حبيبتي .. لو يطيـر الغصـن باسرابـه
.....................(ريـح الغـلا) ماتهـب الاعلـى قلبـي
سورت ليـل الحنيـن وضاقـت ابوابـه
....................ولحن الشبابيـك يغرينـي ويلعـب بـي
وساورت شك البنفسـج واقبـل خطابـه
.................يلم( همس الشذى) .. ويقـول ..ويخبـي
ويـوم ارتـوى (بيدرالتحنـان )بعتابـه
.....................استانسـت (زهـرة الرمـان) ..ياحبـي
انا الـذي يكـرم احبابـه مـن احبابـه
.....................قصايـدً هـام فيهـا الساحـل الغربـي
اهديت وجهـي البشـوش وفلـة اهدابـه
...................وجه اليتيم الشحـوب اللـي تباشـر بـي
والنـوم مـن يطلبـه ماخـاب طلابـه
....................الا عيونـي كراهـا (طفـل ) مايحبـي
اهيـم والـدرب تحتـي نـوخ ركـابـه
................واقول ..هـذا (الهوى المجنون) ...ياربي
حبيبتـي والطيـور الخضـر تتشـابـه
...................لكن امانه .. بطيـراً .. بـاول السـربِ
هـذا فـؤادي تخضـر مـن تعشـابـه
................الين غار ( الحمى ) من لونـه العشبـي
والا الهوى ضمنـا فـي سيـرة كتابـه
...................سيـره تفاصيلهـا تحكـي شقـا دربـي
يموت (عرق الغلا )لـو فـارق ترابـه
.................ويحترق من حطب (عرق الغـلا) قلبـي

صح لسانك ...........

اهديت وجهـي البشـوش وفلـة اهدابـه
وجه اليتيم الشحـوب اللـي تباشـر بـي

صح لسانك قصيده رووووعه

يالله حي شاعرنا الرائع ..
الله يعطيك العافيه اخوي سليمان وصح لسانك
قصيده قمه في الروعه والجمال أبدعت كعادتك
تقبل مروري المتواضع وماننحرم من تواصلك العذب

يموت (عرق الغلا )لـو فـارق ترابـه
.................ويحترق من حطب (عرق الغـلا) قلبـي




جميل جدا هذا البووح
عذوبة نصك كالمطر

صح بووحك ..

صح لسانك ورده ..

قصيدة جزلة يا ذيبان ..