والله اللي أتمناه أا صدق ان أدارة الأخبار تحذف اي موضوع ماله داعي ؟؟؟

أجل اقالة كوزمين يعمي طير ..

لولا الله ثم كوزمين مشفت الهلال بهالنجوم الشابه وغير كذا تراااء كوزمين قبل ميصير مدرب هو عضو شرف هماااه

من وجه نظري المدرب يكون ناجح اذا بخطته وصلت الكوره الى باب الخصم بعدها يجي دور اللاعب الناجح من هالوجه اقول ابو اولاريو على قولت اخوي اللى قبلي ماقصر بس لاعبين الهلال ينتضرون الفريق المقابل يستسلم لهم ويخلى الكوره تجي هدف بسهوله

انت وش تبي من كوزمين................. بالضبط وش تحس به
الحين كوزمين لعب ثلاث مباريات جاب ست نقاط وكل المباريات اللي لعبها التشكيله الاساسيه مو جاهزه

إقتباس الرسالة الأصلية كتبت بواسطة الضوء الهلالي تركي سأرد عليك في مقال آخر غير هالمقال لان مقالي هذا موجه لفئة معينة من القراء اصحاب الفهم والادراك

طيب

يا فئه معينه ..!!

إفعلها يا مشرف: حذف موضوع الأخ قبل لا يتهور ويقول بجي بدرب بدال كوزمين

من نجيب بدالة .. اذا بنجيب زيكو قداام ..
..
..

إقتباس الرسالة الأصلية كتبت بواسطة مهــما يقولــون انت وش تبي من كوزمين................. بالضبط وش تحس به الحين كوزمين لعب ثلاث مباريات جاب ست نقاط وكل المباريات اللي لعبها التشكيله الاساسيه مو جاهزه

إقتباس تركي سأرد عليك في مقال آخر غير هالمقال

ألحــين هالي انت كاتب يقال له مقال ..؟

زين علمتنا ما درينا الا تو ^.^

كوزمين افضل مدرب العام الماضي وبشهاده كل الناس حتى النصراوين والاتحادين قالوها يا ليت عندنا واحد زي كوزمين مدرب داهيه

و كوزمين امس ما غلط هو ما قال للاعبين ضيعو هجمات ولا قال للحكم لا تحتسب الهدف

هو حط خطه صح

إقتباس الخثران يصر على انه محور ...!!!

الخثران طول عمره محور وسط بس عشان الغتمدي وخالد عزيز دايم يلعبون يحطونه مكان ثاني

إقتباس مثلا الشلهوب يمين والفريدي يسار ..!!

هذولا وسط يعني يروح يمين ويروح يسار شي عادي هم مو حراس بيعدون عند الباب ما
يتحركون

قل كوزمين غلط يوم طلع الفريدي صح بس يقيلونه لا اكبر غلط اقالته

حلوه إقالـة كوزميـن هههههه


ياخي جمهور غير واعي .. !


سلامات ..


يوم فزنا فالكأس قدام الإتحااد كل تواقيع المنتدى صور كوزميـن ..


ويوم إنهزمنا 4 من الإتحاد كل الناس تسب كوزميـن ..


وإلحين نجران !

ياأخي كوزميـن يجتهد ويصيب ويخطئ .. يكفيك خالد عزيز والتايب والظهير الأيمن وعمر الغامدي والمرشدي والشلهوب متدني المستوى


وش تبي كوزميـن يسوي يلبس شورت ويطبّ معهم يجيب هددددف !!


لاااااااااااااااااااااااااااااااااااااااااحظ إن الهلال يوم تأخر بـ هدف جاب الهدف طوّالي ومأحسبه الحكم .. يعني كان فيه قدره تهديفيه من البدايــه

فعلا جمهور غير واعي !!

كوزمين من ناحيتي انا افضل مدرب مر ع نادي الهلال بس مو افضل من اوسكار

نسينا كوزمين يوم اخذ الدوري

اقالة كوزمين ان حدثت فهي اكبر كارثةع نادي الهلال

تحياتيـ

إقتباس الرسالة الأصلية كتبت بواسطة T U R K I _ 15 هههههههههههههههههههه ناس تبي كل مباريات الهلال فووووز ( بلاي ستيشن ) لا عمرك تستوعب طيب وانت تبي الشلهوب يسار طول حياته الكرويه تراه وسط مهب حارس ماله الا مركز واحد اجل البرقان احسن من الغنام هههههههههههههه

كلامك صح اخوي وازيد عليه
كوزمين اثبت جدارته اخذ بطولتين مع الهلال ولعب في الثالثه وعلشان مباراه تبغاهم يقيلوه
هههههههههه كثر منها اصلا المجنون ماراح تركب براسه كبر عقلك ولاتول كلام مانت قده
يارجال خلك ورى التلفزيون احسن من هذا الكلام كوزمين والهلال قدمو مباراه ممتازه بس ربك
ماكتب الفوز والحكم زودها هدف وضربة جزاء مو محسوبه اذا فكرت تنزل موضوع ادرسه 1000مره
واعرضه على محلل ولا اي شخص رياضي مو اي كلام تركبه في راسك يركب

كوزمين مدرب رائع بس اخذ عليه شئ واحد
انه حتى قدام الفرق الضعيفه يلعب بمهاجم واحد وغير كذا بصراحه مدرب رائع

إقتباس يعني صاحب الفكر العالي هو من يفهم طرحي حيث انه موجه لفئة محددة ... فقط

طيب راعي الطرح خلنا ناخذ طرحك حبه حبه

إقتباس خلال الجولات الاولى ... نلاحظ تقليب في المراكز .. مثلا الشلهوب يمين والفريدي يسار ..!!

ياعزيزي ... لاعب الوسط مستحيل ان يثبت في مركز طول المباراه لازم يتنقل من الوسط الايمن للأيسر إلى صانع العاب وهذا من بدائيات كرة القدم لاعب الوسط مايثبت على مركز عشان يضيع الدفاع والمحور ويسبب ربكه في فريق الخصم ..,

إقتباس العنبر ابقاه والكلثم اعاره والان الكلثم في مركزه الصريح اصبح هداف الفريق ماشاء الله من ثلاث جولات ...

الكلثم أول شئ كان يحتاج لهذه الاعاره لأنه يحتاج يكسب خبره وثقه في النفس ... وبعدين تراه سجل هدفين في مباراه وحده بس وغيرها ماسجل وش تقول هداف الفريق وهو مسجل هدفين بس !!

إقتباس خيرات طوال المعسكر قلب دفاع ... ونامي اساسي !! الآن ... خيرات ظهير ايمن ...!! ونامي .......؟؟

اول شي المعسكر كان يفتقد للمرشدي وهوساوي .... وفي المباراه فقد الغامدي والمرشدي طبيعي ان المدرب يستنجد بلاعب لكي يسد الخانه اللي المفروض ياخذها رالديس لو المرشدي موجود او الغامدي على الاقل ..,,

إقتباس اقتناعه بالغنام واعارة البرقان تدل على تخبط كبير وكبير وثقافة مدرب اقل ما يقال عنه لا يفقه في المواهب ...

انا مابي احلف انك واحد من اللي كانو يطالبون بتنسيق البرقان يوم كان جايب العيد مع الفريق ... اعارة البرقان شي كان المفروض يصير من زمان لكي يكسب خبره وثقه في النفس ... وكانك تشوف ان البرقان احسن من الغنام ... تأكد ان ماعندك سالفه !!

إقتباس الخثران يصر على انه محور ...!!!

وهذا هو المركز الأمثل لهذا اللاعب وهو ماسكه من سنيتن بس عشان مباراه وحده ماقدم مستوى اعتبرته سيئ في هالمركز

إقتباس بالعربي كل يوم نشوف لاعب في مركز ... وهذا ما سيدمر الزعيم ...

انا ماشوف تغيير مراكز كثيره في فريق الهلال ... عدا الخثران انتقل للمحور والكلثم للجناح الايمن بس !!

إقتباس لاجل آسيا واعصاب الجمهور الهلالي .. افعلها يا بن مساعد ... وابعد كوزمين عن الزعيم حتى لا نكرر حكاية اديموس ... فوالله ان الامر يتكرر .. كوزمين .. واديموس ثقافة واحدة ...!!!

اجل كوزمين واديموس ثقافه وحده ... انت انهبلت ولا وش صار لك وش جاب لجاب .... والله العظيم ان الهلال محظوظ ان عنده مدرب داهيه مثل كوزمين .... والهلال للأسف ان عنده ناس تحب تسبب الفتنه والاشاعات بين الجمهور مثلك وشرواك اللي مايهمهم إلا اثارة البلبه في المنتدى والفريق

اتمنى انك تذكر الله وتتذكر ان الفريق ناقصه 5 أو 6 عناصر أساسيه

والخساره وارده في كرة القدم من أصغر الفريق ... وان شاء الله تكون بداية التصحيح