوديك للدكتور )
طيب رحنا للدكتور :
( يالله يا بابا الدكتور ما يسوي شي )
تناقض بالتربية يعني .
/
عن نفسي أهلي كانوا حبيبين بالحيل "ماهم حبيبين لكن اكاذيبهم ما كانت تمشي علي "
ويقــول الوالد ، أنهم كانوا يحطون الدواء في الرضاعة مع الحليب ، لكن ماشاء الله علي كنت اقفطهم ..
الوالدة الله يحفظها كانت تخوفنا من اللعب الظهريات ، تقول تطلع لكم "حمارة القايلة" .
بس والله ما عندك أحد ، نطلع انا واخواني الله يستر علينا وندورها < == بدا ينصب
\

عوافي ع الموضوع ~.~

مشكوره على الموضوووووووووووع



بس انا كان في يقولوون لي عشان شطانتي


يقولون لو ما تجلس عاقل بندق على ادارة التربية


خخخخخخخخخخخخخخخخخخخخخخخخخخخخخخخخخ


والله يا كان يذهبون عقلي ههههههههههههههههههههههه لا وبعد أذا مسك الثابت


ذاك الوقت أكون منتهي