تعـــــألوا واتــحدى اي واحـد فيكم [ تدرون ليش] ماتوقعتهــا والله بس صارت ( ياهي قويه والموضوع خاص )
بعد السلام والتحية/
اشوف حتى اللي ما عنده سالفه بهالموقع قام يحلل ويجندل على كيفه
اللي مسوي ألبرتو كارلوس واللي يقول ليش ما سوا اللاعب الفلاني
(كذا) ليش انزاجي على غـفله :
تحليل منطقي وسريع بعدهـا
اباخذكم الى جو ثاني لتغيير الجو .. طبعا بيطلع واحد اكيد بيسوي
فيهـا غازي القصيـبي ولا اجافا كريستي ويسوي انه درس في
في جامعه هامبورج ويقول هذا وقته اجل وش وقته يا ويليم انت
خلاص عصبنا ولعنا الله يغفر بس غصب ونحب الهلال ومن حبنا
صار الواحد يقول انه اكثر واحد يحب الهلال :
المباراة فاز فيهـا نجــران ويستــاهلون والله يعجبني الفريق اللي يحترم
الخصم ويعرف شلون يتعــامل معهـ
الهلال سنحت له اكثر من فرصـه وياسرمعودنا عالفوز لكن! بقول الاسباب:
ياسر عيـبه من زمان اذا كمشوا عليه المدافعين زي ما شفنا 2 من مدافعي نجران
ملتصقين بياسر هذا 1
الــ 2 اللعب بمهاجم واحد سبب رئيسي في ضعف الهجوم ياخي نزل الصويلح
واسحب الغنام هذا اللي والله لامنه ولا عليه بس يلعب عرضة نجديه بالوسط
وخله بالاحتياط ...وريحنا يا كوزمين
ياسر قالها انا مو ماكينه ولا رجل آلي يعني افهموهـا ..!
الـ 3 اللاعب الوحيد اللي يفهم ياسر هو التايب
انتهـينا من الهجوم
الوسط
ابو خثران ابد اليوم يمارس الزحلطـة بشكل عجيب
الشلهــوب لا تعليق
الغنــام: (نحمد الله جت على ما تمنى ) بس المبارك : ماسك خط الخدمة رايح جاي
الدفــاع :
بنــظري مستوى متوسط
نــجران والفـوز :
لعب بطريقه حضاريه
اعتمد عالمرتدة اقفال المناطق الخلفيه
بالتكتل الدفاعي
تشتيت الوسط الهلالي وقطع ايصال
الكرة لـ ياسر
تكليفـ 2 من المدافعين برقابة ياسر
واللي لاحظ اللقطة اثناء خروج الحسن اليامي
كان يقول لزميله بالملعب بلغة الاشارة
قفلوا على ياسر من الكرات العاليه خلف المدافعـين
انتهت المباراة والحمد لله باقي بالدوري
وباقي والمشوار طويل وتذكروا العام الماضي
والظروف اللي صارت وفوق هذا فزنا باللقب
الجمهور العاطفي جمهور مع الخيل ياشقراء
لو تتركون الهلال وتروحون للنادي الجار ترى
ينفع فيه الخيل الشقــراء
:::::::::::::::
غير جوك ولطف مزاجك بعد المباراة مع نجران اسمع صراخ بالملحق لان عندي عيال العم مالت عليهم يشجعون طبعا من جماهير المشمش اسف اقصد الشمس المهم رحت اشوف المباراة حقتهم الا واشوف هذاك اللي يقول :
الناس تكبر ويتغير حلاهـا
الا انت غير الناس تكبر وتحلو
...ياربيييييي مرة حساس
شوي الا ويروح لرئيس الاتفاق
اللي بصراحه معجب بشخصيته
طبعا قال العطيب لرئيس الاتفاق
هاردلك رئيس ..
قال الدوسري : اقول رح بس مبروك عليكم
النقطة وتعلموا تحترمون الاتفـاق
هههههههههههه
المهم طلع طلو >> جمهور المشمش يسمونه طلو لانهم ما يحبونه
شوي يالربع الا ويصيح ويقول :
اقسم بالله اني ما رضى الخطا علينا
(مابي مابي )
والحكم ما طبق القوانين
ساله حق الـ ارتي قال :
طيب جمهورك بالنعاال وبالحديد وبالألعاب الناريه
اسمـــعوا يالربع يقول :
لا تلومهم ياخي ههههههههههه
والله احس الاتفاق انظلم
لا والمضحك المنصة الرئيسية :
والله طالعتها وقلت الحمد لله
الله يطول بعمر وركادة وحكمة رؤساء الهلال
تصدقون خاصة النصراوين من الادارة لين اخرهم
تقول تاكين في ابو هيثم احسبهم استنزلوا يوم جاء
هدفهم اللي ما كان بوقت صحيح
المهم الدلخ / حق جريدة العفن الرياضي
محمد البكيري
يقول اين لجنة الانضباط عن مباراة الهلال والرائد
والحـين اقوله :
نبي نشوفك كاتب اين لجنة الانضباط
عن جمهور المشمش وعن الاحذيه >> توهقوا اشتروها للعيد وراحت
والالعاب الناريه والحـديد والعياذ بالله
وعن اقتحــام هذاك المشمش النصراوي للملعب
ولا بتجيك شرهه ولا بيتسدد جوالك مثل الصحفيين هاليومين
اللي يروح يشبك عضو شرف عشان يتسدد الجوال والشرهه بالعيد
يا بكيري تصدق والله مو منك من نظارتك ذي اللي من سوق الصواريخ عندكم مسوي وائل كفوري على غفــلة الى فخـــامة الجمهــور الهـــلالي
تكفون طالبكم بوجهــي >>> وين يا بو تسمع بعلوم المجالس
روقوا والعنوا ابليس كوزمين بيرجع يشوف المباراة وراح
يحاسب كل لاعب على تقصيره
وباقي الدوري قدامنا والتايب راجع
انشاء الله والدعوى بتنتهي بالفلوس
والتايب يقول المبلغ من جهته جاهز
والسويدي ويلهامسون طاردته قبل اسبوعين على ما اذكر
على جيب اكس 5 بي ام دبليو 2008 ومترزز الرجال
وقفته وقمت اهذري عليه بالانجليزي
ورميت عليه شعار الهلال
قام وسو حركاتنا يالسعوديين وحطه عالمقعد اللي جنبه
يبي يهجول الاخ بالتحــليه
طولوا بالكم وانا اخوكم
يا ما زعلنا وبكينا واغمي علينا اي والله وانا بالاستاد
مع الوحده الاماراتي
بس وش نسوي والله لو يهبط الهلال
ويلعب مع الربيع تلقانا نحبه
بعدين اللاعبين ودهم بالفوز ومو كل مرة تسلم الجرة
انا جيتكم بالعاميه واللي يعرفني يعرف اني لاول
مرة اترك الفلسفة ولغة الـ سيبويه لكن!
قلت ألطف شوي واتمنى اني كنت خفيف عليكم
حاولت استخف دمي اكثر بس ما عرفت 
![تعـــــألوا واتــحدى اي واحـد فيكم [ تدرون ليش] ماتوقعتهــا والله بس صارت ( ياهي قويه والموضوع خاص )](iconimages/t647678_rtl.gif)
الوضع العادي
