|
إقالة كوزمين ! بسم الله الرحمن الرحيم كل عام وانتم بخير لازلنا مع احترامي الشديد نفتقد للعقلية الاحترافية في التعامل مع هذا المدرب .. ولا زالت الإدارة تتركه يحوس في الفريق زي ما يبغى ، وكأنه يتعمد في كل مباراة أن تشكيله غير اللي قبلها نفسي بس مباراتين يعلبهم بتشكيله وحده :upset: مباراة ابها الظهير الأيمن عمر الغامدي ومع الرائد المحترف البوليفي ومع نجران حسن خيرات :bigeek: أموت وأعرف كيف يترك بهذا التخبط وفي الأخير عندما تكلمت عن المدرب في الموسم المنصرم قالوا ما تفهم كوره بالله ياللي فاهمين فهمونا ؟ وكلنا نتذكر العام كيف يلعب الشلهوب وسط أيمن ويلعب الظهير الأيسر الخثران أيمن ويلعب التايب أيسر وكل يوم ٍ هو في شأن ؟! فقط سؤال يسدح نفسه ويقول للادارة الموقرة تكفون نبغى جواب .. هل المدرب كامل لا يخطأ ؟ وهل إذا أخطأ يتم تصحيح خطأة ؟ أم يترك كيف ما شاء يحوس بام الفريق زي ما يبغى ؟ تدرون وش المشكله ! إنه يتدرب من ثلاث شهور ومباريات ودية وقدم أوراق الاستغناء عن اللاعبين اللي ما يبيهم وفي الأخير لا زال يتخبط وكل مباراة بتشكيله فريدة .. والمصيبة إنه يرزع أم اللاعبين الدوليين على دكة الاحتياط ؟ >> يمكن يبي يتصور معهم :clapping: وحتى وهو متأخر وقدام فريق من فرق المؤخرة يصر على المهاجم الواحد لا ويطلع أفضل مهاجم عنده بعد عشان يقول مانتم فايزين يا هلاليه .. أقولها بالفم المليان ......... إقالة كوزمين مسألة وقت ! وان غدا لناظره قريب لكن لي أمل أرجوه من الله .. أن لا نخرج هذه السنة بخفي حنين ويا قلب لا تحزن |
آسمحليـ كلآمكـ غير صحيحـ ومردود عليكـ ...آقآلة كوزمينـ بهآلوقتـ .. آكبر خطآ ....ولآتنسى آنهـ هو حققـ معـ آلهلآلـ بطولتينـ ....... وآهمهآ بطولة آلدوريـ منـ آمآمـ آلمتصدر لثلآثة آربآعـ آلموسمـ آلماضيـ فريقـ آلآتحآد وعلى آرضهـ وبينـ جمآهيرهـ |
شـكرا لك ، صدقني إن استمر هذا المدرب بتقليعاته الغريبة والعجيبة فمآله الإقالة ..! |
ياناس ان المدرب اخطاء هناك من يحاسبه .. تبونا كل سنه مدرب ..؟ .. كوزمين فيه اخطاء له وبتعالجها الاداره ان شاء الله لكن هذا مايعني الاقاله .. شاكر لك مجهودكـ |
المشكله مافيه بالعالم مدررب فووز وإلا كان جابه الهلال عشان جمهوره بس |
ههههههههههههههههههههه خخخخخخخخخخخخخخخخخخخ اكتفي بالمتابعه خخخخخخخخخخخخ هههههههههههههههه |
هههههههههههههههههههه ضحكتني والله الحين المدرب هو السبب في اللي صاار .. الدعيع .. هوساوي .. الزوري .. رالديس .. الشلهوب .. الدوسري .. الفريدي .. ياسر .. الصويلح كل هذولي ما نفعوا ايش تبغاه يسوي ينزل يلعب معاهم ؟؟ |
إقتباس:
للأسف تنكرون جميله وهو اللي يجيب البطولات وتحكمون عليه بشده عشان بس هالمباراة ولو كان في تخبطات ليه ماتجي من اللاعبين ولا كل شئ على كوزمين اولاريو كل اللي اردت ان اقوم بتوضيحه وجهة نظر بانتظار جديدك القحطاني القناص |
يا رجال قل خير يقوله الله . . أنت لك وجهة نظر ويحق لك تطرحها . . وحق لك علي إني احترمها . . بس . . معليش يعني . . هل أنت أفهم من عبدالرحمن بن مساعد و نواف بن سعد وعادل البطي وسامي الجابر ؟؟ . . أعتقد إنك تسرعت بوجهة النظر هذي وأخذتك العاطفة وأخذك الغضب على الهزيمة . . دمت بود يا أخي |
وأنت ماطلعت إلا الحين وينك عنه يوم كان يحقق فوز ورى فوز للأسف أنت ومن هم زيك ينتظرون الغلطه علشان يكتبون ووقت مايحقق النجاحات تختفون من المنتدى أخوي أنا الآن أتحداك تجيب لي مدرب في العالم ماغلط وتدري ليش أتحداك ( لأنهم بشر ) والبشر معرضون للخطأ لكن فيه ناس ماتبيهم يغلطون وكأنهم ليسوا بشر |
إقتباس:
وكيف كان الاتحاد ضاغط علينا لين أعصابنا بغت تنفجر ولولا الله ثم الدعيع في ذيك المباراة واستبساله لخرجنا أقل شي بخمس أهداف وبعدين ياخي ما خلاني أعيد هالموضوع إلا لأنه لازال بنفس التخبط وعلى مرأى ومسمع من الاداراة بكل أسف يا شيخ أنا من سنين ما شفت أسوأ من لعب الهلال مع كوزمين مع إحترامي الشديد لكل من له رأي آخر لكن اللي يشفع له بطولتين جابهم خلت الناس تطير فيه بالعجه بعد موسم قحط لكن خل نشوف السنة هذي وش بيسوي وراح تقولون نواف قاله .. ولكن .. بعد أن تطير الطيور بأرزاقها وحينها لا ينفع الصوت وسأذكركم حينها بموضوعي هذا دمتم بخير |
إقتباس:
بعدين أي فوز قدام أبها والرائد هذا شيء طبيعي إلا إذا انتوا ناس انهزاميين وتشوفون نفوسكم أن ابها والرائد ونجران ـ مع إحترامي الشديد لجميع الاندية ـ منافسين لكم فهذا شي ثاني يا أخي انت تشجع فريق كبير مو فريق مشي حالك يعني ما ترضى بمدرب يجلس سنتين وهو نفس التخبط وتقول لي انه ناجح لكن حتتذكرون كلامي قريب وحزتها يا فصيح لا تصيح سلام |
ارجع واعيد عليك ما قلوه لك في الموسم الماضي (اسمح لي انت ما تفهم كوره) لانك مع احترامي لك على قولك انك قلت نفس الكلام الموسم الماضي وحقق الهلال أهم بطولات الموسم مع المدرب اللي مو عاجبك وانا آسف جدا على اسلوبي ولكن لا أقبل على كوزمين تقبل تحياتي,,,,,,,,,,,,,,,,,,,,,,,,,,,,,,,,,,,,,,,,,,,,,, |
إقتباس:
|
اجل اقالة كوزمين ؟ بعض الجماهير تحس بغباء منقطع النظير !! |
| الوقت المعتمد في المنتدى بتوقيت جرينتش +3.
الوقت الان » 12:41 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd