يا نجوم الزعيم ماذا دهاكم ..!! - نادي الهلال السعودي - شبكة الزعيم

Blue longing · #1 06/10/2008, 11:01 AM

بسم الله الرحمن الرحيم

تحية طيبة وبعد ،،

جمهورنا الزعيم كيف حالكم ..؟ وكل عام وانتم بخير << رمضان والعيد

وحشتوني ..

<< متابع لكم من بعيد ..

ندخل بالموضوع على طول

هارد لك الهزيمة .. ورسالة موجهه لنجوم الزعيم وجمهورهـ

للي يقولون حنا من بداية الدوري ونهزمنا والايام الجاية اقول لك على عيني وراسي

لكن لما تنهزم وانت مجتهد بنقول كفيت ووفيت

لكن لما تنهزم وانت مستهتر بنقول وقف وما عليش ..

والحلو هالموسم فيه عتاب من اميرنا المحبوب .. وفيه مكافأت عند الفوز

رسالة لكل لاعب يرتدي شعار الزعماء

أنت جندي لوطن الهلال .. زعيم آسيا

أنت بذمتك ملايين الجماهير الزرقاء ..

اللي ماله خلق يلعب يقول مالي خلق العب العب ماهو غصب يا نجومنا ..

من عسكرتوا ومستوى ونتايج من جنبها ..

وهذا حنا نقول ان ميزت هالمعسكر ان اخذ ناس شباب وحلوين ..

عشان يفيدونا .. لكن قدام نجران وكذا.. وقدام ابها والرائد رفعت ضغط .. كيف قدام الاتحاد النصر الاهلي الشباب ..؟ الاتفاق الحزم ..؟

خلونا من البداية حبايب .. وحنا ما نعاتب ولا نزعل الا عشان زعيمنا ..

صحيح أنكم تعملون واللي كاتبه ربي بيصير

لكن واضح مالكم خلق للكرة ..؟

وش صاير يا نجومنا وش صاير ..؟

وحنا نقول زعيمنا بيمسك الدوري من البداية وما راح يفرط فيه ..!!

آآه على ايام (( الاخلاص عشان الشعار وليس المال ..!! ))

رسالتي للجمهور ..

يعطيكم الف عافية .. على تواجدكم واتمنى نشوف المدرجات دوم مليانه منكم ..

رسالتي بسيطه .. رغم التحكيم الفاشل عندنا بهيئة المحترفين اللي مافيه امل يتعدل

ولو بعد مليون سنه ..!!

اتمنى نترك التحكيم وقت ما نكون بالملعب .. لان هالايام ما يصدقون يصيدون اي شي ضدنا ..

فزنا نحمد ربنا ونشكرهـ

انهزمنا او تعادلنا لا قدر الله .. وكنا مظلومين نقول حسبي الله ونعم الوكيل

وإذا الاعبين كانوا مقصرين او الادارة او الجهاز الفني نعاتبهم ونحاسبهم .. عتاب احباب ..

اتمنى التوفيق لزعيمنا .. ويتعدل المستوى لان السنه هذي الآسيوية نبغاها

جمهور الزعيم كله بصوت واحد : (( نبغى الآسيوية يا نجوم الزعيم )) وانتم قدها ..

بالتوفيق للزعيم واعذروني ع الاطالة ..

شوقي الازرق سبقني .. وأول مره بحياتي اتكلم ببداية الدوري واعاتب

لكن عشقي وحبي للنادي خلاني افضفض لكم ..

أحبك يا هلال بكل الاحوال

دمتم بود

$$الزعيم الهلالي20$$ · #2 06/10/2008, 11:20 AM

موضوع جميل منك اخووي

وكلام رائع ومنطقي

الشـ3ـراري عاشق تيفا · #3 06/10/2008, 11:24 AM

إقتباس

الرسالة الأصلية كتبت بواسطة Blue longing


	عشان يفيدونا .. لكن قدام نجران وكذا.. وقدام ابها والرائد رفعت ضغط .. كيف قدام الاتحاد النصر الاهلي الشباب ..؟ الاتفاق الحزم ..؟

وش يقطع نجران وابها والرائد من الاتحاد والنصر والاهلي والشباب

نحبك ياهلال بكل الاحوال

Blue longing · #4 06/10/2008, 01:28 PM

حياكم يالغلا .. وإن شاء الله رسالتي توصل لما اتمناه ..