الحمدالله عدة المباراه مع الوطني بسلام واذا بنستمر كذا مشكله والله في ظل التخبط وضياع الفرص اسهله
نلخص ماحدث ونقول اسباب التخبط كتالي :
1- لازال الاعبين يؤدون المباراه بروح منخفضه وبدون حماس ولا تركيز ماهي روح لاعبين الهلال السنه الماضيه.
2-لازال المدرب يتخبط كل يوم تشكيله وطريقه مختلفه تقول تو يبدأ في الاعداد لدوري .
3-لازال الاستعراض في وضع الاهداف وهذا يعتبرخلل مو بسيط اذا السهله تضيع وشلون المباريات المهمه .
4-الاعتماد على عناصر معينه للوصول والعب كيفما اتفق .
5- لازال يوجد اشباه لاعبين في الفريق مو عارف انه يلعب لزعيم ومع لاعبين كبار .
6- لازال تركيز الشلهوب بسيط ويحتاج الى زيادة جرعات للعوده للمستوياته المعهوده كل اللي سواه سجل ضربات الجزاء والانفراد مع الحارس للهدف الثاني لاعب الكوره في يد الحارس رغم الزاويتين فاضيه والحارس متقدم ممكن ينقز الكوره بطريقه فنيه تحسب له .
7- الاعبين لابد يركزون ويبعدون عن الكروت حتى لا يضيق الخناق في المباريات القادمه في ظل عدم وجود البديل .
8- فكنا الله من المحترف البوليفي ولا كان شخطه هجوم الوطني كونهم سريعين وعندهم مهارات .
9- عبدالله الزوري لابد يجلس في دكة البدلاء حتى يصحصح ويحسن من مستواه ولياقته .
10- تغيرات المدرب بتودينا في داهيه .
11- محمد الدعيع صك كامل على باوبة النادي والحراسه مع احترامي وتقديري له لابد يترك فرصه لانه وضح عليه عدم الجديه في بعض الكورات .
ملخص موضوعي الوضع هذا ما يخارج ابدا واذا ماتحسن مشكله لكون الفريق مقبل على مباريات مهمه وقويه
اللي راح كلها مع احترامي تحضيريه مقارنه بأمكانيات واستعداد وجاهزية الاعبين لزعيمنا وخسرنا منها (3) نقاط
بدون مبرر .
تحياتي لكم جميعا وتحملونا لان الصراحه لابد منها بلاش مجاملات .
يعطيك العافية أنا معك في كل الكلام اللي كتبته
وكله كوم والتغييرات كوم ثاني (خويش)كالعاده سلم المباراة بعد خروج الفريدي فلوها لاعبي الوطني في التقدم لأن الهجوم الموجود زي عدمه بالله لاعب زي العنبر يستحق يمثل الهلال ولايهون سعد الذياب العنبر المفروض يستغلون مطالبة كالديرون بضمه للإتحاد ويريحونا اللاعب الممتاز يعار واللي ما عندك أحد يلعب كل مباراة
والمبارة القادمه بيكون اختبار حقيقي للهلال
لان من بداية الدوري وهو يقابل الفرق المتوسطه
ابها الرائد نجران الوطني خسارة 3 نقاط من نجران ضيعوها الاعبين والمدرب بأنفسهم
بس الحمدلله على كل حال وبإذن لله الهلال يوم الاحد بيكون غير
الوضع العادي
