$ دروس باللّهجِه الحايليِّه حيِّي $ (مع مقطع صوتي) لايفوتكَم!! اختصاراً للوقت ,, لسماع المقطع الصوتي: اضغط (بهاه) .. يعني هنا :D :D وعلى بال ماتحمّلون الملف ,, تقدرون تقرون اللي أنا كاتبه (طبعاً باللهجه الحايليِِِِِِه حيِي) :) بالبدايِه وَدّي أقول أو ألفِت نُظركَم إلى إنُّه اللّهجِه الحايليِّه هي من أجمل اللهجايه ,, ما هو بس لأني حايلي أقول هاتس لا ,, لكنَّه صّراحِه اللهجِه تفرض نفسَه لأنّه تملا الأُفم وبَه ألفاظٍ جَزلِه.. وتُرونن على فكرِه ماني متُمسِّكٍ بَه مرِّه ,, الظاهر ان أهَلَ الرياض عمَلُونَن .. لكنِّي أكيِّف إلا مِنُّه لقيت لي واحدٍ من الديرِه عشان آخذ راحَتي بالحتسي :D مرِّه ماأنساه اتصلت على بيت أَهَلي بحايل أبي عمّي ,, رَدِّه عليّ بنت عمتي (طبعاً كنت صغيِّر وقتَه) :D قلت عمّي بُه؟ قالِه: بُه مار نيم. قلت: وشُّو؟ يوم فطُسِه عَلَيّ من الضحتس عشاني ماأعَرِف معناتَه :laugh: قلت: وشلون يعني بُه مار نيم .. قالت: يعني .............. عاد هذي أبيكم أنتَم تجيبونَه واجب .. زين؟ :cool: .. تُرونن أحتسي من صدزتي. تُرُوا واضحِه من الكِتابِه بس بالتَّلَفُون ماكانِه واضحه. <hr width="84%" size="3" color="#FFFFFF"> هاه وشلون الوضع إلى هالحين ;) تبون أكمِّل و الاّ يكفي هاتسي؟ :p عموماً تسانن شفت إنُّه بُه إقبال على الموضوع ,, يمكن اكتبلي نوبةٍ ثانيِه ,, أُما تسان مابُه ردود وهاه ,, أغَدِينَن أَجَالِي أَنكِل. إلاَّ وش صار على ملف الصوت كُم بُه قرَّب يقضي؟ تُرُوا ماظنيتُه يبطي. خلَّ أقول لِكَم وِشّ بالملف أَجَالِي: تُرُوه عبارِه عِن حتسي لرَجّالٍ تسبير شوين بالعُمُر ,, ينصَح بُه هالشباب التالين وتخَبرُون ,, لازم إلاّ يحتسون عن زمانَهَم وانُّه الوغَد كان يحترم التسبير و و و .. بس أُسلوبُه خوش لأنُّه يحتسي من قلبُه ,, وبعدين تُرُوا اللهجِه لَه دور :yes: <hr width="84%" size="3" color="#FFFFFF"> ختاماً أتمنى ان الموضوع أعجبكم .. وإذا فيه أحد ودُّه يسأل عن كلمه مافهمه أو شيء حنّا بالخدمه. تحياتي,, .......... لاتضايدزونُه :) |
ههههههههههه الله يقطع بليسك بس،، الظاهر والله أعلم ان المعنى : فيه بس نايم0 |
يعطيك العافية |
بوه مير نيم =موجود بس نايم (صح 10/10) بس الي انا خابره ان الجملة اعلاها قصيمية |
أخوي الهلالي الأول ... جبتَه http://alzaeem.com/vb/images/icons/icon14.gif ماشاء الله عليك طالب جيّد :D .. <<---------- يمون أبو الشباب :p أخوي انت هلالي الله يعافيك ومشكور.. |
هههههههههههههههه و الله أنكم مهسترين مشكوووور على الموضوع يا ( لا تضايقونه ) |
الوقت المعتمد في المنتدى بتوقيت جرينتش +3.
الوقت الان » 01:49 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd