السلام عليكم

يااخوان انا عارف يمكن الموضوع مخالف

لكن بصراحه اللي خلاني اكتب هالموضوع هنا ... اني عارف ماشاء الله

في ناس في المنتدى محترفين وعلى اطلاع على مواقع الانديه العالميه

ولهم خبره ...

انا حبيت احد يبحث عن اخبار الاعب السعودي مروان الجهني

اللي يلعب في فريق شباب اي سي ميلان

هل الاعب موجود في قائمة فريق الشباب او لا

انا لي قريب كان في مدريد ويقولي شاهد الاعب الموسم قبل الماضي

في اكاديمية ريال مدريد ... وانه سأل زملائه عن مستواه وكانوا يشيدون فيه

وهذا الكلام اكده والد الاعب في حوار قديم ان مروان ذهب اعاره لريال مدريد

وبعدها رجع للميلان

لكن في الفتره الاخيره انقطعت اخبار الاعب نهائيا

وانا اتمنى انكم تساعدوني في البحث عن اخباره ... لأني ماوجدت شي



وانا لي مده ابحث عن الاعبين السعوديين اللي يلعبون في المراحل السنيه

في اوربا ( رغم قلة معرفتي في المواقع العالميه + ضعف لغتي الانجليزيه )

وجدت ثلاثه اسماء لاعبين سعوديين في كندا

ووجدت لاعب سعودي يلعب في فريق شباب وست هام ( انتقل من الارسنال )

اسمه احمد عبدالله وهذا الاعب يلعب اساسي في فريق شباب وست هام

ولعب امس مباراه ضد بورتسموث

وحصلت على عدد جيد من الصور للاعب




وهذي احدى الصور للاعب في احدى المبارايات الوديه

والاعب في الموسم القادم ربما يصعد للفريق الاول او تتم اعارته لموسم واحد

لأحد فرق دوري الدرجه الثانيه لكي يتعود على اجواء المبارايات

علما بأن زميله في خط الهجوم الموسم الماضي في الارسنال

ناصر برازيت ( هولندي من اصل مغربي ) لعب للفريق الاول للارسنال

ولكن فينجر اعاره لديربي كاونتي ليكتسب خبره اكثر ويكون جاهز الموسم القادم





اتمنى احد يدلني على موقع اقدر ابحث عن الاعب مروان الجهني

او اي حاجه

ايه هذا اللي بوست هام أعرفه هو موب سعودي أصلي عايته كلها من اليمن .. بس سكنوا بالسعودية وبعدين هاجرو لانجلترا .
اما لاعب ايسي ميلان سمعت عنه لكن بعدين اختفى

هلا ..

شكرا ً على موضوعك ..

صراحه انا ما قد سمعت بـ الجهني لآ ميلآن ..

لكن احمد عبدالله لآعب ارسنال سابقا ً و وست هام حاليا ً متتبع لـ آخباره من اكثر من 3 سنوات ..

ع العموم هو لآعب يحمل الجنسيه السعوديه من ابوين يمنيين ..

كان يلعب في ارسنال وكان مقدم اداء رائع ..

شفت له تصريح قبل 3 سنوات تقريبا ً كان يقول ما اعرف ولآ لآعب سعودي لكن دفاعنا ضعيف جدا ً .. < بلآ والله من المنتشري

لكن هو انتقل لـ وست هام وعلى فكره وست هام يملك افضل اكاديميه شباب في انجلترا ويمكن في العالم كله ..

صرح تصريح قريب يقول انه ينتظر استدعاء المنتخب السعودي له على احر من الجمر وانه يتشرف بـ تمثيل المنتخب السعودي ..

ويقول لآعبي المفضل ياسر القحطاني ..

هو يشجع فريق توتنهام

يلعب في مركز المهاجم راس الحربه ..

اتمنى له التوفيق وهذي بعض الصور له :





على فكره السياره سيارة مدير اعماله ..



وهذي مجموعة صور له مع وست هام ..





هذا هو يشوت بلنتي ضد مانشستر



اتمنى ان خدمتك ومشكور ع الموضوع

بالتوفيق له ان شاء الله ونشوفه من ضمن الاساسين في ارسنال او وست هام على الاقل يلعب في

الدوري الانجليزي

الله يوفقه و يكون عون للمنتخب السعودي.

اتمنى له التوفيق .. وان شاء الله يشرفنا في اوروبا ..

اللاعب الجهني اللي تقول اذكر قبل سنه في جريدة الرياضي
والرياضيه وعكاظ وفي نفس اليوم جابوا خبر ان اللاعب اختبر
في الاتحاد وما قُبِل !!
وبعدها انقطعت اخباره ..

الولد صرّح انه تفاجا بعدم قبوله وابوه نفس الشيء .. واظاهر حتى
انديتنا والكوره عندنا صارت بالواسطة !
طبعاً ذا كلام ثلاثة جرايد وتعتبر قريبه للصحة .. يقولون والعهده ع الراوي
انه لعب في نادي الربيع ؟؟! ما ادري هل هو لعب باستمرار ولا فتره
بسيطة ؟!
اذا كان هالشيء صحيح فهذي مصيبة .. خريج مدارس اوروبيه ما يلقى
مكان في انديتنا السيئه ؟

ايضاً راح للنصر وما ادري وش صار .. وما ادري هل الامور الماديه
كانت عائق ولا مستواهـ .. اعتقد ان الاولى اقرب

عموما بالتوفيق لهالولد واتمنى ما يكون مستقبله مثل الجهني !

اللي اذكره يااخ ياسر ان الجهني يلعب بالدوري الالماني الدرجة الثانية

انا سمعت بالجهني وفيه أحد االأعضاء على ماأعتقد منزل له لقاء صحفي في الشبكة .. وقريت انه يقول :

بعد سنتين من الآن ( من تاريخ الحوار ) انه بيكون جوار كاكا وينتظر هالشي إذا ترقى

أتمنى من متابعين لفريق ميلان وأخباره يمكن يكون عندهم علم او خبر عن مروان الجهني

بحكم انه يلعب في أحد الفئات السنيه في ميلان .. بس إذا على كلام كاريك 16 فهي مصيبه والله !

اما عن اللاعب احمد عبد الله فتوني ادري والله وفادوني فيه الأخوان الي ردوا ورده

ايه هذا اللي بوست هام أعرفه هو موب سعودي أصلي عايته كلها من اليمن .. بس سكنوا بالسعودية وبعدين هاجرو لانجلترا .
اما لاعب ايسي ميلان سمعت عنه لكن بعدين اختفى

مشكووووووووووور على الموضوع

و شكل اللاعب ماحولك أحد

الي اذكرره انه كان مع نجرااان
كابتن الفريق
ورقمه 80
وكان حاط ربطه

أكّـد اللاعب السعـودي مروان الجهنـي المـُحترف في الميـلان الإيطالي ارتياحـه التام في خـوض التجربـة الحاليـة في الفريق الإيطالي العريق , وقال : " صعدت الآن من نـاشئي الميـلان إلى فريق الشبــاب بالنادي ,
وبعد حوالـي سنتيـن إلى ثلاث سنوات من الآن ؛ سيتـم بمشيئة الله تصعيدي إلى الفريق الأول وهذا الحلم الذي انتظرتـه طويـلا ً وبـات قريبـاً ولله الحمد
, وأنـا حاليـاً قائـد الفـريـق وألعـب في مـركـز الهـجــوم وأحيـانـاً خلف المهاجميـن وأتمنـّـى أن أجد فرصتـي للمشاركـة في الفـريق الأول " .


وأضــاف : " تمـّـت إعـارتي العام الماضي لفريـق ريال مدريد ولعبت هنـاك حوالـي عشــرة أشهر , وكانت تجربـة رائـعـة وشاهدت على الطبيعـة نجوم الريـال الكبار , وسعدت بالتقاط الصـور التذكـاريـة معهــم ؛ خصوصــا ً نجمي المفضـل ديفيد بيكـام !! إضافـة إلى زيـدان وسيرجيـو راموس , وعدت مـرّة أخرى للمـيلان " .



وعـن مشاركتـه مع الفريق والنتائج التـي تحققت ,
قـال : " شاركت مـع الميـلان في العديد من البطـولات على مستـوى الناشئيـن والشباب , حيث شاركتُ في الدوري الإيطالي ( الكالتشيـو ) ودوري أبطال أوربـا , وفي هذا المـوسم لم نحقق كأس البطولة ( الأسكوديتّـو ) ؛ بل حققنـا المـركـز الثانـي بعد أن خسرنـا من الإنتر ولـم أشارك في النهائي بسبب بطاقتي الصحيـّـة التي لم تصدر من المستشفـى ,
ولم تكن الخسـارة بسبب عدم مشاركتي ؛ ولـكن الفريق بصفـة عامـة في آخر ثلاث مباريات في الدوري لم يكـن في مستـواه المعروف , لذلك خسرنـاهـا جميعـا ً وحققنـا كأس إيطاليـا وحقق أحد زمـلائي بالفرق لقب أفضل صانـع لعب , أمـا أنـا فقد سبق لي تحقيق لقب هدّاف الدوري الإيطالي مع الناشئين العام الماضي وأحمل حاليـا الرقـــم ( 10 ) وأحب هذا الرقـم من زمن ؛
ولـكن أعتقد من الصعوبة أن أحصل على هذا الرقم في الفريق الأول , وربمـا أحمل رقم بيكـام ( 23 ) " .



ونفـى الجهنـي وجود مضايقات لـه كلاعب عربـي في ميلان ,
وقال : " فريقنـا الآن يضم عددًا من الاعبين الأوربيين ومن أمريكـا الجنوبيـة , وأنـا العربي الوحيـد وأفتخر بذلك ,
ولا يوجد هناك تفرقة بسس أنـّـي عربي أو أنـّـي مسلم أو سعـوي فلا فرق لديهم أبـدًا فهم يفرقون في المستويـات فقط وطالمـا مستوى اللاعب جيـّد فالأمور الأخرى ليست ذات أهمية بالنسبة لهم ,
وجميـع اللاعبين الآن هم هــُواة لأن النظـام لا يجيز الاحتراف قبل سن الثامنـة عشرة وعندمـا أصـل لهذا السـن سأكون محترفـاً وسـأصل للفريق الأول ولدي الطموح والقدرة لأنْ أصبح أحد اللاعبيـن الأساسييـن في الفريق الأول بإذن الله ..
وأفتخـر باللعب في الدوري الإيطالي فأنـا أعتبرهُ أفضل دوري في العالم , وبالفعل هو أفضل من الدوري الإنجليزي والأسبـاني " .


وأخيرا ً ؛ وعن ضعف بنيـتـه الجسمانيـة , قال : " بالنسبة لبنيتـي الجسمانيـّة فقد تحسّن كثيراً هذا الموسم بسبب أنّ النادي ركـّـز كثيراً على هذا الجانب حيث كنت أفتقر للبنيـة القويـة ,
والآن بعد التركيـز على تمارين الحديد واللياقـة والتغذيـة المنظمـة تحسنت بنيتـي وذهبت إلى أكاديمـية بوشتوف الألمانـي وذلك بغرض اللياقـة والتغذيـة على حسابـي الخـاص وهذا بعد تجربـة ريـال مدريـد ولم أصل لأفضلْ اللاعبيـن في هذا الجانب , ولـكن تجاوزت الكثيـر من اللاعبيـن ولله الحمـد " .



وعـن مايدور بشأن انتقال كاكا إلى الريـال , قال مروان : " أتمنّـى أن يبقى كاكا في الميـلان مع أنـّي أحب الريـال من أجل بيكـام ,
وللأسف لن أستطيع مشاهدة بيكـام بعد انتقاله لفريق لوس أنجلوس غالاكسـي لأنـه لاتوجد قنـوات تنقل الدوري الأمريكي , صحيح أن الميـلان لم يحقق الدوري الإيطالي هذا الموسم بسبب أنّ تركيـز الفريق انصبّ على دوري أبطال أوربـا , ودائمـاً مانجده في دور الأربعـة على أقل تقديـر " .


ملاحظه اربع دول عرضت عليه الجنسيه هي
هولندا _ قطر _ ايطاليا _انجلترا

تحياتي

خوي الذيب20

من الواضح على أن الجهني موهبه قادمه ..
الله يحفـظه .. ونشوفه حامل لـواء المملكه " خارجيـآ

والله ما اعرف شي عنه لكن ان شالله نشوف اللاعبين السعوديين
مع الفرق الأوربيه الكبيره

طيب ممكن صور الاعب في ميلان اذا كان صحيح !