كيف الحال

جايبلكم لغزين مدري عنها هي قديمه ومغبره ولا انها بتكون جديده نبي الحل واللي كسلان مافيه يفكر لايفكر يتفرج

الأول :

فيه كبس فوق السطوح وقدامك في الصاله ثلاثه ازرار .. المطلوب منك انك تعرف الزر حق الكبس من طلعه وحده لك فوق السطوح


ماهي واضحه صح

احد منكم يبغا الجواب دايركت

مافي


بمعنى الازارعندك الثلاثه زي كذا ( # # # ) اذا ضغطت الأول اللي على اليمين تطلع فوق وتشوف اشتغل ولا ..

بعد ماتطلع تنزل وتعلمني بالزر اللي راح يشغل الكبس

لك طلعة وحده فوق وبس


الثاني :

عندك ثلاث قرب عسل الأولى فيها عشرة كيلو والثانيه والثالثه فاضية

الأولى :تتسع عشرة كيلو

الثانيه :تتسع سبعة كيلو

الثالثه : تتسع ثلاثة كيلو


المطلوب منك انك تخلي القربة الاولى اللي تتسع عشرة كيلو فيها خمس كيلو عسل والقربة الثانيه اللي تتسع سبعه كيلو تصير خمسه كيلو ايضا

ليس لديك اي وسائل تقسيم غير القرب الثلاث بمعنى لو حطيت العشرة كيلو الموجوده في القربة الاولى في القربة الثانيه راح يصبح التوزيع كالتالي ..

القربة الأولى فيها ثلاثة كيلو

القربة الثانيه فيها سبعة

القربة الثالثه مافيها شيء


وهكذا ..



اي استفسارات انا جاهز ..



شروط المشاركة :

1- لايحق للعضو المشاركة اذا اكل فول

2- اي عضو توه صاحي ينصح بعدم التفكير مطلقا بالحلول فلن يجاوب

3- ممنوع استشارة اي شائب بالحلول سواء بالمنتدى ولا من برا

4- اي عضو تسول له نفسه بتحويل الموضوع شتشته بدق ايقونه التبليغ واطالب بانذاره

الجوائز :

بلاش احراج بس اذا مصرين ابشرو





انتظركم ..