نادي الهلال السعودي - شبكة الزعيم - الموقع الرسمي - مبروووووك الهزيمه ضد نجراان...وحسم الدوري في الجوله الثالثه!!!

بسم الله الرحمن الرحيم

الحمدالله على كل حال خساره في البدايه ومن نجران افضل من خساره في اخر الدوري في وقت الحسم وقت ماينفع فيه تصحيح اخطاء والي مايخسر مايفوز ولايحس بطعم الفوز الا الي ذاق طعم الخساره

نقاااط عن المباره:

*نجران هو نجران ضد الفرق الكبيرة لم يتغير وشفناه الموسم الماضي وبنشوفه هالموسم طبعاا اقصد على ارضه

*شوفو كم مره كوزمين غير الطريقه من مهاجم واحد الى مهاجمين في اكثر من مباره وانا مستغرب اذا كانت 4-4-2 هي الفعاله ليش ماتلعب فيهاا من البدايه واذا تقدمت غيرهااا لمهاجم واحد !

*اتمنى ان مايكون هذاا مستوى رالدس لانه بصراحه ماعوض غياب المرشدي عشان يعوض غياب تفاريس اتمنى يتطور مستواه مع الانسجام

*الشلهوب افضل نسبيا من المباريات السابقه ولكن عندي احساس انه هذاا اقصى شي عنده اتمنى يكون كلامي خطاء والله العظيم اكثر لاعب احبه الشلهوب لاتفهمون كلامي خطاء

*محمد الدعيع شال الكور الصعبه ودخل عليه السهل لكن هذاا لايقلل من مكانه ابوعبدالعزيز

*الظهير اليمين اتمنى نرتاح من هالمشكله بأي ثمن

*ياسر القحطاني ماينلام ابداا واحد بين اربعه ولايوجد صانع لعب اه اه ياالتايب

*الفريدي بطل بطل بس اصبرو عليه بيكون اول من يحسب له حساب من الفرق المنافسه الله يحفظه من العين

*الخثران ماهو الخثران الموسم الماضي الله يستر والغنام وش اقول عنه بس كل مااشوفه اشتاق لخالد عزيز:d

*المحاور اليوم لاتعليق!!! اسوء شي في الهلال امس

* اجانب الهلال هذاا الموسم نقمه على الهلال التايب وتوقف ورالدس يخوف وويلي ماصدقنا رجع من الاصابه بيغيب مع المنتخب والله يستر لايرجع مصاب هذااا ضريبه اللعب الاجنبي الدولي

* ليه لمااشوف محمد العنبر احك راسي واتذكر عبدالعزيز الكلثم المهاجم

نسيت ابارك لجمهور الجار اليوم فازو في الدوري في الجوله الثالثه لاول مره في التاريخ حتى روؤل النسيم قال ابارك للجمهور الفوز خخخخخ ماينلام شاف فرحتهم في التعادل ضاعت علومه:d

سوال ليه اي شي نصراوي :d متعقد من شي اسمه جزيره ؟؟

اخير الحمدالله ان الخساره في هذاا الوقت ومن نجران ولو انها ضد فريق كبير بتكون ترسباتها
ونتائجها اكبر بكثيررر على الفريق والقادم من المباريات كثير بتتحسن الامور وتذكرو الموسم الماضي

اتمنى التوفيق للهلال في كل مكان وفي كل الالعاب

واعتذر عن اي خطاء وفي الاخير انا بشر

سبحانك اللهم وبحمدك استغفرك واتوب اليك