الوازع الديني !! - نادي الهلال السعودي - شبكة الزعيم

ابوصالح222 · #1 08/10/2008, 02:31 AM

السلام عليكم والرحمة

حين يكون الواحد حافظ مابينه ومابين ربه تكون اموره تمام

وراح يكون سعيداً في الدنيا والآخرة .

انا هنا لكي انقل لكم حادثة صارت معي وكانت مؤسفة جداً

:: :: :: :: :: ::

في يوماً من الأيام وكعادتي على الايميل اتصفحه

وتأتي اضافة غريبة من ايميل غريب !!

من انت ؟ ومن وين جبت الايميل ؟

قال بالحرف الواحد :- اختي تبغى شاب يمديك تجي انت !!

انا قلت وانت ماعندك غيرة لاختك وتقولها عادي !!

قال :- والله احنا كذا ابوي مسافر وامي تعبانة ومافي إلا أنا واختي

قلت ياخوي تب إلى ربك وخل اختك تتوب

قال : ترى لو رفضت انت في كثير يبغونها

قلت والله انا نصحتك وانت براحتك أختك وتصرف فيها

,,

البالتوك

تحصل فيه امور لاتخطر على قلب بشر

اللهم احفظ بناتنا وشبابنا من كل سوء

سلاااااام

CRIS LOVE · #2 08/10/2008, 02:45 AM

هلآ أخوي . . !

والله مآ أدري وش أقول ..

بس هالأمور كلهآ اللي قآعدهآ تصير بالفعل تدل على فقدآن الوآزع الديني ..

اللهم لآتبلآنآ ..

لآهنت يالغآلي ..

ع ـوآفي !

~

الـمـشـاغـب · #3 08/10/2008, 02:47 AM

<< ما قدر يستوعب .. الله لا يبلانا ..!

بس والله فيك الخير اللي ما قبلت العرض

ذكرتني بايميل وحده حاطه نورة 917 .. حصل لي موقف يشابه موقفك .. بس ما تعبت نفسي

بالتفكير .. بلوك وديليت وانتهى الموضوع ..!

الناس أجناس .. ولا تستغرب إذا شفت لك مثل هالعينات ..!

يالله فارق

فتاه هلاليه · #4 08/10/2008, 02:52 AM

معقولة ..!!!!

وصلت فيها الوقاحه لهالدرجه ..!!!
لابعد الأخو ..!!!وشلون يرضى على اخته تكلم شباب ..!!

إقتباس


	<< ما قدر يستوعب .. الله لا يبلانا ..!

Me to

-----
بعدين مثل ماقلت أنت كلها تصير بسبب قلة الوازع الديني ..والتربية هنا ممكن يصير لها دور يعني مستحيل بنت متربية وتسوي هالحركات .!

زعـيم الزعـماء · #5 08/10/2008, 03:32 AM

لا حول ولا قوة الا بالله ..
اذا هذا أقرب واحد لها يسوي كذا ..
ما نقول الا الله يهديه و يصلحه

اللهم لا تؤاخذنا بما فعل السفهاء منا

شكرا ًَ لك ع الموضوع .. ورده
مثل ما قال سلطان فيك الخير ما قبلت

ورده

سهل · #6 08/10/2008, 03:53 AM

شفتك جاي لموضوعي مسرع قلت اجي عند نتسابق << حشى ارانب !
او الموضوع فيه ريحة ارانب

يا خي احسهم يكلمونك من جهاز
زي اللي يطلعون بالهوت بيرد صورة فتاه وتقول اتصل علي حالاً

يعني يا واحد بيستهبل معك او شبكة كبيرة للدعاره يجب عليك التعرف
عليها ومن ثم ابلاغي

وانا بدوري سأخبر المشاغب ....

او انهم مقيمين ..!!

الـسـلـطـان · #7 08/10/2008, 04:08 AM

يمكن هو يعيش في بلد عندهم إيزي

يعني انت بما إنك عايش بالمملكة تحسب اي واحد يسولف معك ساكن بالمملكه

وأنا ذا الموقف صار لي لكن مع البنت نفسها مو أخوها

بس ماله داعي اقول وش قالت

الله يستر ع بنات المسلمين

المحبره · #8 08/10/2008, 06:30 AM

الله لايبلانا ..

بس ليتك سألته .. وش سالفتهم ؟؟ و ليه يسوي كذا ؟؟ <<< ياشين اللقافة

الله يحفظ بنات وشباب المسلمين من كل شر وسوء وفتنة ..

A S D · #9 08/10/2008, 06:40 AM

كان حوّلتهم عليّ

ما أقول الا الله لا يبلانا , يعني شي غريب .!!
بس كيف جاب ايميلك , الي اعرفه ان التخمين ما ينفع

اللهم لا تؤاخذنا بما فعل السفهاء منا

ورده

ارسن فينقر · #10 08/10/2008, 06:41 AM

الواحد مايدري شيقوول
بس موقف محرج

يمكن يكوون مقلب ..

المـشـاكـس · #11 08/10/2008, 06:42 AM

والله يا عليك سالفة

..

ذكرتني بواحد جاني من الديرة ..
قال لي : والله يا عندكم مساجد بجدة مختلفة بقوة ..
قلت له .. من اي ناحية .. من ناحية المبنى او الائمة او مساحة او ... الخ ؟
قال : من ناحية الوازع الديني

...

المهم سالفتك مهيب بعيدة عنه

..

ما علينا ..
هالحين وانت صدقت .. يمكن واحد يبي يسوق عليك

..
تحصله هالحين منزل موضوع بمنتداهم ومسميه " الوازع الديني " ..
ويتكلم عن الشباب الللي انجروا على خشومهم بالحركة هذي

..

عوافي ع السالفة ..
وخصوصا طلعة البالتوك اللي مدري وش سنعها

..
على طاريه .. بالله انصح سالم والفهد .. تراهم الله يهديهم مدمنين على البالتوك

..

مدري ليه احس اني عرفتك

..
و والله اني كتبت ردي هذا بناءاً على هالاحساس ..
فإذا طلع احساسي غلط .. فاعذرني يالغلا ورده ..
عاد الخال ثالث الوالدين

اذا ما عذرته .. من تعذر ؟!!

..

الـسـلـطـان · #12 08/10/2008, 06:48 AM

بما أنكم جبتوا طاري الإضافات والتخمين

بيجب لكم قصو واحد اضافني ع الإيميل

هذ الله يسلمكم يوم رجعت من مكة وإلا الاقي واحد مضيفني

واجي ابي اسولف معه وإلا الأخ يتكلم إنجليزي

وش الدبره ؟؟

المهم استخدمت برنامج الوافي وقوقل وما قصروا معي بصراحه

بس قصته إني كل ما اقول له هااي يقول لي

" انتي فتاه جميله واريد ان أرى وجهك الكام "

ما درا لو وريته وجهي وش بيصير فيه

بس خليته عندي يمكن يجي يوم ونتعلم إنجليزي ونطقطق انا ووياه

نزلت القصة من الفضاوة والله

يعني لا تستغرب إذا رديت ع موضوع بردين

كان هنا · #13 08/10/2008, 08:15 AM

أبـوصالح ، الظـاهر أنه يطقـطق عليك

.
نـاس ما تختشيش والله ، اللهم أصلح حال المسـلمين .

إقتباس


	تحصله هالحين منزل موضوع بمنتداهم ومسميه " الوازع الديني " .. ويتكلم عن الشباب الللي انجروا على خشومهم بالحركة هذي ..

هههههههههههههههههههه ..

ابوصالح222 · #14 08/10/2008, 11:50 AM

الله يعطيكم العافية على المرور ..

والسالفة شباب مو تخمين او ان يستهبل معي .

عاد أنا وقتها قبلت بعض العروض

عشان أتأكد , لا أحد يجيني الحين ويقول انه لو جاء هذا العرض مايقبله

والسالفة صارت صدق والله المستعان .

شكراً لكم ورده

الـمـشـاغـب · #15 08/10/2008, 12:02 PM

إقتباس

الرسالة الأصلية كتبت بواسطة ابوصالح222


	الله يعطيكم العافية على المرور .. والسالفة شباب مو تخمين او ان يستهبل معي . عاد أنا وقتها قبلت بعض العروض عشان أتأكد , لا أحد يجيني الحين ويقول انه لو جاء هذا العرض مايقبله والسالفة صارت صدق والله المستعان . شكراً لكم ورده

يؤ أجل قبلت بعض العروض؟

طيب وين راح كلامك تو عن الوازع الديني؟

إقتباس

الرسالة الأصلية كتبت بواسطة ابوصالح222


	حين يكون الواحد حافظ مابينه ومابين ربه تكون اموره تمام وراح يكون سعيداً في الدنيا والآخرة .

والا لما تجي العروض تلين الحواجب؟

المهم انتبه وأنا أخوك لا يجرونك للوكر وتبلش بدال ما تصيد تنصاد

إذا جاتك اضافة مثلها قل لهم عمرك مثل عمر بيرت بلس أو غيمة عطش 43 سنة
عشان تختبر مصداقية عروضهم الوهمية

إقتباس

الرسالة الأصلية كتبت بواسطة سهل


	يعني يا واحد بيستهبل معك او شبكة كبيرة للدعاره يجب عليك التعرف عليها ومن ثم ابلاغي وانا بدوري سأخبر المشاغب ....

والله مهيب شينة يا أبو حاتم

بس متى تحين ساعة الصفر؟

نجيب عجاري معنا للمداهمة والا المسدسات تكفي؟