|
من مبدأ العقاب: حرمان اللاعبين من طائرة خاصة تنقلهم لتبوك هذا ما جاء في رسالة جوال الرياض اذا كان حرمان اللاعبين من الطائرة الخاصة تم فعلا وهو بسبب مستواهم السيء امام نجران فهو امر ممتاز من سمو الامير وهو تطبيق سياسة الثواب والعقاب فتوزيع الرواتب والمكافات اول باول ومضاعفة المكافئة مبدا الثواب الان مبدا العقاب يجب ان يكون وكل شي اول باول وهي قرصة اذن للاعبين يجب ان يستوعبوها ننتظر المستوى الجيد والنتيجة امام الوطني |
كبوووووووووووة جوووواد |
يالرجال وش رايك يروحون على بعارين وش هالكلام ياناس مافيه احد يبغى ينهزم او يتعادل الكل يبي يفوز بس التوفيق بيد الله سبحانه بعدين الهلال فريق مثل الفرق الاخرى شف ترتيب البرازيل الان في مجموعتها في تصفيات كاس العالم الدنيا ماتوقف على مبارة وحده تقبل كلامي بصدر رحب مايصير اذا فاز الفريق مانخلي شي من المدح واذا انهزم الكل يطلق لسانه عليهم ياجماعه الرياضه يوم لك ويوم عليك وان شاء الله يوم الاربعاء الزعيم يفرحنا ومشكور اخوي |
هههههههههههههههههههههههههههههههههههههههههههههههههه عقاب يضحك ههههههههههههههههههههههههههههههه واذا تعبو اللاعبين و صابهم ارهاق من الطريق وشلون تبونهم يلعبون هههههههههههههههههههه |
بسم عليك امنته يروحون نقل جماعي يصولون بعد يومين ينهزمون في المباراه بعد ه وش تستفيد ممكن يخصم اما يعاقب بحرمانهم من الطايره الخاصه قويـــــــــــــــــــــــــه |
اهم شي راحة اللاعبين النفسيه والبدنيه |
غريبه !! طيب كذا بيتعبون من الرحله ..!! |
الله يصلح الحال ربي يوفق هلالنا |
إقتباس:
هلا بك يالغالي اتقبل كلامك واشكر لك مشاركتك بالموضوع بالنسبة لسفر اللاعبين عادي العام الماضي راحوا بدون طيارة خاصة وفازوا ورجعوا الان نفس الشي يرحون بدون طيارة خاصة لن يكون عليهم تعب ولكن هذي نقدر نسميها قرصة اذن لهم ولكن هل اللاعبين يرضون اذا فازوا اننا نحرمهم من المكافاة ونقول لهم هالمباراة ماتحتاج مكافاة ؟ لعيبة نادي الهلال لعيبة منتخب لاينفع ان نجعل الحسم هو العقاب من البداية اما تقليل الرفاهيه عليهم هذا نوع من العقاب وايضا الزامهم بتمرين اضافي اما مسالة مافيه فريق يبي ينهزم او يتعادل الا فيه ياغالي من يدخل باستهتار ولا يركض في الملعب وحائط صد من 7 لاعبين لايقفز منه احد في الهدف الثاني تقول مايبون ينهزمون ؟ ماينفع انك تكون رافض الهزيمة نفسيا وتتقبلها واقعيا على ارض الملعب تبي تفوز احرث الملعب وتحرك وهلابك مره ثانية |
بيض الله وجهك وانا اخوك سعيد بمداخلتك وان شاء الله ابارك لك يوم الاربعاء الفوز وحياك الله وكل عام وانت بخير |
إقتباس:
اخواني انتم ماخذين مسالة ارهاق اللاعبين بزيادة العام ترى راحوا لتبوك بدون طيارة خاصة وفازوا ورجعوا يعني الطيارة الخاصة كانت زيادة خير فقط وتدليع للاعبين مستواهم السيء امام نجران يجعل ادارة النادي تقول لاحاجة للطائرة الخاصة بالعربي ليه ادلع اللاعبين وهم ما ادوا مستوى ؟؟ جيزهم جيز بقية الفرق تسافر بطيارة عادية وعندما يقدمون المستوى الجيد نرجع ندلعهم مره ثانية اما مسالة الخصم من البداية فهي غير جيدة للاعب المحترف |
انت تعرف ايش معنى طياره خاصه يعني بكيفنا متى ماودنا نسافر مو مثل الخطوط حجز وقلة حيا |
عسى ماشر هذ1 الحين عقاب .. يحرمهم من الطائره الخاصه .. الطائره الخاصه تقلل من تاثيرات الجو عليهم .. وانا كـ جماهير نبيهم بفوزون ويرجعون بـ 3 نقاط .. ممكن العقاب بـ الرواتب بـ المكافئات بـ زياده التمرين .. مو حرمانهم من الطائره الخاصه .. استغفرالله .. استغفرالله .. استغفرالله .. |
وش رايك يروحون بسايكل عشان تجيهم لياقه اكثر ^_^ |
للمعلوميه فقط لاعبي الفريق الوطني قطعوا مسافة مايقارب الف كيلو متر لمبارتهم ضد فريق الرائد يوم السبت الماضي اذا كان هناك ثواب فلا بد من العقاب . |
| الوقت المعتمد في المنتدى بتوقيت جرينتش +3.
الوقت الان » 07:50 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd