#1  
قديم 05/10/2008, 06:21 AM
زعيــم جديــد
تاريخ التسجيل: 25/04/2006
مشاركات: 33
Exclamation تعالوا ( للي يبي ) بعد ماريحتوا

أولاً السلام عليكم ورحمة الله وبركاته وهاردلك الهزيمة ولعلها فال خير علينا
مابطول عليكم عندي كم نقظة وودي أوضحها يمكن أكون مصيب ويمكن أخطي لكل منا وجهة نظره الخاصة فيها وأنا حبيت إني أبينهاوهي كالتالي :

- نقاط فنية :
* الكل منا عارف مشكلة الظهير الأيمن ومتحملينها لكن اللي مانتحمله إنها تكون حقل تجارب للسيد كوزمين ( الظاهر يحسبها مباريات وديه ) ليش الحين لما يلعب الهلال مع أندية ضعيفه نجد أن كوزمين لايلقي لها ذاك الاهتمام الكبير قبل جرب الغامدي والحين خيرات - ياترى على من الدور في المباريات القادمه؟-.
الحين عندنا نامي والله يااجتهاد نامي في هالموقع أفضل من أي لاعب آخر لانه تعود على هالمنطقه والمصيبه انه بالوديات يحط نامي وبالرسميات يغيره لييييييش ؟!!!!

* ليش نعطي فرصه للفريق المقابل إنه يقتل لاعبينا وأقصد بكلامي ياسر القحطاني ليش نلعب بياسر بس وكل الأنديه عارفه من ياسر وأكيد تبي تعد له العده عشان توقف تحركاته .
المقصد من كلامي ليش مانلعب بمهاجمين اثنين لفك الرقابه عن ياسر القحطاني وفتح الخانات للاعبين .

* ألاحظ عالسيد كوزمين إنه يتصيد أفضل وأنشط لاعب ويغيره زي ماسوا مع الفريدي يعني تغيير ماكان في مكانه وبعدين ليش تلعب بالدوسري والشلهوب مع بعض يعني مثل مانقتل الشلهوب بالجهه اليمنى تريد قتل الدوسري ؟!!!!!


مجموعة ملاحظات على لاعبي الهلال :

* أنا ماراح أقول إن اللاعبين يلعبون بدون روح لكن في كثير من الأحيان نفقتد لروح القتال شوفوا لاعبي نجران قتاليه على الكره وبعدين ليش إذا جبنا هدف نركد ليش مانجيب الثاني والثالث ؟!!!

* نقطة مهمة أصبحنا نعاني منها بشكل كبير جداً ألا وهي :
نلاحظ وبشكل كبير أن معظم اللاعبين يبحثون عن هدف خيالي وجمالي !!!
ليش صار اهتمامنا بجمالية الهدف أكثر من الهدف ؟
هذا ماسبب ضياع الفرص واللي من الموسم الماضي واحنا نعاني منها .



هذا ماكان عندي من نقاط وربي ماهو إلا عتب محب لا أكثر وشكري لكم .
اضافة رد مع اقتباس
  #2  
قديم 05/10/2008, 06:30 AM
زعيــم فعــال
تاريخ التسجيل: 18/03/2008
مشاركات: 355
وعليكم السلام

الصويلح لعب مع ياسر وماطلع معهم شيء

العنبر مع الصويلح برضوا مانفعوا

اي فريق يلعب ضد الهلال يستميت
اضافة رد مع اقتباس
  #3  
قديم 05/10/2008, 06:36 AM
زعيــم جديــد
تاريخ التسجيل: 25/04/2006
مشاركات: 33
إقتباس
الرسالة الأصلية كتبت بواسطة Strike

الصويلح لعب مع ياسر وماطلع معهم شيء

العنبر مع الصويلح برضوا مانفعوا

اي فريق يلعب ضد الهلال يستميت


الصويلح لعب مع ياسر لكن بذمتك جتهم كور من الوسط يالغلا إذا الوسط متخبط ومعتمد بس على التايب لو يكون عندك ثلاثة مهاجمين منتب مسوي شي .
باختصار كوزمين سحب الفريدي وقتل الوسط .
وبالنسبة لأي فريق يعلب مع الهلال راح يستمين ياخي ليش حنا ننتظر هالشي ليش مو احنا اللي نمسك اللعب ليش نعطيهم فرصه أصلا انهم يضغطون علينا.
شكرا عزيزي
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:39 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube