☼.. الإبحار في عالم الإبداع .. ☼ - نادي الهلال السعودي - شبكة الزعيم

ALMALAKY · #1 03/10/2008, 08:36 PM

فكرة و إعداد \ ALMALAKY
تصميم \ زعـيم الزعـماء

لكل إنسان موهبه فطرية رزقه الله سبحانه وتعالى له لأجل ان يبدع ويتفكر من حوله فيها
وأعتقد ان شبكة الزعيم عموماً ملئى بالأعضاء الموهبين ..
لكن نادر من يفكر في تطوير موهبته .. وهل فكر أحد منا ماهي موهبتي او هل لدي موهبة !!؟
في البدايه اجعل شعارك ( انا مبدع وسوف أطور موهبتي )
حيث الانتقاد يأتينا مثل أمواج البحر يصدم بالسفينة لكن لاتغرق بل تزيدنا إصراراً
وتزيد حماسنا وتقودنا إلى الأبداع ..
اجعل شعارك الثاني .. ( لا للإحباط )
بعض الأشخاص يحطم نفسه وينكر موهبتة ويجحدها
ليه تحبط نفسك ؟
وتحسس غيرك أنك ماعندك سالفه !!
واجعل شعارك الثالث (( نعم للنقد الهادف البناء ))
تقبل النقد الهادف من الأخرين واعمل على تطوير موهبتك ..
من هنا سنبدأ بأذن الله باكتشاف مواهبنا وتطويرها خطوة خطوة ..

اطرح موهبتك هنا :
هل لديك موهبة الرسم ؟
اطرح أحدى رسوماتك ..
عندك موهبة في الشعر ؟
اطرح ابيات منها
هل عندك موهبة في الألقاء ؟
أطرح مقطع صوتي

او اي موهبة اخرى تود المشاركة بها

اعرض .. وستجد بأذن الله من الاعضاء النقد الهادف والتوجيه حتى تصل إلى مرحله الأبداع
واتمنى من المشرفين والأستشاريين والأعضاء التفاعل والنقد الهادف
لننتج معاً .. أعضاء موهبين ونطور المواهب !

في الختام أتقدم بالشكر الجزيل للأخ ماجد مقبل على دعمه للفكرة والموضوع

الـسـلـطـان · #2 03/10/2008, 09:19 PM

هلا والله

فكرة جميله جدا بإذن الله ستجد التفاعل في الموضوع

وبخصوص مواهبي أنا

أنا ولله الحمد عندي مواهب واجده

بس أنا أتكيسل

<< يعني أبدأ متحمس وما يمر يومين إلا وانا كسلان أكمل

آخر مواهبي اللي تكنسلت قبل فترة

كنت متحمس لتصميم بالفوتوشوب , وحملت البرنامج والملاحق حقه , وماخليت درس بالنت عن الفوتوشوب إلا وجبته , ونشبت لواحد عشان يعلمني شوي

لكن بعدين صرت كسلااان أكمل , وطارت الفكرة من راسي

لكن بإذن الله ما بتجي العطله الجايه إلا وانا تعلمت 10% منه

ادعو لي

Z3EEM . FC · #3 03/10/2008, 11:11 PM

.. ALMALAKY ..

يعطيك العافيه ع هالموضوُع الي راح يفيد جميع الاعضاء
وفيه ناس مايفرقون بين النقد البناء والنقد الجارح
والبعض يزعل من النقد البناء والشخص ماينتقد نقد بناء
الا لمصلحه المنتقد ولتطوير نفسه

ع العموم مابي اتفلسف واجد

ننتظر الابداع من الاعضاء بجميع المجالات المطروحه

ولاتنتظرون مني شيء خخخ

لاهنت عبدالملك انت وزعيم الزعماء ورده

سي يا

DR.KHALID · #4 03/10/2008, 11:28 PM

انا خيشة مواهب

..

عموما موضوع رائع ... وان شاء الله بشارك في المستقبل بس نشوف تفاعل الاعضاء

انا عندي موهبة الالقاء والتعبير .. اخذت الجائزة على مستوى شرق الرياض 3 مرات .. ومرة على مستوى الرياض .. بس ايام زمان ..

وبعد اخذت الجائزة مرتين في الانشاد الاسلامي

..

واذكر شاركت في مسابقة الرياضيات الي على مستوى ثانويات الرياض مرتين الظاهر وتأهلت وصرت على مستوى الخليج ..

وكانت في البحرين بس سحبت عليهم وم رحت << سعودي م عليك شرهه

يالله بانتظار البقية

دمتم

مسرع بشويش14 · #5 03/10/2008, 11:37 PM

مشكووور وماقصرت يالغالي ومبدع كالعاده

تقبل مرووري

الذيب الصغير9 · #6 04/10/2008, 04:38 AM

السلام عليكم ،،

ياخوي أنا مواهبي واجد بس مشكله مهنا تحمس والكسل ذابحن ،،

بس أبرز مواهبي هي ( الكوره + السيارات ) ..

يعني مثلا ،، الكوره ماخذه عقلي وتفكيري وشاغلتن خصوصا بهالاجازه بس المشكله ما فيه أحد يباري << أفهمو يعني

والسيارات عاد شي ثااااااااني خصوصا تعديل السيارات بالفوتوشوب كنت مستلم تعديل السيارات لدرجة اني ما خليت ولا درس بالنت ما طبقته ،، ومع ذلكـ مليت وتكيسلت

وألحين صرت أعدل تعديل خفيف على سيارتي يعني جنوط وترفيع وووو الخ

وشاكر لكـ أخوي على موضوعكـ الشيق وبصراحه المواهب واجده زي ما قلت لكـ

بس الكوره والسيارات هي المسيطره علي

،،

وتقبل مروري ..

احبك يا زعيم الكون · #7 04/10/2008, 04:52 AM

فكره الموضوع جميله جدا

اهنيك عليها

ع العموم المواهب لكل شخص الله جعل له موهبه

ان حصلت لي فرصه راح ارجع بموهبه خاصه

واتمنى الي يحطون مواهبهم ماحد يحطمهم

اكرر شكري لكم

ياحبيلك يازعيم · #8 04/10/2008, 04:59 AM

موضــوع رآئــع من شبــكة اروع..

يعــطيكم آلعآفيــه..

آمآ عن موآهبــي >>>الله يخــلف علي

موهبــتي لتشجيع آلزعيم لآغيــر

مشكــوريــن..

الهلالي دائماً · #9 04/10/2008, 05:26 AM

هلا بك اخوي الغالي الملكي ورده

ومشكور على الموضوع والفكرة

وبصراحة كانت لدي مواهب كثيرة لكن ضاعت مني

يمكن كانت لي تجربة بسيطة في الانشاد قبل ما يخرب صوتي

كانت ايام الابتدائي

واذاكر شاركت بمسابقة مع المدرسة وفزنا بالمركز الثاني ..

وفي الثانوية والمتوسطة دحلت عالم المسرح وفشلت

ولي هواية وتجربة في الشعر .. والالقاء

وان شاء الله بجيب لكم بعض من الابيات بس مو اللحين

لاني فيني نوم اللحين

واخاف اجيب ابيات غير صالحة للنشر

شكرا عبد الملك

وشكرا زعيم الزعماء

وشكرا لجميع الاعضاء الذين تفاعلوا مع الموضوع

the 9 wolf · #10 04/10/2008, 05:52 AM

فكرة و إعداد \ ALMALAKY
تصميم \ زعـيم الزعـماء

الله يعطيكم العافية على الموضوع

فكرة رائعة

أحلـى هلاليه · #11 04/10/2008, 06:33 AM

فكره مميزه لها فوائد جمه
نتمنى نسمع ونرى صداها
اما موهبتي اكتب الخواطر وامشي حالي بشعر
وان شاء الله اشارك بالمستقبل

دمت بود اخوي

وعد أنا هلاليه للأبد · #12 04/10/2008, 08:39 PM

إقتباس


	هل عندك موهبة في الألقاء ؟ أطرح مقطع صوتي

يصير احط صوتي انا

؟؟؟؟

انا عندي موهبة التطفيش والتطنيش

كيف تبغوني اوريكم اياها

أشوف أخوي إذا رضى اسجله اجيب لكم صوته ان شاءالله

فكره حلوه بس مافيه تفاعل للأسف

!

وجــدان · #13 05/10/2008, 02:19 AM

..

إقتباس


	هل عندك موهبة في الألقاء ؟ أطرح مقطع صوتي

على مسؤوليتك

المشكله مو في عدم تطور هالموهبه المشكله باللي مايدري ان عنده مواهب !!

طبعا مافيه انسان بلا موهبه .. بس فيه فرق بين اللي يكتشف موهبته وينميها واللي ساحب على نفسه ومايدري عن مواهبه

انا اذكر كان عندنا بنت ماتعرف تركب كلمتين على بعضها وكنا دايم نقول انها تفتقد الى الاسلوب في الكلام

وانصدمنا لمـّا قدمت حفل الامهات فـ مدرستنا والله كانت كذا

وامتعت الحضور بشكل عجيب

كانت عندها مواهب بس ماحست بنفسها الا من خلال المشرفه على الحفل اللي اختارتها لتقديمه وشجعتها واكتشفت موهبتها

الف شكر لك اخووي ALMALAKY والشكر موصول لزعيم الزعماء على التصاميم ومـاجد مقبل على دعمه للفكره ورده

..

DR.KHALID · #14 05/10/2008, 05:45 AM

سووري كنت حطيت مشاركة من قبل وحذفتها بالغلط

..

عموماً

أول مشاركة بتكون مني

..

طبعاً هذي قصيدة كتبتها زماان .. تقريباً بأول ثانوي .. أيام المراهقة

.. تقريباً قبل 6 سنوات

وسجلتها منذ مبطي شوي .. يعني لقيتها عالجهاز

..

طبعاً التسجيل لكم عليه شوي .. لأني سجلت بـ مسجل الصوت العادي
حق الويندوز xp

..

الظاهر كنت أجرب الصوت الخايس

..

وبعد خبركم عجزان انزل برنامج تسجيل .. وخلفية موسيقية

طبعاً فيها كلمات شوي انقلش ..

if u tell me = إذا قلتي لي

be sure = تأكدي

لو أعجبتكم بكب كل العفش حق أولى ثانوي هنا

..

إغمزهناا

فوتكم بعافيي

ارسن فينقر · #15 05/10/2008, 06:05 AM

مووضووع مميز

للاسف نحن في بيئه لا تساعد بل عفوا قاتلة للمواهب من الدرجة الاولى
فنظامنا الاجتماعي والتعليمي يحتاج للتغير وليس لأعادة النظر فقط
المناهج عقيمه والتخطيط والتنظيم معدومين

يلزمنا الكثير حتى نتحدث عن صناعة الموهبة

تحياتتي للجميع ..