ملثمه بالليل ولد الليل كنترول احلى وحده (اشكال حلوة) - نادي الهلال السعودي - شبكة الزعيم

المنفهق · #1 03/10/2008, 09:14 PM

مساكم الله بالخير

وشلونكم عقب هالعيد عساكم انبسطتو وعيدتو زين

موضوعى اليوم هو عن الشات فى القنوات الفضائيه

استغرب من( غباء)

بعض الناس فى الدخول لهذا المجال

وتجدهم يدخلون باسماء غريبه وتتمنى لو تشاهدهم على حقيقتهم

لتعرف صدقهم من كذبهم وانا اعرف عدة اشخاص سواء شباب او بنات

يدخلون لهذه القنوات وطبعا تسألون كيف عرفت البنات لايروح تفكيركم بعيد

بحكم عملى بمستشفى ولدى فى قسمى بنات وشباب واحيانا نتكلم وعرفت

منهم انهم من رواد هذه القنوات وابعطيكم بعض الامثله على الاسماء

مع وصف الشكل وهو ليس اعتراض على خلق الله ( استغفر الله )

واحد من الشباب مسمى نفسه اسير الصبايا وهو الله يخلف دب واصلع

وسألته هل تستفيد شئ او تعرفت على قال لى تصدق تعرفت على 4 بنات

قلت وشافوك

قال ودهم بس انا اتغلى قلت ليه قال لى خل اثقل شوى

قلت صح يا وائل كفورى اثقل

وواحد مسمى نفسه معتز حبيب خيريه وهو الله يصلحه يخاف من ظلاله

واللى مسمى نفسه شبيه القمر وهو الله لايواخذنا اذا دخل علينا تشم ريحة

صنانه من بعد 30 متر

اما البنات حدث ولا حرج وحده مسميه نفسها احلى من نانسى وهى احيانا

ودى اعزمها بالاستراحه لانى احسها واحد من الشباب

من الجفاسه اللى فيها

واللى مسميه نفسها دلوعة اهلها وهى تبعد عن الدلع حوالى 2685 كم بس الشكوى لله

ولما سألت البنات ليه قالو نتسلى بالشباب

ولما سألت عن التكاليف وقف شعر رأسى مع انه ما فيه الا حوالى 237 شعرة

تصدقون واحد يقول فى ليلة وحده خسر 800 ريال على شحن جواله

والمتوسط لهم يمكن 1800 شهريا يعنى قسط كامرى

اقول الله يهديهم بس واسف للاطاله

بنت عبد الله & · #2 03/10/2008, 09:50 PM

خخخخخخخخخخخخخخخخخخخخخخخخخخخخخخخخخخخ

................................ طيب انت ماجربت

اجل ماشفت قنات فنون والله تفطس ضحك تشوف وحده تكلم ولد بعدين يجي ولد ثاني ويكلم هالبنت((يبي يحتك فيها

)) والعكس صحيح

مساكين والله

Los Merengues · #3 03/10/2008, 09:54 PM

صدق والله معك حق يخسرون فلوس على الفاضي

FINAL10 · #4 03/10/2008, 10:03 PM

تبي الصدق ما اهتم بالشاتات الي في القنوات ولا انتبه لهآ .... تقبل مروري ..

دلبيرو الهلال · #5 03/10/2008, 10:28 PM

لـــيه ممصوع عرق من رأســي

يوم أشـارك بهالشـات !!

اللــــه يدفع البــلآ ...؛ وش يحسون فيـه الي يرسلون

منتـشرهـ كثير بين الشبـاب الله يهـديهم بس

غيمة عطش · #6 03/10/2008, 10:53 PM

أخي / المنفهق .
إليك هذا الرابط لموضوعٍ ذي صلة , للأخ / صدى البارح . وفي روايةٍ أخرى صدى الدجه

SMS

ابو طـــــلال · #7 05/10/2008, 12:57 PM

المنفهق الله يرجك ...

بالله منهو الدب أبو صلعة ؟؟ خخخخخخخخخخخخخخخخخخخخخ

ومنهي اللى تبي تعزمها بالإستراحة تحس انها ( شنب ) وااااااااااااااااو

يامهبول .. قاعد اتخيلهم وودي اشوفهم .. امرك بكرا اعايدك ؟

اخوك الصغير ابو طلال >>>>> مهند الدخل المحدود

برايفت

ابو خليفه · #8 06/10/2008, 07:40 AM

اللهم ارنا الحق حقا وارزقنا اتباعه

وارنا الباطل باطلا زوارزقنا اجتنابه

لاعدمتك ياغالي

تحيتي

في امان الله

Hictar · #9 06/10/2008, 12:04 PM

فيه بعض الشعب أقل مسمى تقوله ( سبايك ) !!
أعرف واحد سبهه ، من رواد شات القنوات

الإنسان هذا مريض نفسي ، مطلع لكزس 2007 بالأقساط
سألته ليه تبهذل عمرك بأقساط فوق 150 ألف ريال !!
قال : علشان البنات يخقون معي !!

بالله !!!

ومن عرفته وهو طاق الفنيله العلاقي وسروال طويل وتاكي عند التلفزيون ( حتى طلعه بالشوارع ما يطلع علشان يخقون معه الصبايا على قولته )

وكل ما شاف واحد يكلم بنت نشب بحلقه حولي بنات !!

مرت الأيام والشهور وهو سبيكة من السبايك
إلى أن وقع نظره على الشات بالتلفزيون
إشترك معهم وكل شوي مرسل رقمه ، لدرجة إنه يشحن جواله باليوم بـ 500 ريال

وما يطيح إلا بجزائريات وسوريات ، يطقطقون عليه
عاد أنا أتريق عليه كل ما جلست معه ، أقوله هاه متى نطلع ( نقنص بالجزائر )

يقولي : قنص إيش ؟؟

أقوله : خويتك هناك بالجزائر وأكيد بتضبط الوضع

وإلى وقت كتابة هذا الرد وأخونا بالله عايش حلم

-----------------
نجي لسبيكة أخرى من السبايك
واحد أعرف مسمي نفسه ( أمير الذوق )

لو تشوفه تقول هذا راعي غنم !!
من وين له أمير الذوق ما أدري

بس تصدق إني مبسوط على الأشكال هذي

متى ما ضاق صدرك تروح عندهم تذب عليهم لحد ما تدوخ من الضحك وترجع لبيتكم

f*y*d · #10 06/10/2008, 12:33 PM

مرحبا بالمنفهق

<<-= لا يكون لقبك بالشات بس

بصراحة أشوف فكرة الشات بالقنوات سخيفة جداً ولأصحاب العقول الصغيرة

واصحاب القنوات يطقطقون أحلى طقطقة على راس صاحب الظل الطويل
قصدي العقل الصغير

أول شي لو تسأل صاحب قناة كيف يجذب زباين للشات

بيجاوبك انه معين له ببداية تأسيس القناة كم واحد عنده يكتبون رسائل وينتحلون شخصيات بنات ويسوون أكشن بالشات كله لزوم جذب الزبائن

وما شاء الله ينبهروا الزبائن ويقعوا واحد تلو الآخر

من الطرق للي تضحك من القنوات فكرة رسالة vip
وهي رقم غير أرقام الشات ترسل عليه ويكون بتعرفة أغلى
عشان تطلع رسالتك ع التلفزيون بسرعة بدون ما تنتظر

!

وما ننسى " الألعاب التفاعلية " بقنوات روتانا

لكن في النهاية س سؤال .. فيه زبائن أو لا ؟

والربح خيالي

إقتباس

الرسالة الأصلية كتبت بواسطة مواصل من عام 1413هـ


	واحد أعرف مسمي نفسه ( أمير الذوق ) لو تشوفه تقول هذا راعي غنم !! من وين له أمير الذوق ما أدري

مواصل أمير الذوق والرقة ولو يتباهى من حقه

يا مواصل كل واحد براحته خله ينبسط وليه يقلل من قدر نفسه

مواصل اذا طفشان مرة افتح على القنوات واقرا الرسائل وانسدح ضحك

.
.

يعطيك العافية المنفهق على الحضور ونتمنى دايم تكون بالمجلس

قفلة / شات بالنت أحسن من شات sms

.
,

:: فتّكـ بـ ع ـافيـة ::

Hilali88 · #11 06/10/2008, 01:10 PM

الشات بكل أنواعه مضيعه للوقت وكلام فاضي
بس على الأقل الواحد إذا بشتشت يدخل شات بالإنترنت ما يروح يخسر نفسه بالقنوات وينتظر عشر دقايق على ما توصل رسالته

ما أدري ليش الواحد يدخل الشات أعتقد يبي يعيش حالة حب ولو بالحلم

$كاكاتبوك$ · #12 06/10/2008, 03:32 PM

واحلى شي تعال شف البنات يسلكن

نداء لمحمد أرجوء الدخول عاجل<<مسويه العربيه

ويجيك هذا محمد مطفي النور يشحن100

دخول لعيون فلانه وشوي وهي تنادي ثاني<< أفلاااااااااام

المهم أنا أشوف اللي يدخل هالمواضيع براسه جح

ومايقدر يفكر يبيله فرمته الله يصلحهم بس

sa3don · #13 06/10/2008, 03:56 PM

والمتوسط لهم يمكن 1800 شهريا يعنى قسط كامرى

هههههههههههههههههههههههههههههههههه الله يقطع بووليسك هع هذا تفكيرك هع

الـمـشـاغـب · #14 06/10/2008, 05:59 PM

أنا ما علي من هذا كله .. الشباب كفوا فيه ووفوا ..!!

لكن اللي علي منه واللي أبي أعرفه هو :

الحين بعد ما يشتشتون بالشات ... وشلون توصل أرقامهم للبنات اللي هم مشبكينهم ؟؟!

تكفون علمونا الطريقة عشان ما تروح فلوسنا على الفاضي بدون صيدة

ترى أمزح لحد يصدق .. بس مع هذا أبي أعرف الطريقة بسبب الفضول فقط لا غير

ثانكيو مستر المنفهق على الموضوع الخفيف .. بصراحة حبيتك وودي أعايدك مع أبوطلال .. وين المستشفى فيه؟

كان هنا · #15 06/10/2008, 06:20 PM

الله المستعــان بس ..
الشعــب من خرفنة لدحديرة الله يكافينا الشر

،،

إقتباس

الرسالة الأصلية كتبت بواسطة الـمـشـاغـب


	أنا ما علي من هذا كله .. الشباب كفوا فيه ووفوا ..!! لكن اللي علي منه واللي أبي أعرفه هو : الحين بعد ما يشتشتون بالشات ... وشلون توصل أرقامهم للبنات اللي هم مشبكينهم ؟؟! تكفون علمونا الطريقة عشان ما تروح فلوسنا على الفاضي بدون صيدة ترى أمزح لحد يصدق .. بس مع هذا أبي أعرف الطريقة بسبب الفضول فقط لا غير ثانكيو مستر المنفهق على الموضوع الخفيف .. بصراحة حبيتك وودي أعايدك مع أبوطلال .. وين المستشفى فيه؟

شف يا اخي الفاضل

..
الحين رقم 6 بالجوال وش حرفه ؟ "ج"
الحين رقم 3 بالجوال وش حرفه ؟ "أ"
فاذا الرقم مثلاً 0563 ..الخ
يصير كذا "طبعاً الصفر ما يحتسب ^.^"
5=د
6=ج
3=أ
فيرسل الخروف رسالة فحواها
دجأ .. الخ

فهمت ياحلو

..

//