السلام عليكم ورحمة الله وبركاته ورده وكل عام وانتم بخير ورده ومن العايدين ورده

بما أني فاضي قلت بنزل لكم أول يوم لي في العيد وطبعا كغير المعتاد أول يوم أصبح ممل ع عكس الأعياد الماضيه وهذا الشيء بالنسبة لي اما انتم وش دخلني فيكم

يبدأ يومي بعد ما رجعنا من صلاة الفجر ونلبس الثياب الجديده وننطلق إلى صلاة العيد بعد جهد وعناء لأن اخوي الله يصلحه بطيء الحركة جدا جدا جدا المهم إننا صلينا خارج المسجد المهم وأنا أسمع الخطبه جاء واحد جنبي ع ما أعتقد إنه من الشام المهم سلم علي وكل عام وانت بخير ومن ذا الكلام وشكله إنه معصب لأنه جاي من حي بعيد عن حينا ومالحق الصلاة وقاعد يسولف معي شوي وقال (( نحن عندنا في بلدنا - هو قال لي بس نسيتها - اي مسجد يصلي الجمعه ويصلي العيد , لكن عندكم هنا مساجد معينه وسألني ليه ؟؟؟ )) أنا طبعا تفلسفت شوي وجاوبته المهم خلصت الخطبه رحت جبت الأهل الله يحفظهم ووصلتهم للبيت ورحنا عند كبير العائلة اجتماع للرجال فقط وجلسنا من الساعه 7 إلى 8:30 ووصلنا البيت الساعه 9:10 وعندما رجعنا غيرنا ملابسنا وكلينا ذاك اللحم اللي يحبه قلبك وجلسنا شوي إلى 10:10 وبعدين فتحت النت إلى 10:20 وخشيت ع السرير الساعه 10:30 ولأني مواصل نمت سريع بدون هواجيس << مواصل ولا فياض نرجع لمحور حديثنا وصحينا ع الساعه 6:10 المغرب وفتحت جوالي والقى 3 رسائل 2 من واحد سافر الشرقيه وناشب لي في بلعومي يبي يقهرني إنه سافر لكن بعد الرياض لا تدور وثالث رساله من واحد يعيد علي عاد فيه واحد مرسل لي قبل العيد بـ3 ايام رساله وقبل العيد بيوم رساله ويوم العيد رساله الظاهر معه رصيد زايد وما يبيه وشكله يبيني أرسل له 3 رسائل لكن والله يبطي نرجع لموضوعنا بعد ما شيكت ع الرسائل قمت وصحصحت وسلمت ع أخواتي بس ما عطوني عيديه عطوا للصغار بس وانا يقولون لي دزها المهم / جلسنا في البيت إلى بعد صلاة العشاء وبعد العشاء رحنا عيدنا ع أقاربنا وخلصنا الساعه 11 ونحن راجعين نوصل أخوي للبيت لأنه بيطلع مع خويانه وبيسحب علينا جاء له اتصال من خويه ويخبره إن واحد من خويانهم زوجه أخوه توفت وهم راجعين من المدينه تخيلوا عيالهم كيف بيعيدون ادعوا لها بالرحمة وادعوا للعيال إنهم يخرجون من المستشفى ووصلنا أخوي للبيت بعدين خذينا دورة في شوارع الرياض بدون ما ننزل من السيارة طبعا من ثم رحنا إلى دومينوز اللي في شارع الستين وجبنا العشاء ووصلنا للبيت وأنا رحت لبيت الجيران أأكل سمكهم لأنهم سافروا الغربيه وخلو مفتاح بيتهم معي المهم أكلتهم ورحعت للبيت وغيرت ملابسي وتعشيت والحين قاعد أكتب الموضوع

طبعا كما شاهدتوا إن يومي طفش ومما زاد الطين بله إن (( الزكام )) مبهذلني وأول يوم في العيد ولا كأنه عيد يعني ماحسينا بطعم العيد اللي كل سنة نحس فيه فأستنتجت إن /
(( اللي يبي العيد يصنعه بنفسه , ولا ينتظر الغير يصنعونه له )) << يعني اللي يبي يعيد زي الناس يسوي كل اللي يستطيع عليه حتى يفرح بالعيد

الحين خلصت يمديكم ترجعون للصفحه الرئيسيه أو تنزلون تحت وتردون والخيار لكم


ورده في أمان الله ورده

إقتباس الرسالة الأصلية كتبت بواسطة Mr.Marwan إن شاء الله ماتشوف الطفش أبد .. الله يرحم زوجه أخو خوي أخوك ويغفر له .. صراحة بغيت أرجع للصفحه الرئيسيه بس قلت خلنا ننزل تحت ونرد .. للعيونك وعسى الطفش ماتعرفه .. يارب .. بس اللي مستغربه كيف الجيران معطينك المفتاح << يحسبونك أمين << مادرو أن السمك في خبر كان تحياتي

إقتباس الرسالة الأصلية كتبت بواسطة Z3EEM . FC مـوضـوع زيـن وكـله فـضـفضه بـس بسـألك الحيـن كـم حطـيت مـن رموز ..؟ ع العـموم الله يرحـم زوجـه اخو خويـك ورده والله يبعد عنك ضيقه الصدر والطفش وكل عـام وانت بخـير

إذا ماتبي الرموز اشيلها لك اهم شيء راحتك بس <<< كأنه يذب
وانت بخير إن شاء الله << بدري ومن العايدين

إقتباس الرسالة الأصلية كتبت بواسطة ملتقى جمهور تفاريس السـلـطان

إقتباس الرسالة الأصلية كتبت بواسطة ملتقى جمهور تفاريس بصراحه .. حـكـمه عجيبه جداً .. وفعلاً حكمتك في محلها .. سلمت أخوي وكل عام وانت بخير ..

وانت بخير إن شاء الله أول مره أدري اني صاحب حكم وأمثال أثرني مانيب هين

إقتباس الرسالة الأصلية كتبت بواسطة ابوعثـMـان هلآ ...بالسلطانـ/ كل عام وانت بخير!! ـــــ الله يرحم جميع موتى المسلمين.. ويشفي جميع مرضى المسلمين.. ــــ العيد يصنع من الجميع..لكن للأسف اعترف ان عيد هذي السنه ((طفش)) ــــ تحياتي ابوعثمان البسام...

داري إن العيد طفش ما يحليه إلا لما يكون أنا موجود

إقتباس الرسالة الأصلية كتبت بواسطة كلنا هلاليين على الاقل انت اهون مني انا عيدي نوم يا حبيبي وقمت احس بانواع الطفش   لاني كنت اتمنا العيد الاربعاء لاسبابي المقنعه

 

نوم العوافي إن شاء الله

إقتباس الرسالة الأصلية كتبت بواسطة snijder انا عيدي هذا اطفش عيد مر علي بالتاريخ

ما جبت جديد طفش x طفش

إقتباس الرسالة الأصلية كتبت بواسطة بركان أزرق ههههههه عيدك حلو بالنسبة لواحدين سافرو اهلهم برا الرياض واخذو معهم مفاتيح البيت وقفلوا كل البيبان عاد ذول ما ادري شيحسوون فيه راحو للبطحاء واستاجرو شقة وعيدوا هناك

لا يكون مكان تصوير حق مفرح ومناحي أجل سحبوا عليه يمكن خايفين لا يسرق شيء من البيت

إقتباس الرسالة الأصلية كتبت بواسطة ولد عنزة اعلمكم ليه هالعيد طفششش ؟ لانه في وسط آلآجـآزهـ . وحنآ متعوديـن بوٍسط انه بوسط الدومآت والدرآسه . الله يعيد لنا الاعياد كلنا بصحه وعافيه .

الحين عرفت السبب عشان كذا نحن طفشانين السنه الجاية لازم يتغير

إقتباس الرسالة الأصلية كتبت بواسطة عاشق الموهوب 10 وعليكم السلام ورحمة الله وبركاته .. كل عام والجمييع بخير .. الله يرحم زوجة أخو خوي أخوك ويغفر لها .. ويشفي عيالهم ويطلعون من المستشفى .. وصدقني أكثر اللي ينبسطون في العيد هم الصغـار .. أم الشباب نـوم ونـت .. عالعمـوم الله لا يجيب الطفــش .. وكل عام وأنت بخير ..

والله بعض الأحيان اتمنى إني لسى ورع لكن يا حسرتاااه

إقتباس الرسالة الأصلية كتبت بواسطة بــنــــوتــــهـــ** ههههههههههههههههههههههه والله نفس حالتنا والله يرحم زوجة أخو خويك وكل عــــــــــــام وأنت بخيــــــــــر

يعني مو انا لحالي اللي طفشان اثر نصكم زيي

إقتباس الرسالة الأصلية كتبت بواسطة أحلاهم واتحداهم ليش طفشان بالعكس ماامداك تزهق ابد ماشاء الله العيد احلى شي فيه الجمعة وشوفة الأهل والقرايب ورده احنا عيدنا مثل كل عيد بس هالسنة في ناس مسافرين الجمعه صارت اقل الله يعيده علينا يارب واحنا بصحة وعافية

هذا الله يسلمك إذا كان جمعة القرايب بالعيد بس لكن إذا كان يوميا تشوفهم بتصير نفس الجو يعني كأنك جالس بأي يوم

إقتباس الرسالة الأصلية كتبت بواسطة ياحبيلك يازعيم بآلبدآيـــه عيدك مبــآرك.. والله يرحــم موتآنآ وموتى آلمسلميــن.. وآمــآ عــن آلعيد فـ آلأحـــآل من بعضــه..! عيد هالسنه غــير ملل..!! بس آلحمدلله على كــل حــآل ..

والله مافهمت ايش مكتوب ياريت توضح لي

إقتباس الرسالة الأصلية كتبت بواسطة هتلــ الزعيم ــر السلطان ... >~ وش عنــدهـ منزل موضوع ...~ { } ~ يارجــال خلها على ربكـ .. > ~ أنا مثلكـ بس ياخي عليك موضوع ,, ~ > .. كلــه رموز .. على قولت أخــونا ... ~ > Z3EEM . FC شكــراً لمروري الكريم .. > ~ { } ... ولا عــاد أشوفكـ منزل موضــوع سامــج مثل هــذا .. ~ [ ] .... ~~ { أمــزح لا تشغلنا بس } ~~ ...

انت بالذات مو لازم اتعب نفسي وارد عليك تبي شيء تعال بالمسن

إقتباس الرسالة الأصلية كتبت بواسطة f*y*d ما أقول إلا كل عام وانت بخير وعيد ممل قصدي سعيد ولا تتضايق اغلب اعيادنا بهالطريقة ما يحليها إلا الحلويات

ما وسع صدري إلا يوم شفتكم متضايقين زيي <<< نذل بدرجة امتياز

إقتباس الرسالة الأصلية كتبت بواسطة (((9الهلال15))) كلام راائع,, لكن يااخي حرام انك تقول على العيد طفش,,

انت إذا شفت أنا كيف عيدت تعال واحكم علي بتحس بمعنى الطفش ع أصوله

إقتباس الرسالة الأصلية كتبت بواسطة عاشـق سامي اصلا انتو يا اهل الرياض اكيد عندكم طفش هههههههههههههههههه ماعندكم كورنيش ولا هافمون ولا الراشد ولا البحرين ولا الخبر هع الله يكون بعونكم (الشرقيه وبس)

بلا شرقيه بلا خرابيط الرياض فله واحسن من الشرقيه بألف مره بس نحن نشوف الشرقية أحلى ولكن الصح إن الرياض أحلى

إقتباس الرسالة الأصلية كتبت بواسطة (اسير& المحبة ) والله العيد هذا ممل بالنسبه لي يعني انت تعتبر عيدت قابلت احد انا سلمك الله صليت العيد انا والاهل ورجعت البيت بعدها نوم الى المغرب وطلعت بعد العشاء لفيت في التحليه والعليا وحداني الاقارب والربع كلهم مسافرين مافي احد الى الساعه وحده الليل وتفرجت في فيلم الى الفجر ونوم هذا بالله تسميه عيد اه يالبي الدراسه اتمنى ترجع باسرع وقت تنظم الوقت ترد الناس الاجازه مللل

انت خل الدراسة تجي وبنشوف كلامك عن الدراسة بذاك الوقت لا تستعجل كلها اسبوع وبترجع للطفش

إقتباس الرسالة الأصلية كتبت بواسطة المغيري 1412 الله يوسع صدورنا وصدوركم بالعافيه

الله يوسع صدرك

إقتباس الرسالة الأصلية كتبت بواسطة ونين الشوق انا بالنسبه لي العيد حلوو .. والله لا يطفشك ..انشاء تعيش حياتك كلها بدون طفش ..

حلو ذا الدعاء وش اللي " الله لا يطفشك " وين يبو الشباب ياريت تراجع قاموسك صح

إقتباس الرسالة الأصلية كتبت بواسطة الذيب الصغير9 هلا والله أخوي ،، موضوعك حلو ومسلي والله << قل قسم !! والرموز أعمت ناظريي من كثرهن .. ومثل ما قلت أنت الي يبي يستانس لا ينتظر غيره يونسه بالعيد وهذه حكمه دااايم أطبقها أنا << مسوي فاهم الأخ والعيد صراحه أنا الي نكد علي العيد السنه هذه هو >>> الـزكـام <<< بهذل فيني بهذله ،، مناديل بكل مكان والمسجد ما بقيت به كرتون منديل الا وخلصته بصلاة العيد من كثر العطس والتسريب .. وشاكر لك موضوعك الفضفاضي ،، وتقبل مروري ..

العالم ذا العيد نصهم " مزكمين " مدري وش السبب مع انه الجو معتدل

إقتباس الرسالة الأصلية كتبت بواسطة المهندس الهلالي 999 ما أقول إلا كل عام وانت بخير وعيد ممل قصدي سعيد ولا تتضايق اغلب اعيادنا بهالطريقة

انا فيه سؤال ببالي ودي أسألك انا من يوم ما عرفتك ولا شفت لك رد انت كاتبه ما غير تنسخ وتلصق ابي اعرف السبب ياريت توضح لنا وش قصة سالفتك


وآسف ع الرد السريع لكن كتبتها سريع ومستعجل

وكل عام وانتم بخير جميعا

هلآ ...بالسلطانـ/


كل عام وانت بخير!!


ـــــ

الله يرحم جميع موتى المسلمين..

ويشفي جميع مرضى المسلمين..


ــــ

إقتباس اللي يبي العيد يصنعه بنفسه , ولا ينتظر الغير يصنعونه له

العيد يصنع من الجميع..لكن للأسف اعترف ان عيد هذي السنه ((طفش))


ــــ

تحياتي


ابوعثمان البسام...

السـلـطان

إقتباس (( اللي يبي العيد يصنعه بنفسه , ولا ينتظر الغير يصنعونه له ))

بصراحه .. حـكـمه عجيبه جداً .. وفعلاً حكمتك في محلها ..



سلمت أخوي وكل عام وانت بخير ..

على الاقل انت اهون مني انا عيدي نوم يا حبيبي وقمت احس بانواع الطفش

لاني كنت اتمنا العيد الاربعاء لاسبابي المقنعه

انا عيدي هذا اطفش عيد مر علي بالتاريخ

ههههههه


عيدك حلو بالنسبة

لواحدين

سافرو اهلهم برا الرياض

واخذو معهم مفاتيح البيت

وقفلوا كل البيبان

عاد ذول ما ادري شيحسوون فيه


راحو للبطحاء واستاجرو شقة

وعيدوا هناك

اعلمكم ليه هالعيد طفششش ؟

لانه في وسط آلآجـآزهـ . وحنآ متعوديـن بوٍسط انه بوسط الدومآت والدرآسه .

الله يعيد لنا الاعياد كلنا بصحه وعافيه .

ههههههههههههههههههههههه

والله نفس حالتنا

والله يرحم زوجة أخو خويك

وكل عــــــــــــام وأنت بخيــــــــــر

ليش طفشان بالعكس ماامداك تزهق ابد ماشاء الله

العيد احلى شي فيه الجمعة وشوفة الأهل والقرايب ورده

احنا عيدنا مثل كل عيد بس هالسنة في ناس مسافرين الجمعه صارت اقل

الله يعيده علينا يارب واحنا بصحة وعافية

بآلبدآيـــه عيدك مبــآرك..

والله يرحــم موتآنآ وموتى آلمسلميــن..

وآمــآ عــن آلعيد فـ آلأحـــآل من بعضــه..! عيد هالسنه غــير ملل..!! بس آلحمدلله على كــل حــآل ..