كنـت أتمنى لو أكتبها ( نصراوي ) تحت اقدام مهب الريح ... وأنزلها صورة الأخوان الذين يعرفون الغالي مهب الريح يعرفون حجم الأضرار الناجمة عن هذا (( التوطي ))
أعــــــــــــــــــود الــى موضوعي
طــبعا كــغـيري من الهلالــيــيـن (( الزعـــمـــاء )) ابــطال الدوري وابطال آسيا (( يا زينا كذا )) وحنا ابطال كل شيء وغيرنا والعياذ بالله فايز بطفاية حريق وعلى مايبدو مستعملة وخالية من البودرة الفعالة لأطفاء الحريق
كـل ما تـــدخــل مــجلس وتـــسلم كل الموجودين يناظرونك ودهم ياكلونك وتشوف أشكالهم وقبل ما تقول السلام عليكم تلقى خمسة طابين فيك الظلم والظلمات والمدري وشو ؟؟ عــاد أنا برىء جــدا خـــصوصا اذا كان الهلال كما جرت العادة حايـــسهم وكان فــوز الزعــــيم بــهـــذه الطريقـــة العالمية التي اتـــمنى ان تكــون بـــطولات الهلال كلها بهذه الطريـــقة
تـــــجــد الكل يأكل في نفسه ويناظرك ويحاول أن يختلق له موضوع ليفتحه معك وتبداء المعركة بحكم أني بريء جدا كما ذكرت أحاول دائما أن أبتعد عن رفع الضغط ونرفزت حبايبنا النصراويين خـاصه كما يعلم الجميع أن أكثرهم ليس لهم لا في الدوري ولا في الكاس يعني طالعين من بدري يعني هالسنة صيفهم طويل الله لا يبلنا
حبـايبي النصراويين :p لقيتهم مجتمعين في مجلس واول ما دخلت عليهم سلمت طبعا أكثرهم ما رد سكت قلت السلام سنة ورده واجب ..بكيفهم لا يردون .. حاولوا أستفزازي في أكثر من مرة لكي ابداء الحديث ولكن أخوكم ذيب تركتهم (( بتجرعون مرارة سكوتي )) ;) فـجأه قال واحد منهم ان ابوزندة مطلوب من شارون للتحكيم في جنين فصاح النصراويين حبايبي بالضحكات العالية .. طبعا هنا انا زعلت كله الا ابوزندة لكن برضه ما رديت عليه ;)
نصراوي آخر : بالله يابو لما فرحان بالفوز على الاتحاد ؟؟
عاد السؤال هنا مباشر : حطيت البياله (( نعناع )) ... يعني لازم أرد ..
قلت انا لازم افرح لأن فريقي الهلال (( الله يديم عزه )) فايز بالدوري لكن أنت كنصراوي حبيبي ليش زعلان ؟؟؟؟؟؟
قال الظلم والظلم ما في احد يرضى بالظلم ؟؟؟؟
قلت صحيح ما في احد يرضى بالظلم ... لكن من انظلم أكثر الهلال او الاتحاد ؟؟
الهلال سلبت منه نتيجة تاريخية كانت كفيلة بتصدره الدوري القادم ;)
النصراوي : أنت منت صاحي وش هالمباراة اللي أنت شايف ؟؟ أكيد أنك شايف غير المباراة اللي حنا شفنا ؟؟؟
قلت : لا أنا شفت مباراة ... الزعيم مردغ فريق كان رافع خشمه عليكم ونسى انه هالمرة بيقابل الهلال .. والهلال اذا شاف الكأس لاتقول أن فيه فريق ثاني يلعب قدامه والدليل ان أهداف الهلال جاءت في آخر المباراة يوم جاء الكأس في المنصة
المهم :
دار الكلام وكما أتصور .. الكثير من الهلاليين قابلوا مثل هذا الموقف ..
الزبدة :
حنا ما علينا منهم اللي راضي راضي .. واللي زعلان عساه مايرضى ...
الهلال انظلم لسنوات طوال ولم يأتي واحد منهم .. ليقول الظلم الظلم .. بل كانت ضحكاتهم وتشمتهم يسبق الفريق الأصلي الذي كسب الهلال ..
لذلك لا يهم من يرضى .. الاتحاديين في عام الظلم (( العمر )) كانوا يضحكون ويتشمتون علينا بكل فرح وسرور واليوم يرددون الظلم والظلم .
في ذلك النهائي المشهود (( العمر )) خرج الرمز يقول أن هدف الهلال تسلل ولم يذكر ما حصل من حكم المباراة ... من مهازل أصبحت مثلا لمهازل التحكيم في تاريخ كرة القدم كامل ... رسالة لمن يدعي المثالية ويطالب برفع الظلم عن الظالم .
صدقوني لو حدث العكس من تشكيك في نزاهة الحكم ..
لخرجت لنا بعض الاقلام وبعض الناعقين بكلمة .. هو حكم بشر يحكم بما يشاهد !!!!
ولن يكون للظلم باب ولا وجود ..
عموما صديقي النصراوي المسكين .. تعب من كثر الكلام والدفاع عن فريق لا يشجعه .. الا من قبل يومين فسكت وقال الله يصبرنا الين نصير زيكم .
عاد رجعت أنا وكملت باقي البيالة .. وقلته صب لعمك الزعيم