نادي الهلال السعودي - شبكة الزعيم - الموقع الرسمي - أحمد الموسى لاعب ممتاز جدا ومناسب ان يكون بديلا للتايب

السلام عليكم والرحمة

اخواني | اخواتي

حنا (الجمهور الهلالي) تفاجأنا بخبر ايقاف التايب ...

لكن هذا شيء غير مستغرب منهم

تعود الهلال على الظلم من التحكيم والإتحاد السعودي والأسيوي والعالمي

لكن انا مدري وش السالفة واحد يقول الإدارة كلفت سامي انه يدور على الاعب البديل والثاني يقول في قرار انه ممنوع تجيب لاعب بديلا للتايب؟؟؟!!!!!

لكن اذا كان الخيار الأول هو صحيح او غير صحيح فأنا اقترح للكابتن سامي وللإدارة الموقرة الهلالية انهم بركزون على لاعب نادي الوحدة احمد الموسى

لأسباب
منها انه مهاري وخلوق و ذكي وناديه الإدارة ماهي ماشية تمام وقاعدة تتخلص من لعيبتها

وطبعا شفنا مستواه الممتاز قدام كوريا الجنوبية وقدام الأزوبك ومباريات عديدة اثبت انه هو الاعب الذي يستحق ان يأتي لنادي كبير مثل الهلال

وحتى ان رجع التايب نحاول ان نجيب هالاعب لنادينا

اما ان كان للجمهور والإدارة رأي اخر عن الاعب فأنا راح اعطيكم اسماء لاعبين مستواهم ولا أحلى وسهلة انك تجيبهم

عندك محمد السهلاوي لاعب القادسية

عندك لاعب الهلال سابقا والرائد حاليا الحربي (لاعب مبدع مستواه الحين قريب للفريدي)

عندك عبدالرحمن القحطاني(لاعب يتمنى انه يلعب للهلال كما صرح للجزيرة)

والله الاعبين كثيرين لكن شوي تركيز واذكر لاعب بالطائي لاعب وسط سريع مهارات رجل قوية (وجاب قول على النصر من فاول في الموسم الماضي)

وفي نهاية كلامي اقول :-

[الظلم ظلمات يوم القيامة]