ياأخوان قبل ماأتكلم عن موضوع أحب اقول شي بسيط فقط .

في وقت الصحابي عمر بن الخطاب وكان أمير المؤمنين في وقتها يعالج جمل فيه جرب فجاء علي بن ابي طالب فقال ياأمير المؤمنين لو وضعت خادم أو أجير فقال ياعلي والله لو ماعزا سقطت في نهر الشام لكنت أنا المسؤول عنها أمام الله . قال ماعز ماقال بشر ( ركزوا ماعز وليس بشر ) ( ماعز وليس بشر ) ( ماعز موب بشر )

سلام ياوزير الصحه كيف الحال تستاهل أحلى صفقة .
سلام ياأحلى دكاترة وممرضات وربي تستاهلون ثلاث صفقات
أكيد ليش لا طبعا من أمن العقوبة أساء الأدب .
سلام ياأحلى سكرتي قصدي فريق ركن تستاهل الرتبه تدري ليش لأني بكل بساطه معي حالة إسعاف وإنت تنفخ علي ممنوع الوقوف قدام الباب . ( هذا همك )
سلام ياأحلى موظفين استقبال تدرون ليش لأني حملت زوجتي على أكتافي بدون مايتعب الواحد نفسه يجيب لي عربية .

سلام سلام سلام سلام سلام خاص خاص خاص تدرون لمين ( . . . . . ، . . . . ) خلوها مستوره .

ماراح أكتب وش حصل لي بالظبط بس اللبيب بالإشارة يفهم .
ياأخوان حالة اسعافيه من الرابعة عصرا وماتدخل على الدكتوره ولاتعطيها وجه الممرضة الا الساعة السابعة مساءا .

سلمولي على أحلى دكتورة سودانية اسمها نهله تطق زوجتي مع رجليها وتقول إنتي بزر جالسه تبكين . المفروض يصرفون لها بدل ( عجراء ) .

هاذي بعض الإقتباسات وإنتم الحكم . آسف مااقدر اتكلم لأني جالس أبكي . قصدي أتذكر الميزانية وين راحت فلوسها .

إقتباس ولدتني طبيبه سعوديه في مستشفى اليمامه وطبعا يوم الجمعه مناوبه !! . والله يااخوات لما اتذكر هذي الولاده والي جاني من بعدها تصيبني القشعريره المحروسه الي هي الدكتوره بعد ماولدتني راحت وتركتني معلقه بين السما ءوالارض حوالي نصف ساعه وطبعا بس طلعت البيبي والمشيمه بس يعني مابعد نظفت الرحم جت المحروسه بعد تقريبا نصف ساعه خيطتني ثم نزلت رجولي ولا تنظيف ولايحزنون ,,,الله يكتب الاجريابنات ترى حصلي انزلاق عضروفي صرت اعاني منه طول حياتي المهم ودوني للترقيد ولاقدرت تحرك من التعب من بكرى لما سحبت نفسي لدورت المياه طحت في الحمام من الدوخه رنيت الجرس على الممرضات ولكن لاحياة لمن تنادي زحفت على الارض مثل الطفل الي لسى متعود الزحف لحتى طلعت من الحمام جت دكتوره باكستانيه المفروض انها قاست الدم عندي ولاشيء من هذا

إقتباس الطفل «يزيد» يفتح جراح الإهمال داخل مستشفى اليمامة «بانعدام الماء» يوماً كاملاً ووالده يسعف المستشفى ب 8 قوارير ماء!

إقتباس الرياض أيمن الغامدي : اضطر عدد من المواطنين لنقل نساءهن لمستشفيات خاصة بعد أن رفض مستشفى اليمامة الحكومي شرق العاصمة الرياض لإجراء عمليات للنساء بعد تأخر ولادتهن بحجة أن الأطباء مشاركون ببعثة وزارة الصحة بالحج . في حين تفاجأ عدد من النساء المنومات بالمستشفى باكتشاف "صرصور" داخل وجبة عشاء قدمت لهن بالمستشفى ، وبعد تصعيد تذمرهن للعاملات بالمستشفى أفدن أن هذه الحادثة ليست غريبة عليهن فقد تعودن مراراً على سوء تقديم الخدمة للمرضى .

إقتباس انا ولدت عندهم البيبي اول مايخلصون اجرائته يرمونه عليك بصراحه انا ما انصحك فيه حتى الخياطه حقتهم ميب حلوه ورفضوا تدخل معاي امي مرافقه

إقتباس والله يابنات إني تعقدت من الحمل والولادة والحين إذا شفت وحدة حامل ماأقدر أشوفها من الخوف وأحيانا أصيح من شدة رحمتي لها

إقتباس اختي عاااااااااانت تقول بعد ما ولدت قالوا لها يله روحي للغرفتك لوحدك تخيلوا الجرح ما التأم وهي تمشي لمسافة طويلة وهي تتألم شوفوا النذاله حرام عليكم الحرمة توها ولاده وانتم تعذبونها

هاذي اقتباسات سريعة واللي يحب يعرف أكثر يبحث في قوقل .

إخواني أكتب لكم الموضوع وزوجتي في المستشفى وكل شوي أوسوس انها بتموت ولا أعرف عنها شي للحين .

سامحوني ماوديتها مستشفى خاص لأن راتبي خمس الآف وإيجار الشقه ست عشر الف . وعلي قسط الف وسبعمائة ريال . وحليب ولدي يكلفني في الشهر 400 ريال من غير الحفائظ .

إشك لـ رب العباد .. وتحيسب عليهم !!

صارت هوايل في المستشفيات ومازالت !!

مستشفياتنا حالياً إذا ما تدفع بخشيش للممرضه او الدكتور او الدكتوره مستحيل تمشي

يعني بتدفع 50 ريال كشفيه !! اعمل حسابك انك بتعطي الممرضه 20 ريال والدكتوره
50 عشان تشوف معامله حلوهـ نوعاً ما !

زوج اختي في شهر رمضان اللي راح تعب ووديناه لمستشفى المواساة وشفطوا دراهم وقالوا
انفلونزا حادة .. الرجال يميز ويعرف إن المرض اللي فيه موب انفلونزا لانه يعرفها وكل واحد
فينا يعرفها .. المهم وديناه لمستشفى الحبيب وطلع فيه ( التهاب رئوي ) !! وتم تحويله لمستشفى
دله ..

السؤال هنا .. بعض الدكاتره والممرضين من اللي مخرجهم ومعطيهم الشهادة ! ولو كان مثلاً
المريض طفل موب شخص كبير ويميّز الانفلونزا عن غيرها وش بيكون مصيره !!

مستشفياتنا اسوأ المستشفيات لا من ناحية خبرات ولا معامله ولا امكانيات !

الله يقوم زوجتك بالسلامه .. وقل حسبي الله ونعم الوكيل !

لحول ولا قوه الا بالله

المسشفيات من سيء لاسواء

لاهنت اخوي

وانا اخوك الشكوى لغير الله مذله وعليك بسهام الليل

بس ليه مافكرت توديها لمستشفى الجامعي اتوقع معاملتهم بتكون افضل من مستشفى في النسيم

الله يفرج همك ويحفضلك زوجتك وولدك

إقتباس سامحوني ماوديتها مستشفى خاص لأن راتبي خمس الآف وإيجار الشقه ست عشر الف . وعلي قسط الف وسبعمائة ريال . وحليب ولدي يكلفني في الشهر 400 ريال من غير الحفائظ .

و لــــرب نازلــــةٍ يضيــــــق بهــــا الفتـــــى *** ذرعـــــا وعنــــد اللــــــه منهــــــا المخـــــــرج
ضــــــاقت فلمّـــــا استحكمت حلقاتهـــــــا *** فـــرجـــت وكـــــــان يـــظنّهــــــا لا تُفـــــــــرج


الله يوسع عليك.. لا تلجأ إلا للعزيز الجبّار.. فعنده مفاتح الرزق..
و هذه الدنيا كلها بأسرها زائلة.. و ماعند الله (خير و أبقى)..

و تذكر حديث المصطفى صلى الله عليه و سلم:
عن العبد إذا أمسى آمنا في سربه عنده قوت يومه..
أتدري بماذا وصفه؟
هل تعتقد أنه دعا له لسوء حاله؟
بل وصفه بأبي هو وأمي..
بأنه حاز (الدنيا ومافيها)..

يكفي أنك تعمل و تجتهد لتستر زوجتك و ولدك..
هذه بحد ذاتها.. لن تجد جزائها الأكبر.. إلا عند رب الأرض و السموات..

تذكر..
أن كل مافي هذه الدنيا لايساوي.. دقيقة واحدة في جنة الملك القهار..

و أن كل ماعلى الدنيا زائل..


جمعنا الله و إياك في جناته.. يوم لن نحتاج لأحد من البشر..


شكرا لك..



(التميمي)

E- DGGGGK;S[TUTUUUUUUUUUUUUUUUUUUUUUUUUUUUUUUUUUVBBNNNNNNNNNNNNNNNNNNNNNNNNNNNNNNNNNNNNNNNNNNNNNNNNNNNNNNNNNNNNN NNNNNNNNNNNNNTUSFDSDDFDFDFD-QO WTQYSWQWQERQ]

الله يفرجلك ويرجع لك زوجتك بالسلامه

مازال مسلسل الإهمال والتسيب مستمر هم لو عارفين ان فيه احد راح يحاسبهم كان ماصار الوضع كذا

مثل ماقالوا ياليت تحاول تنقلها لأي مستشفى ثاني وان شاء الله انهم يستقبلون حالتها

الله يرحم الحال

ادع ربك فالله معك

واتمنى تسريع اجرائات انهاء التأمين الطبي حيث انك تروح للمستشفى اللي تبيه على حساب الدولة

لاحوول ولاقوة إلا بالله

للأسف بعض المستشفيات عندنا مجرد خنبقة

أصبحت العمليات بالنسبه للطبيب مجرد جرب حظك ياتصيب ياتخيب

تهاوون كبيييير بأرواح البشر حسبي الله ونعم الوكيل

تعبنا وحنا نطالب وزير الصحة بحل لمشاكل المستشفيات ميزانية ضخمة

تخصص للصحة ومع ذلك مكانك سر


اخوي هلالي شقاوي شدها وتزول والله يكوون بالعوون

صدقني ماراح تفيد الشكوى إلا لما تشرشحهم بمقال في صحيفة إلكترونية

مثل مافعل الشيخ المقرن أطال الله في في عمره من ثاني يووم للمقالة أمر

وزير الصحة التحقيق بقضيته مافي إلا كذا أخرشهم بمقالة حتى لو وكلت

كاتب أو صحفي بذلك .. ومع ذلك تظل الشكوى لله سبحانه ,,


الله يكون بعونك اخوي ,,

يعطيك العافية على الموضوع الجميل
تقبل مرررووووووووري

الله يفرج كربك ويوفقك

انا زوج خالتي بغا يموت بسبب دكتووووووووووره والدكتوره اكتشفو ان شهادتها مزووره

المهم كان مرقد بالمستشفى فيه مرض سكر وقاله الدكتور اي واحد يجيك لايسويبك شي قال طيب

وجته دكتوره مدرعمه تبي تعطيه ابره قالها لا ويتهاوش هو اياها وقالها لا منتب معطيتني لو انها عطته كان مااات

للعلم الكلام هذا باحد مستشفيات القصيم