#1  
قديم 06/10/2008, 02:24 PM
زعيــم نشيــط
تاريخ التسجيل: 20/08/2000
مشاركات: 776
فك الله عينه ما جاها شيء الحمدلله ....

السلام عليكم ورحمة الله وبركاته ... صباح\مساء الخير لكل الهلاليين على وجه الأرض والقمر .....


بدأ الدوري دوري المحترفين ( اهم شيء الشعار اللي كنه عش حمامة ) وبدأت فيه التأجيلات والتقديم ورص المباريات مع بعض في يوم واحد ... عادي حنا محترفين
هذي امور عادية متوقعينها من الأجهزة الفنية التي تخطط خطط علمية مدروسة وكل شيء عندهم له حل ومخططين له ويقولون على ذمة رئيسهم انهم يعرفون مباراة الهلال والإتحاد بعد 50 سنة متى موعدها بالدقيقة و وين مكانها ....



ما لكم بالطويلة انا بصراحة بقدر ما تضايقت من نتيجة الهلال ونجران وطريقة لعب لاعبي الهلال في ذيك المباراة الا اني تضايقت كثير من اللي صار في مباراة الفقر والإتفاق ..... وين حنا فيه ؟!! معقولة هالشغب والرمي واللي صار في المباراة ؟ انا شفت واحد مسكين معاه ولده الصغير يمكن عمرة 6 سنوات وهو يحاول يبعده ومغطي عليه بيديه وجسمه علشان ما يجيه شيء من هالمتخلفين اللي خلو الملعب والمدرجات ساحة حرب وعلى عينك يا رئيس الإتحاد وسمو نائبه حفظه الله pb027 ... كنت متردد اقول بيني وبين نفسي يا ترى واش العقوبة اللي راح تكون للهجمهور اللي يبي يتعالون غصب ؟!! قلت يمكن يكون في وجيههم دم ويخلونها مثل عقوبات الهلال العام على الأقل عن عيون الناس بس فترة معينة ...لكن العقوبة بصراحة تموت من الضحك ليتهم ما عاقبوهم وقالوا والله ما شفنا شيء من اللي انتم شفتوا اللعب حلو اللقاء نظيف والحكم بعد يقطعون تقريره وكن شئ ما صار اريح لهم والله واحسن من انهم شافوا كل شيء واخرتها هذي عقوباتهم مباراة بدون جمهور .!!!! ليش ما نقلتوها لأرض الإتحاد؟!!!! مو هذه عقوباتكم للهلال العام؟!!! والا الهلال غير عن الأندية الثانية ؟؟؟


طيب ما علينا نرجع لعنوان الموضوع لأني ما ابي اطول في الكلام اللي والله كلكم عارفينه بس شيء بقلبيي على هالعالم المتخلفة اللي قبل لا يغيرون شعارهم ويحطون دوري محترقين ... قصدي محترفين يغيرون العالم اللي لها مليون سنة في الرئاسة ولا تغير شيء نفس العقول العقيمة الحزبيات المقيته وكره كل ما هو هلالي ... عنوان موضوعي سالفة كانوا يقولونها قبل وشكلها نكته ..... ان في عجوز عرفت ان جيرانهم لهم ولد متوفي وراحت تعزيهم قالت لهم بعد العزاء الا واشلون مات ولدكم ؟!! قالت امه ابد والله كان فوق في السطح وطاح من فوق السطح ودخلت حديدة في راسه وطلعت مع جنب عيونه ... قالت العجوز ايه الحمدلله فك الله عينه ما جاها شيء pb036 والولد ميت هذا عاد لجنة الإستعباط العالم تكسرت واللي احترقت ظهورهم وطلعوا وهم على نقالات وتقول الحمدلله فك الله عيونهم من الجماهير المتخلفة ... ما هنا الا العافية ... وانا اقول ليتهم مخلينها بدون عقوبة احسن واريح هذا النصر وهذولا جمهور ه عادي خلهم يفروحون في العيد ويستانسون واش فيها لو احترق وجه مشجع او ظهره او ولد صغير جاته حالة نفسية وصار ما ينام في الليل او حتى لو مات عادي ... واللي من زمان ما ضحك يسالهم عن ال20 الف ريال اللي خلوها على الإتفاق؟!!!!!!! مع ان جمهور الفقر هو السبب في كل شيء وحنا لنا عيون ونشوف ورجعوا المباراة وهي مسجلة ما فيه شيء مختفي .... الحين يطقونهم وياخذون منهم فلوس بعد





إقتباس

الدمام - عبدالله العبود:
اعلن رئيس مجلس الجمهور الاتفاقي حاتم المسحل عن تكفل المجلس بعلاج الجماهير التي اصيبت في المباراة نتيجة الاحداث التي حصلت وقد قام المسحل بالاتصال بثلاثة من الجماهير الذين اصيبوا وهم الطفل "محمد الهاجري" 11سنة وقد اصيب بحرق في ظهره و كتفه الأيسر.. بعد سقوط حبل من الألعاب النارية وتطاير الشرار عليه.. و حالة نفسية سيئة من أثر الهلع و الخوف الذي ألم به. والمصاب الثاني هو المشجع "ريان خالد" 16سنة.
والمصاب الثالث... الشاب "فهد الدوسري" 18سنة.. وأصيب بكسر جزئي في يده اليمنى.. بعد سقوطه أثناء التدافع الذي حدث بين الجماهير التي كانت تحاول تفادي قذائف الألعاب النارية التي كان يلقي بها جمهور النصر.

وقال حاتم المسحل بأنه سيقوم بزيارة المصابين والاطمئنان على صحتهم وسلامتهم وتقديم العلاج لهم بأحد المستشفيات الخاصة وهو اقل واجب يقدمه كرئيس لمجلس الجمهور لجماهير فارس الدهناء. وكانت إحدى الحافلات المقلة لجماهير الاتفاق الى مدينة العيون بالاحساء قد تعرضت للتهشيم والاعتداء من قبل بعض الجماهير المحسوبة على النصر
.




حلوة المحسوبة على النصر هذي لحالها نكتة .... يعني يجي ويجلس 3 ساعات وبتعب نفسه بالتحذيف واللعن والشتم ويطلع بدون نعال الله يكرمكم ويكسر الباصات ويجلس بعد المباراة 3 ساعات بعد زيادة يدور ربعه واخرتها محسوب؟ ليه كم مدفوع له يسوي كذا؟!!!! اقول ابلعوا العافية بس وادعوا بسلامة سمو النائب الله يحفظه بس
اضافة رد مع اقتباس
  #2  
قديم 06/10/2008, 02:36 PM
زعيــم فعــال
تاريخ التسجيل: 04/05/2008
مشاركات: 454
يا رجال . . هم ماشين على قوله يكذب الكذبة ويصدقها . . كذبو وقالو إن الهلال محابى من اللجنة وصدقوها . . بس بصراحة جمهور همجي وأهوج . . بغض النظر أنه جمهور النصر ولا الإتحاد ولا الأهلي ولا أي نادي . . المشكلة كلهم محسوبين علينا كسعوديين . . والله فشيلة لو يشوفوننا الجيران ولا الدول الثانية وش بيقولون عنا وعن دوري المحترفين الخرطي ذا . . ما أقول إلا الله يصلح الحال
اضافة رد مع اقتباس
  #3  
قديم 06/10/2008, 02:55 PM
زعيــم مميــز
تاريخ التسجيل: 29/04/2008
المكان: عايش بالرياض لكن زلفاوي
مشاركات: 2,658
غريب والله

.................
اضافة رد مع اقتباس
  #4  
قديم 06/10/2008, 03:02 PM
الصورة الرمزية الخاصة بـ sa3don
زعيــم مميــز
تاريخ التسجيل: 18/10/2007
المكان: الرياض
مشاركات: 1,797
المشكله اخرتها لعب مباراة بدون جمهور

وهم مسويين تفجير

هذا اللي قدرت عليه لجنة المرتدلا
اضافة رد مع اقتباس
  #5  
قديم 06/10/2008, 03:16 PM
زعيــم نشيــط
تاريخ التسجيل: 08/02/2007
مشاركات: 644
انسى يكون فيه عدل ما دام عضو الشرف موجود
اضافة رد مع اقتباس
  #6  
قديم 06/10/2008, 03:18 PM
زعيــم مميــز
تاريخ التسجيل: 14/09/2005
المكان: جــــــــــــدة
مشاركات: 5,511
يأخذون راحتهم جماهير النثر

علشان معزبهم اسير الجوافة موجود
اضافة رد مع اقتباس
  #7  
قديم 06/10/2008, 03:28 PM
زعيــم فعــال
تاريخ التسجيل: 30/04/2008
مشاركات: 370
الحمد الله قالوا محسووب .. ماقالوا إنـه هلالي منــدس فالمدرج ههههههههههه
اضافة رد مع اقتباس
  #8  
قديم 06/10/2008, 03:32 PM
زعيــم مميــز
تاريخ التسجيل: 27/04/2006
المكان: TX,USA
مشاركات: 2,279
واللي قاهرني ان جماهير النفقر والاتحاد يقولون ان الشغله ملعوبه من الاتحاد السعودي وانهم

يحامون الهلال ويخلون المباراه بدون جمهور اش دخل الهلال في السالفه مدري وهو الدعوة

واضحه ماتنقل المباراه جده عشان الفقر
اضافة رد مع اقتباس
  #9  
قديم 06/10/2008, 03:36 PM
زعيــم فعــال
تاريخ التسجيل: 30/04/2008
مشاركات: 370
المفروض يحرمون النادي من النقل التلفزيوني إلي هو متدلع فيـه
اضافة رد مع اقتباس
  #10  
قديم 06/10/2008, 03:43 PM
زعيــم فعــال
تاريخ التسجيل: 08/03/2008
مشاركات: 263
الحمد الله قالوا محسووب .. ماقالوا إنـه هلالي منــدس فالمدرج ههههههههههه


لاتستبعد باكر يقولونة
اضافة رد مع اقتباس
  #11  
قديم 06/10/2008, 03:51 PM
زعيــم متألــق
تاريخ التسجيل: 08/12/2006
المكان: في قلب الموج الازرق
مشاركات: 1,053
المفروض يحرموهم من مبارتين داخل ارضهم .. وبدون جمهور .. غير الغرامه ..

هذا الي المفروض يصير .. وربي ظلم قال ايش .. بدون جمهور مباراه وحده .. وربي هذا مو عدل .. مو عدل .. مو عدل ..

حسبي ربي على كل ظالم والله .. ترا كلنا بشر .. وكلنا سعوديين .. وكلنا نلعب في دوري المحترفين ..

ارجو العدل .. ارجو العدل .. ارجو العدل
اضافة رد مع اقتباس
  #12  
قديم 06/10/2008, 04:09 PM
زعيــم جديــد
تاريخ التسجيل: 01/02/2008
مشاركات: 45
انا ماقهرني الا العقوبات اللي حصلت لنادي الاتفاق

مبلغ عشرين الف وتوقيف لاعب مومشكلة اذا هم غلطانين وصار منهم شي حنا ماشفناه


اللي شفناه مدير كورة قدم يسحب رجليه بالملعب ويهايط ويتكلم

طيب بالله عليكم وين عقوبته ماوضحت


اللي اقوووله اتمنى من الاتحاد السعوودي عرض المباريات على الراديووووو

احسن ماتطلع فشايل اكثرمن هذي
اضافة رد مع اقتباس
  #13  
قديم 06/10/2008, 04:20 PM
زعيــم فعــال
تاريخ التسجيل: 30/04/2008
مشاركات: 289
بصراحه جمهور النصر افشل وأغبى جمهور , مع احترامي للقله المحترمين منهم ,,

ياأخي جمهور غبي مقفل , لازم بكل مباراه يسوي مشاكل , لكن ودك النصر هالموسم يحرم من جمهوره الغير واعي لأنه فاشل

وناديهم افشل .
اضافة رد مع اقتباس
  #14  
قديم 06/10/2008, 04:21 PM
زعيــم متألــق
تاريخ التسجيل: 18/10/2007
المكان: AL HILAL
مشاركات: 1,298
من أمن العقوبة أساء الأدب
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:15 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube