نادي الهلال السعودي - شبكة الزعيم - الموقع الرسمي - أنا شبابي ولست بهلالي .. وخذوا مني هذه العبره .. و يداً بيد لعودة " القناص " ..

- منتدى الجمهور الهلالي (http://vb.alhilal.com/forumdisplay.php?f=28)

أنا شبابي ولست بهلالي .. وخذوا مني هذه العبره .. و يداً بيد لعودة " القناص " ..

بسم الله الرحمن الرحيم ..

السلام عليكم و رحمة الله و بركاته ..

أولا .. أخواني جماهير الأزرق .. أعتذر منكم .. على إنتحالي إسم هلالي و أنا لست بهلالي ..

نعم أنا شبابي .. ولكن يعلم الله بما أحمله من حب و وفاء و معزه للشقيق الأزرق ..

زعيم الكرة السعودية .. كما هوا عشقي لشيخ الأندية السعودية ..

والله يا إخواني إن أشوف نفسي فيكم قبل سنة من الآن " تماااااماً " ..

والله حزنت على حال الجماهير ..

لماذا هذا الهجوم العنيف على القناص .. الاعب الأسيوي الأفضل ياسر القحطاني ..

برأيكم أي الخيارين التاليين أفضل ..

1- الهجوم العنيف و النقد الجراح للقناص ..

2- الوقفة الصادقة و التشجيع و رفع المعنويات و النقد البناء ..

أيهما سيعيد لنا ياسر ( 1 ) أم ( 2 ) ..

بقولكم عبره .. أتمنا تتخذوها مع ياسر ..

العام .. ناصر الشمراني ظل يلعب 16 لقاء و لا يسجل أي هدف ..

وجميعنا من جماهير شبابية .. كنى نشن أنواع الهجمات ع الزلزال ..

كان ناصر يقلي شخصياً .. أنا أحتاج وقفه بسيطه وراح أرد ع الجميع .. و أثبت نفسي بنفسي ..

قلة من هم وقفوا مع ناصر .. من جماهير الليث ..

وبعدها عاد الزلزال بعد صيام 16 مباراة ليسجل ما يقارب 30 هدف ..

و عاد ليكون هداف بطولتين سعودية ..

أرأيتم الفرق ..

أنا ما أبي أقارن جمهور الزعيم بالليث .. لأانه لا يقارن ..

جماهيرية الليث ليست بجماهيرية الزعيم و مع ذلك إستطاعو قله أن يعيدو الزلزال لما عرف عنه ..

فما بالكم ..

إذا ..

" وقف جميع الشعب الهلالي مع القناص ياسر القحطاني .. "

سأجزم 100% أن القناص سيعود أفضل مما كان ..

القناص الذي جلب كأس الدوري و جلب كأس ولي العهد مع بقية أفراد الزعيم للنادي الهلالي .. في العام الفائت .. يستحق ما يحدث له ..

لا والله ..

صحيح أنكم جمهور الأزرق وانا ليس من مشجعيه .. ولا يحق لي التدخل فيما بينكم ..

ولكن صدقوني سأصف نفسي بالمحب الذي ينصح أخاه ..

عتبي عليكم يا جمهور الأزرق .. لا تفرطو بالقناص ..

أذكركم القناص يحتاج البسيط منكم ليعود فلا تبخلو عليه ..

لنرى اللافتات في مباراة الوطني لنرى الكل يهتف بإسم ياسر ..

ليحس ياسر بأنه القائد الذي يقود جيشه .. جمهور الأزرق ..

و لتأخذو العبره ناصر الشمراني 16 مباراة .. بدون أهداف و بدون مستوى ..

ولكن ياسر 3 مباريات بدون مستوى ولكن سجل ..

و أنا أقولكم ياسر راح يرجع أفضل من أول ..

و أقول للقناص ..

و أنا معك .. و مع جمهور الأزرق الوفي .. وسنمد لك يد العون بكل ما أوتينا من قوه ..

لنراك تهز الشباك من جديد ..

ونرى هذه الصورة من جديد ..

http://www.qahtaan.com/works/up/uplo...1173303059.jpg

و دوما سنظل أشقاء ..

ولا ننسى المعادلة التي تقول ( الشباب + الهلال = 1 ) ولا لا s60s

تقبلو مني أرق التحايا ..

[email protected]

جمهوووووووووور الزعيم مع ياااسر الكاااسر

واللي قريته انت بالمنتدى هي خربشات المندسين والأطفال

فئة ( معاهم معاهم عليهم عليهم )

صح الأخلاق الرياضية:clapping:

ليت كل الجماهير مثلك

بالتوفيق للقناص مع الزعيم

بالتوفيق للشمراني مع الليث

تحياتيــ

أنا مستغرب من المشرف ليش ما يحذف المواااضيع التافههـ <............ للمره الثانية أقوولهـ

كلـ اللي يسبوووون ياسر أما نصراااااوي حاقد أو طفل

يعطيك العافيه على الطرح الرائع ونتشرف فيك بيننا

يا الغالي وان شاءالله ياسر راح يرجع للمستوى المطلوب

منه وكلنا معه قلبً وقالباً .,’

لا ما عليك حنا مع ياسر واصلا ما قلنا انخفض مستواه
بس حنا كذا بعض الاطفال يطلع لك ويقوم يا انه مندس نثراوي
ولا طفل مراهق

ياسر معروف وفي غنى عن شهادتنا
وحنا واقفين معه وتونا ما امدانا نحكم على ابداعات ياسر
باقي الدوري بالبدايه واوعدكم وراح تشوفون ياسر دايم يرد بالملعب

اشكرك على روحك الرياضيه

حبيب قلبي يوفي .. محد اجبرك تدخل الموضوع .. محد أجبرك تكتب رد ..

الموضوع ما عجبك يا وسع الباب ..

الموضوع عجبك سأكون أول المرحبين فيك و اشكرك ع اعجابك بموضوعي ..

وشاكر لك روحك الرياضية العالية ..

أنا هنا أكتب لجماهير الزعيم المثقفه الرائعة عالية الأخلاق ..

أم غيرهم أن ما ألفت لهم بال ..

لك مني ارق التحايا ..

"
"
الف شكر لكم ياجماهير الليث

نعم الهلال والشباب عينان في راس واحد
"
أتمنى المشرفين تثبيت الموضوع
لكي يعرف ياسر مامدى عشق الجماهير السعوديه له

إقتباس:

الرسالة الأصلية كتبت بواسطة yove (مشاركة 9790356)

يا الحبيب اقراء الموضوع زين بعدين تعال رد

الرجال ما سب بالعكس يقول كلام معقول

ونقده اذا انت شايف انه نقد يعتبر نقد ايجابي وهادف

ارجع مره ثانيه اقولك اقراء الموضوع صح بعدين رد .,

لن نقف ضد ياسر أبدا وما تراه من هجوم هم الصغار والمندسين ..
أي هلالي عاقل ويفهم كوره يعرف أن ياسر مكسب للزعيم ودائما يصنع الفارق والدليل الموسم الماضي

شكرا لك اخوي على شماعرك الطيبه .. ورده

يعطيك العافية .. !!

ان شاء اللــة يرجع ياسر زي أول ...

بس شوفوا وزن ياسر في كاس العالم 2006 و وزنة اللحين .. في فرق واضح ..

http://www.alriyadh.com/worldcup/img/teams/ksa/p_20.jpg

http://www.alriyadh.com/2008/01/05/img/071043.jpg

ورده

تحياتي ,’,’,

كلامك روعه اخي الشبابي واحي فيك روحك ونصيحة لازم نحطها بالاعتبار مو شرط الجمهور الهلالي

لا الاعلام بعد ضد ياسر وهذ1 ضد ياسر وحنا نبي العكس

اي والله ليت كل الجماهير مثلك..الف شكر لك..ودائما جماهير الهلال مع ياسر وكل من ينتمي للازرق..الى ان يرجع لمستواه الكبير اللي عهدناه..

يعطيك العافيه على روحك الرياضيه

وربي ما يسب ياسر ويجرحه الا المنسدين و الأطفال

والا احنا ثقتنا بالله كبيره ان ياسر بيرجع لمستواه وأفضل بعد

..

مره ثاااانيه شاكر لك على هالموضوع الحلو

ما قصرت والله

ومثل ما قلت

الشباب+الهلال=1

والله يديم المحبه

يالكاسريالقناص يـا أفضل لاعب آسيوي لايهمك حكيهم .

وانته أن شاء الله راح تكون هداف الدوري مناصفتناً مع الشمراني لـ عيون كاتب الموضوع

بإذن الله راح تسجل امام الوطني سوبر هاتريك

وتفداك انت ونجوم الزعيم مليون خسارة .

نتمى من الجميع نسيان الماضي والتفكير في المستقبل (خذو من الماضي العبر فقط ) والمستقبل فيه كل شيء .