|
تحذير للمسافرين طريق القصيم الرياض اخواني اليوم ذهبت الى بريده وبالصدفه مريت المحطه الاولى وانت طالع من القصيم الى الرياض واستوقفني صاحب سياره مرسيدس اماراتي دبي ومعه عائلته قالي انا رايح الامارات وبطاقتي صارلها مشكله والان انا واعيالي مافطرنا والسياره فاضيه من البنزين تكفا القيت نظره على السياره الا اللوحه دبي ومغبره عن الرمل وثوب الرجال متصفط يعني باين عليه السفر والله واخذ 100 ريال واعطيه الى الان انا مبسوط اني ساعدت الرجال رحت تغديت ببريده ورجعت الا بالصدفه الاماراتي متجاوزني مع الطريق الثاني يعني متجه للمدينه الا ولف مع الكبري اللي يسار بريده ويمين عنيزه وانزل معه وتمسكه الاشاره واقف جنبه الا يوم ضرب بوري وقال نفس الاسطوانه ماكمل قال اسف انت اليوم قابلتك فتحت الاشاره مشى ووراه ويرجع مره ثانيه للرياض ووراه لف على المحطه اللي الصباح المهم واجيه واوقفه قلت انت منت اماراتي قال انا فلسطيني عايش بالامارات قلت وين جوازك الا تغير وجهه قال جوازي تحت الاولاد نايمين المهم نصحته ومشى كلمت امن الطرق قالي ايه خابرينه اللي يشحذ قلت ايه قال ياخوي هذا نمسكه وبعد يومين وهو طالع لاكن نبي نرسل دوريه وكلمت التسول قالو خابرينه خلاص شكرا اللي ودي اوصله لكم اخواني لاتصدقون النصابين اللي يقول كويتي اواماراتي قله وين جوازك قبل تعطيه شي :yes: ارجو من المشرفين الكرام عدم حذف الموضوع لانه مهم هؤلاء النصابين يسلبون مابجيوب الناس باسم الله حسبي الله عليهم |
جزاك الله خير بس ياخووي والله أنك نشبه نشبت للرجال .. |
جزاكـ الله خير الظاهر أنكـ لزقهـ ونشبهـ :d أمـه داعيهـ عليهـ :d |
كثير تصير هذي واحد من العيال يقول وحنا واقفين عند المحطه جاني واحد يقولي انا جاي من مكه ولا معي دراهم البنزين ومن هالكلام يقول انا قلتله تعال انا اعبيلك مسأله اني اعطيك فلوس لا والله ! تهرب الرجال وراح وقبل فتره واقف عند سوق وانتظر اهلي يطلعون إلا جاني راعي كامري 2007 !! قالي انا جاي من الشرقيه ولا معي فلوس تكفيني ابي فلوس ابتعشى فيها قلت الحقني للبيت وانا اعطيك عشاء من البيت قال انا ماودي اتعبك ومادري ايش قلت تبي تلحقني ولا مع السلامه وراح ودريت انه كذاب :razz: |
الان والحمدلله في المملكة حددت اوجه للبر واستقبال الصدقات يعني اللي محتاج يروح عندهم ومايقصرون إن شاء الله ******************************************* وبالنسبة للمواقف هذي صارت كثير على سبيل المثال واحد من هالمتسولين (سعودي) كنا نمر حنا والوالد من طريق في هذيك الفتره كثير وكل يوم يطلب وانه محتاج ومن هالكلام والوالد مطنشه فمره جا طلب من الوالد فقاله ياولدي ورا ماتروح لجمعيات تاخذ حاجتك بدون ماتشهر بنفسك قال : ما اعرف الطريق قاله الوالد اركب اوصلك لهم ماندري الا ذاك اللي ما ادري وش فيها رجوله يجري واختفى مشكور على النصيحة يعطيك ربي الف عافية مشكور |
مشكور اخوي على حرصك انا مرة وقفت عند صرافة الا ويجي واحد من وجهه وحركاته عرفت انه مسطل المهم قال : اخوي بالله الفزززعة انا ومعي الأهل نبي فلوس عشاء ويوم شفت السيارة الاوفيها خويه مامعه لااهل ولاشئ طلع نصااب... |
بس مو كل الشحاذين نصآبين فيه ناس صادقين ومحتاجين |
حسـبي الله ونعم الوكيـل . "إنما يقبـض جمراً" أو كما قال الرسول عليه الصلاة والسلام . |
حسبي الله وحده و نعم الوكيل |
يا رجال كثر التراب بس لمن تنادي |
والله المتسولين كاثررررررررررين أقلكم مرررررره كنا مشوغولين عندنا عرس المهم ولد خااالي الصغير طلع وترك الباب حق الشارع مفتوح وتتدخل شحاته بيتنا وتوقف عند باااب الصاله حقنا المهم أنا كنت بغرفتي وطلعت الصاله أدور لأمي ولا أنتبهت لها وشوووي تكلمني أنا صرااااااحه فجعتني بغى يوقف قلبي :bigeek: ويوم شفتها صرررررررررخت وعالطول هجيت أنادي أمي هههههههههههههههه :razz: بعد ماراحت مسكت ولد خالي وعطيته تهزيئه :bash: وبعدين خلاص تعوووووودنا صاروا فكل مكاااان حتى عند بيوووتنا أخوووي مشكور،،،،،ورده |
ياشين هالاشكال.......! دايم ينشبون للواحد....! |
إقتباس:
شلون تقول نشبه الرجال مجتهد وبيوقف هذا المتسول الكذاب عند حدهـ - زين ماسويت يالحربي وانت مأجور بإذن الله لأن نيتك طيبة |
جزاك الله خير <!-- / message -->بس ياخووي والله أنك نشبه نشبت للرجال .. |
إقتباس:
الشحاذين ماتركوا شي للمحتاجين |
| الوقت المعتمد في المنتدى بتوقيت جرينتش +3.
الوقت الان » 04:52 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd