نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)
-   منتدى الجمهور الهلالي (http://vb.alhilal.com/f28/)
-   -   فك الله عينه ما جاها شيء الحمدلله .... (http://vb.alhilal.com/t648490.html)

shaheen 06/10/2008 02:24 PM

فك الله عينه ما جاها شيء الحمدلله ....
 
السلام عليكم ورحمة الله وبركاته ... صباح\مساء الخير لكل الهلاليين على وجه الأرض والقمر :D.....


بدأ الدوري دوري المحترفين ( اهم شيء الشعار اللي كنه عش حمامة ) وبدأت فيه التأجيلات والتقديم ورص المباريات مع بعض في يوم واحد ... عادي حنا محترفين
هذي امور عادية متوقعينها من الأجهزة الفنية التي تخطط خطط علمية مدروسة وكل شيء عندهم له حل ومخططين له ويقولون على ذمة رئيسهم انهم يعرفون مباراة الهلال والإتحاد بعد 50 سنة متى موعدها بالدقيقة و وين مكانها ....



ما لكم بالطويلة انا بصراحة بقدر ما تضايقت من نتيجة الهلال ونجران وطريقة لعب لاعبي الهلال في ذيك المباراة الا اني تضايقت كثير من اللي صار في مباراة الفقر والإتفاق ..... وين حنا فيه ؟!! معقولة هالشغب والرمي واللي صار في المباراة ؟ انا شفت واحد مسكين معاه ولده الصغير يمكن عمرة 6 سنوات وهو يحاول يبعده ومغطي عليه بيديه وجسمه علشان ما يجيه شيء من هالمتخلفين اللي خلو الملعب والمدرجات ساحة حرب وعلى عينك يا رئيس الإتحاد وسمو نائبه حفظه الله pb027 ... كنت متردد اقول بيني وبين نفسي يا ترى واش العقوبة اللي راح تكون للهجمهور اللي يبي يتعالون غصب ؟!! قلت يمكن يكون في وجيههم دم ويخلونها مثل عقوبات الهلال العام على الأقل عن عيون الناس بس فترة معينة ...لكن العقوبة بصراحة تموت من الضحك ليتهم ما عاقبوهم وقالوا والله ما شفنا شيء من اللي انتم شفتوا اللعب حلو اللقاء نظيف والحكم بعد يقطعون تقريره وكن شئ ما صار اريح لهم والله واحسن من انهم شافوا كل شيء واخرتها هذي عقوباتهم مباراة بدون جمهور .!!!! ليش ما نقلتوها لأرض الإتحاد؟!!!! مو هذه عقوباتكم للهلال العام؟!!! والا الهلال غير عن الأندية الثانية ؟؟؟


طيب ما علينا نرجع لعنوان الموضوع لأني ما ابي اطول في الكلام اللي والله كلكم عارفينه بس شيء بقلبيي على هالعالم المتخلفة اللي قبل لا يغيرون شعارهم ويحطون دوري محترقين ... قصدي محترفين يغيرون العالم اللي لها مليون سنة في الرئاسة ولا تغير شيء نفس العقول العقيمة الحزبيات المقيته وكره كل ما هو هلالي ... عنوان موضوعي سالفة كانوا يقولونها قبل وشكلها نكته ..... ان في عجوز عرفت ان جيرانهم لهم ولد متوفي وراحت تعزيهم قالت لهم بعد العزاء الا واشلون مات ولدكم ؟!! قالت امه ابد والله كان فوق في السطح وطاح من فوق السطح ودخلت حديدة في راسه وطلعت مع جنب عيونه ... قالت العجوز ايه الحمدلله فك الله عينه ما جاها شيء pb036 والولد ميت :mad: هذا عاد لجنة الإستعباط العالم تكسرت واللي احترقت ظهورهم وطلعوا وهم على نقالات وتقول الحمدلله فك الله عيونهم من الجماهير المتخلفة ... ما هنا الا العافية ... وانا اقول ليتهم مخلينها بدون عقوبة احسن واريح هذا النصر وهذولا جمهور ه عادي خلهم يفروحون في العيد ويستانسون واش فيها لو احترق وجه مشجع او ظهره او ولد صغير جاته حالة نفسية وصار ما ينام في الليل او حتى لو مات عادي ... واللي من زمان ما ضحك يسالهم عن ال20 الف ريال اللي خلوها على الإتفاق؟!!!!!!! مع ان جمهور الفقر هو السبب في كل شيء وحنا لنا عيون ونشوف ورجعوا المباراة وهي مسجلة ما فيه شيء مختفي .... الحين يطقونهم وياخذون منهم فلوس بعد :d





إقتباس:

http://www.alriyadh.com/2008/10/06/img/600639.jpg
الدمام - عبدالله العبود:
اعلن رئيس مجلس الجمهور الاتفاقي حاتم المسحل عن تكفل المجلس بعلاج الجماهير التي اصيبت في المباراة نتيجة الاحداث التي حصلت وقد قام المسحل بالاتصال بثلاثة من الجماهير الذين اصيبوا وهم الطفل "محمد الهاجري" 11سنة وقد اصيب بحرق في ظهره و كتفه الأيسر.. بعد سقوط حبل من الألعاب النارية وتطاير الشرار عليه.. و حالة نفسية سيئة من أثر الهلع و الخوف الذي ألم به. والمصاب الثاني هو المشجع "ريان خالد" 16سنة.
والمصاب الثالث... الشاب "فهد الدوسري" 18سنة.. وأصيب بكسر جزئي في يده اليمنى.. بعد سقوطه أثناء التدافع الذي حدث بين الجماهير التي كانت تحاول تفادي قذائف الألعاب النارية التي كان يلقي بها جمهور النصر.

وقال حاتم المسحل بأنه سيقوم بزيارة المصابين والاطمئنان على صحتهم وسلامتهم وتقديم العلاج لهم بأحد المستشفيات الخاصة وهو اقل واجب يقدمه كرئيس لمجلس الجمهور لجماهير فارس الدهناء. وكانت إحدى الحافلات المقلة لجماهير الاتفاق الى مدينة العيون بالاحساء قد تعرضت للتهشيم والاعتداء من قبل بعض الجماهير المحسوبة على النصر
.



حلوة المحسوبة على النصر هذي لحالها نكتة .... يعني يجي ويجلس 3 ساعات وبتعب نفسه بالتحذيف واللعن والشتم ويطلع بدون نعال الله يكرمكم ويكسر الباصات ويجلس بعد المباراة 3 ساعات بعد زيادة يدور ربعه واخرتها محسوب؟ ليه كم مدفوع له يسوي كذا؟!!!! اقول ابلعوا العافية بس وادعوا بسلامة سمو النائب الله يحفظه بس :d

الله يجيب التخرج 06/10/2008 02:36 PM

يا رجال . . هم ماشين على قوله يكذب الكذبة ويصدقها . . كذبو وقالو إن الهلال محابى من اللجنة وصدقوها . . بس بصراحة جمهور همجي وأهوج . . بغض النظر أنه جمهور النصر ولا الإتحاد ولا الأهلي ولا أي نادي . . المشكلة كلهم محسوبين علينا كسعوديين . . والله فشيلة لو يشوفوننا الجيران ولا الدول الثانية وش بيقولون عنا وعن دوري المحترفين الخرطي ذا . . ما أقول إلا الله يصلح الحال

$$الزعيم الهلالي20$$ 06/10/2008 02:55 PM

غريب والله

.................

sa3don 06/10/2008 03:02 PM

المشكله اخرتها لعب مباراة بدون جمهور

وهم مسويين تفجير

هذا اللي قدرت عليه لجنة المرتدلا

الزعيـم الهلالـي 06/10/2008 03:16 PM

انسى يكون فيه عدل ما دام عضو الشرف موجود

بلو هارت 06/10/2008 03:18 PM

يأخذون راحتهم جماهير النثر

علشان معزبهم اسير الجوافة موجود

طنّ أزرق 06/10/2008 03:28 PM

الحمد الله قالوا محسووب .. ماقالوا إنـه هلالي منــدس فالمدرج ههههههههههه

(اسير& المحبة ) 06/10/2008 03:32 PM

واللي قاهرني ان جماهير النفقر والاتحاد يقولون ان الشغله ملعوبه من الاتحاد السعودي وانهم

يحامون الهلال ويخلون المباراه بدون جمهور اش دخل الهلال في السالفه مدري وهو الدعوة

واضحه ماتنقل المباراه جده عشان الفقر

طنّ أزرق 06/10/2008 03:36 PM

المفروض يحرمون النادي من النقل التلفزيوني إلي هو متدلع فيـه

زعيم الزعموي 06/10/2008 03:43 PM

الحمد الله قالوا محسووب .. ماقالوا إنـه هلالي منــدس فالمدرج ههههههههههه


لاتستبعد باكر يقولونة

هــ صغيرون ــلالي? 06/10/2008 03:51 PM

المفروض يحرموهم من مبارتين داخل ارضهم .. وبدون جمهور .. غير الغرامه ..

هذا الي المفروض يصير .. وربي ظلم قال ايش .. بدون جمهور مباراه وحده .. وربي هذا مو عدل .. مو عدل .. مو عدل ..

حسبي ربي على كل ظالم والله .. ترا كلنا بشر .. وكلنا سعوديين .. وكلنا نلعب في دوري المحترفين ..

ارجو العدل .. ارجو العدل .. ارجو العدل

لحظه وداعك 06/10/2008 04:09 PM

انا ماقهرني الا العقوبات اللي حصلت لنادي الاتفاق

مبلغ عشرين الف وتوقيف لاعب مومشكلة اذا هم غلطانين وصار منهم شي حنا ماشفناه


اللي شفناه مدير كورة قدم يسحب رجليه بالملعب ويهايط ويتكلم

طيب بالله عليكم وين عقوبته ماوضحت


اللي اقوووله اتمنى من الاتحاد السعوودي عرض المباريات على الراديووووو

احسن ماتطلع فشايل اكثرمن هذي

النـــ11در 06/10/2008 04:20 PM

بصراحه جمهور النصر افشل وأغبى جمهور , مع احترامي للقله المحترمين منهم ,,

ياأخي جمهور غبي مقفل , لازم بكل مباراه يسوي مشاكل , لكن ودك النصر هالموسم يحرم من جمهوره الغير واعي لأنه فاشل

وناديهم افشل .

سيد الملوك 06/10/2008 04:21 PM

من أمن العقوبة أساء الأدب


الوقت المعتمد في المنتدى بتوقيت جرينتش +3.
الوقت الان » 05:58 PM.

Powered by: vBulletin Version 3.8.7
Copyright ©2000 - 2024, Jelsoft Enterprises Ltd