|
كوزمين بداها صح وفي النهايه خبصها لاجديد في عمل كوزمين اليوم بدأ المباراة صح وبتشكيله مثاليه وهي اللعب بمهاجمين وهي التي دائما نطالب بها ولكن في الشوط الثاني خبصها وبعد الطرد اخرج ياسر وادخل خيرات وهذا خطا كبير كان باامكانه سحب صالح الدوسري في الظهير الايمن مكان نامي وترك الخطه كما هيا لانه يلعب قدام الوطني وليس امام برشلونه الخطا الثاني اخراج الصويلح المتحرك وهداف الفريق يعني لازم يلعب العنبر الخطا الثالث هو اخراج الفريدي الذي كان شايل خط الوسط وكان هو مفتاح الهجمات والكرات الخطره لااحد يقولي ارهاق يعني كان بالامكان الفوز بااربعه او خمسة او حتى اكثر من ذلك مع تقديم المستوى الكبير كوزمين جباااااااااااااان جبااااااااااااان لااحد يجيني الحين ويقول احنا مطرود منا لاعب ومدري ايش ومن هالكلام لاان فيه فرق كبير بين الهلال والوطني لو كنا مع فريق كبير يمكن نعذر المدرب |
اوافقك الراي صراحة اللي سواه كوزمين اليوم خاصة بالتغييرات بربسه في بربسه والله لو كان قدامنا فريق زي الناس كان جابوا التعادل بالراحة |
بصراحة اذا بقي كوزمين وتخبيصاته لايفكر الهلال بالدوري ولا البطولة الاسيوية لازم يحاسب كوزمين من قبل المشرف سامي الجابر والادارة نتمنى ان لايكون الفوز مخدر لهم حتى مع الفوز لم يظهر الهلال بصورته |
كوزمين قاد المباراة بطريقة مثالية.. |
يا عزيزي : أول شي المدرب دخل خيرات لأنه تقريبا ضمن نقاط المباراه . ثاني شي المدرب باقي لهه كم لاعب لازم يستغني عنه والعنبر من الأسماء الي بيستغني عنها المدرب عشان كذا لازم ياخذ فرصته ويلعب عشان يحددو مستواه . ثالث شي المدرب طلع الفريدي لأن الفريق عنده مباريات مهمه قادمه والفريدي هو الي شايل الوسط حاليل خصوصا بعد ايقاف التائب , والسبب أكيد الارهاق . آخر شي كوزمين من أفضل المدربين الي مروا على الزعيم ومالها داعي تقول عليه جبان لأن المدرب يلعب بتكتيك راااائع .. لا هنــــت . |
كوزمينـ آليومـ كآنـ وآقعيـ بآلتشكيلة ........... معـ تحفظيـ على تغييرآتهـ .....! |
كوزمين اليوم كان 100% لعب 4\4\2 وبعد الطرد سحب مهاجم ودخل مدافع وهذه اكثر المدربين بالعالم يسويها واخراج الصويلح والفريدي عشان لا يتعبون وقدامهم مباراة الاهلي |
يأخوان التنظير سهل جداً لكن العمل صعب جداً كذلك,ولو الأمر بسيط زي كذا كان صار أعضاء المنتدى كلهم مدربين, انت تنظر لمباراة واحده والمدرب ينظر لموسم مرهق مليء بالمشاركات الداخليًه والخارجيًه,المدرب يحسب حساب الجولات اللًتي سيلعبها بدون لاعبي المنتخب,يحسب حساب الإصابات لاسمح الله,يحسب حساب الإرهاق اللًذي سيطال اللاًعبين جرًاء جدول سمك لبن تمر هندي,ليس من المعقول أن يعتمد على 12 لاعب فقط,يريد أن يكون اللاًعبين جميعاً لديهم حساسية المباريات,ليس من المعقول أن تجلس لاعبين على دكة الإحتياط على طول لمجرد أن من في الملعب أجاد ثمً تطلب منهم الإجاده عندما تضطًر للإستعانه بهم تحت أي ظرف. هناك نقطه أخرى يجب أن نعرفها أن أفضل مدربي العالم يخطؤون ويعرفون ذلك بعد انتهاء المباراة ومايفعلونه هو محاولة التعلُم من أخطائهم,ليس هناك مدرب كامل بدون أخطاء حتًى ولو افترضنا جدلاً بوجودهم سنبقى ننتقدهم لأنً المسأله بكل بساطه إختلاف وجهات النظر وكيفية تحليل الأمور ناهيك عن تأثير العاطفه علينا في حكمنا على الأمور. |
انا معك في اخراج الفريدي خطا كبير |
فريق ناقص لاعب وفريق يلعب بدون لاعبيه الاجانب وش تبي المدرب يسوي ينزل يلعب بدل الاجانب ولا يحجر الحكم في زاوية الملعب ويقول له ليه تطرد نامي الحمد لله على الفوز والاهم هو النقاط الثلاث والمستوى اليوم افضل بكثير من المباراة السابقة وجهة نظر |
كوزمين مسك آلمبآرآة بقوة وآنت تقول طلع يآسر آلقحطآني ودخل خيرآت ! يآشيخ يآسر موب بمستوآه وبعدين آلفريق فآيز خلآص يقلبهآ دفآعية ! وشكرآ لك ويكفينآ بآلمبآره آلنقآط آلثلآث ! http://up106.arabsh.com/s/2bes6v7v8u.png |
وجهة نظرك واحترمها وان كنت اخالفك الرأي فقد تعامل مع ظروف المباراة بواقعية |
من ناحية العنبر ,, عمل جيد من كوزمين بتجهيز اكثر من مهاجم ؛ و لعلك تتذكر الموسم الماضي ؛ عانينا من بديل ياسر ع في ظل اصابة الصويلح ,, تجهيز اكثر من بديل امر ضروري وخصوصاً اذا كان الفريق متقدم في المباراة ,, |
اش رايك تكون المدرب احسن تقبل |
المشكلة ماهي في كوزمين المشكلة في سامي الجابر هو الي مخلي الشلهوب يلعب 90 دقيقة لانه حبيب قلبه |
والله انك تضحك لو هو حاط صالح الدوسري ضهير انتقدتوه وقلتو مهب مكانه ودخول العنبر له فايدتين الاولى اراحة الصويلح الي بذل مجهود كبير والثانيه هو احتاج للاعب هداف حتى لو مايسجل على الاقل يبقي المدافعين اما النقطه الثالثه انا اتفق معك خصوصا ان التبديل قبل الهدف الثالث يعني ماضمن المبارات |
دائماً المدرب لا يستفيد من سئياته السابقة والتغيرات الغير موفقة وخاصة خروج الصويلح على حساب العنبر المدرب يفقد هيبة الهلال فالقادم اصعب فنحن لعبنا مباريات مع فرق في ذيل سلم الترتيب والله يستر من غداً |
ياخي ترى عندك مباراة بعد أربعة أيام مع الأهلي يعني لازم تريح شوي اللاعبين وأخص اللاعبين اللي مقدمين مستوى (الصويلح)و(الفريدي ..نوعاً ما) |
إقتباس:
الشلهوب من نجوم المبارات وانت تقول عشانه حبيب قلبه وبعدين كوزمين مدرب قوي الشخصيه ومايرضى بالتدخل |
أخالفك الرأي كوزمين كان منطقيا في جميع التغييرات ماعدا أخراج الصويلح وأدخال العنبر .. |
ياخوي المدرب ماقصر وضع التشكيله المناسبه وتغيرلته صحيحه وماعليها كلام وارجوا تحسين الفاضك وعدم نعت المدرب بالجبان لنه باين انك من مثيري الفتن وتاليب الجماهير على المدرب . ولا ماعندك سالفه ؟ |
إقتباس:
الشلهوب مو هذا مستواه ولكي يرجع لمستواه لازم كوزمين يحطه احتياط هو وياسر القحطاني وحتى الكرة التي جاء منها الهدف الثاني الشلهوب شاتها في يد الحارس وماقصر الصويلح كملها |
إقتباس:
الوحدة / له ( 7 ) اهداف وعليه ( 9 ) والباقي كله صحيح ابها / له ( 4 ) اهداف وعليه ( 7 ) والباقي كله صحيح واتمنى اكون دقيق واعتذر على كل شي يا غالي بس حبيت التوضيح طال عمرك :) وشكرا . |
يا شباب اعطو الخباز خبزوا ولو اكل نصوا .. كوزمين يعرف ايش يسوي .. انتو مالكم الا الي يرضيكم بأذن الله .. كوزمين بعد هزيمه نجران صحصح .. وماعليكم هو يعرف ايش يسوي ... <<<<<<< هاذي وجهت نظري واتمنى تتقبلوها |
اوافقك الراي بصراحة. |
يعطيك العافيه اخوي انا عندي تعليق ضد المدرب كوزمين خصوصاً في تغيير الصويلح لانه يفترض وجوده وكوزمين كرر التغييرات الغير مناسبه في كذا مباراة وسبحان الله تقلب الوضع من هجوم ضاغط وفريق بالش بعمره مع الهلال دفاعاً إلى اننا نشاهد الهلال يعاني تحت الضغط والمشكله ان كوزمين فتح الهجوم وخفف الضغط على دفاع الخصم وهذي مصيبه .... ويفترض ان يطبق قاعدة خير وسيلة للدفاع الهجووووووووم ولا غيره ... ولكن كوزمين يقلب الوضع 180 درجه نحن مع ضروف الفريق ولكن ليس بمثل هذه الطريقه .. ليس هناك مشكله لو استمر بالصويلح في مباراة الوطني كونه ماشاء الله عليه مشغل الدفاع ومتحرك ونفسه مفتوحه للعب ويجي يغيره بالعنبر ؟؟ ماذا أضاف العنبر !!! لاشيء إلا قلب الضغط على دفاع الهلال ليه ياكوزمين ؟؟؟ نحن نريد فريق يرهب الخصوم معروف الهلال اذا حجمت هجومه ينهزم بسهوله متناهيه حتى لو جبت دفاع أوربي طقم كامل مافيه فايده يا أخوان لابد من لفت نظر كوزمين أن الهلال مستعد بالاستمرار فترة المباراة مهما حصل وهو يهاجم بكل ضراوه وتكون الفرق حاسبه حساب هالأمر ومتحفظين بالدفاع خوفاً منه .. الآن كوزمين يبدأ المباريات صح 100% ولكن سرعان ماتقلب المباراة رأساً على عقب بعد التغييرات الغير منطقيه في كذا مباراة .. والله يستر من اللي جاي ... نحن نعرف ان الاصابات موجوده والخوف على اللاعبين ضروري ولكن الدوري كذا مضغوط لكل الفرق مايمنع انك تريح بعض اللاعبين ولكن لاتخبص خططك وفكرتك بالفوز بالثلاث نقاط هذا المهم في هذا الدوري الملخبط والله يعين بس .... تحياتي ،،،،،،،،،،،،،، |
كوزمن صح على صح صح صح |
إقتباس:
ومنهو على حسابه عزوز الدوسري المضحك المبكي أن كوزمين غير ستة عناصر من تشكيلة الفريق أمام نجران وأبقى على اللاعب البعيدجدا عن مستواه الشلهوب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
مالكم دخل بكوزمين مالكم إلا اللي يجيبلكم دوري هالسنة ومعها بطولة آسيا بإذن الله لإنه مدرب عارف وش يسوي ولاعنده دلع يعني يوم شاف اللاعب قام يخبص مثل ياسر علطول يطلعه وهذه تدل على شخصية المدرب القوية وأنه ماتهمه الأسماء اللي يهمه العطاء داخل الملعب اما جماهيري ومو جماهيري فهذا مايهمه فعلا كوزمين مدرب كل يوم يزيد إعجابي فيه أكثر والدليل اليوم أثبت المدرب بعد نظره في مشكلة الظهير الأيمن فهم كان يحاول يجهز إحتياط لمحمد نامي حتى يستعين به عند إصابة او توقيف وهاهو الآن يتوقف نامي والهلال امامه مبارة مهمة جدا يوم الأحد فمن فيه سوى الخثران او خيرات والله يعين...... |
معليش يا شباب كوزمين يدرب فريق قوي اسمه الهلال يعني يعني انلومه لو اخط لا احد يقارن الهلال بالفرق الثانية(اتحاد .شباب.إلخ...) الفريق قوي يعني اذا اخذ بطولة المدرب له نسبة لكن اللعيبة لهم النسبا الكبر |
ياعالم الله يرضى عليكم خلوا الناس تشتغل الحمد لله الأمور ماشيه مثل مايريد الداهيه ولا ننسى أمامنا مباراة قويه بعد أربعة أيام وأجزم انه واضعها في حسبانه ... |
كوزمين يرفع الضغط بتغييرااااااااته والله ابرز لاعبي الفريق يطلعهم وكأنه يقول للفرق الثانيه هاجموا فتحت لكم الطريق شي يقهرررررررررررررررررر والله |
| الوقت المعتمد في المنتدى بتوقيت جرينتش +3.
الوقت الان » 01:43 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd