#1  
قديم 05/10/2008, 03:54 AM
زعيــم فعــال
تاريخ التسجيل: 21/04/2007
مشاركات: 213
Red face هـــ المرة بأصير مدرب ...!!

السلام عليكم ورحمة الله وبركاته


هلا وسهلا بكل هلالي وهلالية

_____________________________

هاردلك يا جمهور زعيم نصف الأرض

المبارة اليوم مو مكتوبة لكم ..

لاكن هــ المرة بأدخل في الأمور التكتيكية وانا مو ذاك الشئ فيها لاكن الطفل يعرف هالأمور لاكن كوزمين الا الأن ما انتبه لها او يتغافل عنها


يا عالم ..

من سنوات والهلال مشكلته هي الأندية الضعيفة ..

فغالبا نقاطه تذهب بسبة هذي الأندية اما بالتعادل او بالفوز كما حدث اليوم


لاكن وش هو السبب اللي يخلي غيرنا يفوز وانا لا ..


السبب هو ..

ان الفوز ع الزعيم بالنسبة لهم بطولة واكبر شاهد فرحة النجرانييين بعد نهاية المباراة

المشكلة هي ان الهلال مع القوي والضعيف يلعب بــ تشكيلة وحدة ..

يعني معقولة الهلال يلعب مع الإتحاد المعروف بهجومه الناري .. مثل ما يلعب مع ابها ولا نجران ولا الوطني


انا لو اني مدرب من البديهي اذا كان الفريق اللي قدامي يلعب بـ 9 مدافعين وحارس ومحور اني بألعب بمهاجمين ع الأقل ان ما كانوا 3


مشكلة في الهلال اللي هي انه يبدأ المباراة بمهاجم ومن ثم يغير تكتيكه اثناء المباراة الا مهاجمين لا كن بعد ما ذا بعد ما يكسب الثقة الفريق الخصم


قهر والله قهر نفرط بهالنقااط .. نقاط نجران ترى ما تفرق عن نقاط النصر والإتحاد والشباب كلها 3 نقاط لاكن الاعبين مو راااضين يفهمون

والا فريق من الدقيقة الثالثة وهو متقدم ليش ترجع تدافع بعد الهدف ..

الفريق النجراني تقدم بعد الهدف هذي هي فرصة الهلال من زيادة الغلة

حرااام والله حرااام ..


لاكن ارجوا من الجهاز الفني مع مساعدة الجهاز الإداري تدارك الأخطاء قبل موقعة تبوك ..

ترى طقتين في الراس توجع ..

وحذاااااااري من فقد النقااااط ..

الموسم اللي راااح فكنا الله ولعبنا ع فرصة وحدة من امام الإتحاد وفزنا ..

لاكن هــ العام الله يستر ,,

اللهم وفق الهلال فوق كل ارض وتحت كل سماء ..

والى الملتقى بإذن الله ,,
اضافة رد مع اقتباس
  #2  
قديم 05/10/2008, 04:04 AM
زعيــم فعــال
تاريخ التسجيل: 21/04/2007
مشاركات: 213
اتمنى منكم التفاعل يا عشاااق زعيم نصف الأرض ..



..
اضافة رد مع اقتباس
  #3  
قديم 05/10/2008, 04:33 AM
في انتظار تفعيل البريد من قبل العضو
تاريخ التسجيل: 14/09/2008
المكان: بــلد الحــرمـان العــاطـفي
مشاركات: 257
والله ياالكيان العظيم جبته على الجرح بووووووووورك فييييك ...
لكن نسيت تقول بإن المدرب متكبر ليه يخرج الفريدي ويخلي الشلهوووب ؟؟!!!!!
شفنا المباراة الفريدي هو أفضلهم لكن لاحياااة لمن تنادي !!!!
والسبب الثاني لازم ظهييير أيمن صريح علشان ننافس وإلا دور أحد ياخذ بطوله ...
وعاااد رالديس كذا أمام نجران أجل قدام الأنديه الكبيره راح يكب العشاء والله يسترررر !!!
واللي يقهرك إنه خرج ياسر برافوا لكن يدخل العنبر هزلت تمر الأيام ونشوف اللي يبي ياخذ فرصته ؟؟!!!!!!!!!!!!!!!!

وتقبل مروري ...
اضافة رد مع اقتباس
  #4  
قديم 05/10/2008, 04:40 AM
الصورة الرمزية الخاصة بـ Lover Sami
مشرف سابق في منتدى الرياضة العالمية
تاريخ التسجيل: 27/06/2004
المكان: الهــياثـــم - الخــرج
مشاركات: 19,447

شكراً لك

هذه مشكلة الزعيم من فتــرات

يعني تخيل نجران يلعب بــ مهاجمين

و الزعيم يلعب بــ مهاجم واحد ..!

و التبديلات كانت خطأ 100%
اضافة رد مع اقتباس
  #5  
قديم 05/10/2008, 04:41 AM
زعيــم فعــال
تاريخ التسجيل: 21/04/2007
مشاركات: 213
8
8

حبيبي مشكور ع مرورك ..

بالنسبة لأبو بندر .. اليوم متحسن عن باقي المباريات لاكن هذا ما يتيح للمدرب من ظلم الفريدي بإخراااجه وترك الشلهوب ..

بعد ادخال الدوسري اصبح هناك ازدواااجية في صناااعة اللعب فــ كلا اللعبين وسط ايسر ..

كان من المفترض اخراج الشلهوب والإبقاء على الفريدي المبدع في هذا اليوم ..

اما بالنسبة لرااالديس .. تبون الصراحة هذا ما ينفع قلب دفاع لانه بطئ جدا ..

يمكن ينفع ظهير ايمن مع وجود المرشدي وهوسااوي في قلب الدفاع ..

اما بالنسبة لياسر ..

وجهت نظر لي .. العب ياسر ورجله مكسورة ولا العب العنبر المفلس كرويا ..
صرااحة نوعية ياسر ما ينفع ابدا اخراجه لانه يمكن ينام مباراة كاملة ويظهر لك بهجمة تنهي المباراة ..

العنبر ينفع مهاجم ثالث لتستغل طوله فقط ..

وشكرا
اضافة رد مع اقتباس
  #6  
قديم 05/10/2008, 05:00 AM
الإحترافيه بعين هلاليه
تاريخ التسجيل: 07/07/2006
المكان: الريـاض
مشاركات: 7,248
طيب وش رايكم لو اشطح شطحه قويه

ليش ا لمدرب مايجرب العنبر ظهير دام كل مباره مجرب له واحد من المعسكر لحد الحين وهو يجرب ماقتنع لا بنامي ولا براديليس ولابحسن يجرب العنبر يمتلك البنيه الجسمانيه وسرعه
في اكثر من مباره يلعب مع الطرف يرفع لك اوفارت قويه وحلوه ونستفيد منها من ناحية الهجوم

المدرب اهدر نقاط 3 بيده وكذالك تهاون من الاعبين مستوا معدوم ممكن هذا من أثار التوقف فرص امام المرمى تضيع ممكن اقول سوء حظ
ولو المدرب كوزمين يترك الفلسفه الزايده .يحط لاعب في خانه مو خانته بيكون ضرر ع الفريق مارح نستفيد من الاعب عندك اقرب مثال الدوسري والشلهوب لمايكونون مع بعض واحد منهم يضيع ويختفي في المباره المفروض من المدرب يستبدل الشلهوب بدوسري او العكس لان كلهم يلعبون وسط ايسر .. كذالك هوساوي خانه مو في خانته !!
كذالك المدرب اخطاء في تغيرات يعني كان المفروض استبدال الشلهوب ب الدوسري
لان الفريدي كان شعله من النشاط ومتحرك ومشغل الدفاع ومعطي مساحه لشلهوب.
ولو كان المدرب جريئ واعتمد على العب الهجومي من البدايه ماتحسرنا ع 3 نقاط

ايضا اتعجب من فريق بحجم الهلال ولاعبين لايحسنون التصرف في الضربات الركنيه والكرات الثابته الكرات الثابته حل لمثل هذه المباريات ممكن ان نحصل 3 نقاط من كره ثابته متى نستغل الفرص والاخطاء الي من صالحنا !! !!

بديت اقتنع بان هجومنا لك عليه !! لما اشوف هجوم الانديه الاخرى بدون مجامله يطلع مهاجم يدخل مهاجم بنفس المستوى هل عندنا بديل بنفس مستوى ياسر حتى ياسر الان ماقدم المستوى المأمول منه كـ جماهير ,,
اضافة رد مع اقتباس
  #7  
قديم 05/10/2008, 05:11 AM
زعيــم فعــال
تاريخ التسجيل: 21/04/2007
مشاركات: 213
8

8

والله كلامك صحيح ..


وعلى طاري مهاجم يطلع ويدخل مهاجم بنفس مستواااه ..


انا الحين اللي داخل الملعب واللي خارجه مو في مستوياتهم ..

كوزمين مضيع الطاسة في مباراة اليوم هذي ما فيها طقة عصا لاكن يحط خيرات ظهير هذي ما تنبلع
اضافة رد مع اقتباس
  #8  
قديم 05/10/2008, 05:12 AM
الصورة الرمزية الخاصة بـ عاشقه الزعيــم
زعيــم مميــز
تاريخ التسجيل: 21/07/2004
مشاركات: 12,730
× ×

وعليكـُـم الســلآم ..

مُشكلــة الهــلآل مثــل مآذكــرت أن الأنديــة تلعــب بأقصــى جهــدهــآ للفــوز على الهــلآل !

ولآتنســى أن الفــوز على الهــلآل ( بطــولة )

بآلنسبــة للتشكيلــة .. أنـآ ملآحظــهـ على كوزميــن مآيدخــل المُهـآجــم الثــآني ألآ إذآ ورط

يعنــي أذآ الهــلآل متعــآدل أو خســرآن يدخــل الصــويلــح ,,

وجــود مُهــآجــم ثــآني مُهــم لمُســآنــدة القحطــآني المُحآصـــر بين دفآعـآتهــم !

كوزميــن سآهــم بتضييــع النقــآط اليــوم !!

يعنــي عنــدكـ لآعــب ظهيــر اللي هو نــآمي ,, ويجــرب بآلآعبيــن مآتــركـ أحــد مآحطــهـ بالمركــز !

الله يستــر بــدأ مُســلسل تضييــع النقــآط

رآح ننـــدم كثيـــر !!

عــوآفــي ع الموضــوع ورده

× ×
اضافة رد مع اقتباس
  #9  
قديم 05/10/2008, 09:32 AM
زعيــم فعــال
تاريخ التسجيل: 21/04/2007
مشاركات: 213
ايه والله الله يستر من مسلسل التفريط بـ النقاط
اضافة رد مع اقتباس
  #10  
قديم 05/10/2008, 09:36 AM
زعيــم نشيــط
تاريخ التسجيل: 27/09/2007
المكان: بقلب ياسر
مشاركات: 923
غلطه الشاطر بـ 10 زي مايقولون المدرب حط ياسر لوحده هجوم

ومابدل الشلهوب بالفريدي او الدوسري وهو يعلم بمستوى الشلهوب اكثر مني ومنكم

امممممممم نتمنى يارب المباراة القادمه ينتبه للهنقاط ولا يوقف تفكير فيها

ويعطيك العافيه ياكاتب الموضوع الله يكتب اللي فيه خير وبالتوفيق للأزرق
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:56 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube