|
كـــاميــرا .. الآآآب توب !!! السلام عليكم نصيحة لكم من من اعماق قلبي تعرفون ان في الفتره هذه انتشرت اللابتوبات اللي فيها كاميرا واي واحد شاري هالابتوب مبسوط فيه وراج راسنا بكاميرته وماشي عند الناس فشخره لابتوبي فيه كاميرا لكن اللي اغلبكم ما يعرفه انه انتشر برضو برنامج يشغل الكاميرا بالمسنجر او السكايبي وانت ما تدري يعني راعي البرنامج يدخل عليك ويشوفك وأنت تحسب كاميرتك طافيه والادهي والامر انه حتى الشخص اللي انت ما سويت له قبول يقدر يشغل كاميرتك عن طريق الرسالة الفورية <<< هذه ميزة بمسنجر بلس واللي خلاني اكتب الموضوع هالسالفة يوم الاثنين اللي فات كنت رايح لواحد من اخوياي هالولد انا افهم وش فيه من تعابير وجهة وشفته مبين عليه الهم والغم والدنيا مو شايلته سالته وش فيك ؟ وقالي سمعت عن البرنامج اللي يشغل كاميرا النت قلت له ايييييه وش بلاه قال انا يوم السبت تارك ماسنجري مفتوح واللابتوب مشغل ورحت اتروش ورجعت ابدل بغرفتي <<< يعني كان عريان << يقول شويه واسمع صوت المسن اللي يطلع لو احد كتب لك كلام ولما دخلت الا واحد يقولي شخبارك ومن هالكلام وما امداه اخذ دقيقتين الا يقولي بوريك شيء .. مقطع فيديو خويي تحمس وجا يبي يطالع الا المسكين شاف نفسه وهو يبدل يقول خويي الحمد لله ما اغمي علي ولما اخذ وعطى الولد قاله اذا ما تبي المقطع ينتشر ادفع لي 1000 ريال شحن سوا ترسلها لي طبعن خويي ما وافق لانه عارف ان الولد بيرجع له مرة وثنتين و3 الولد للاسف عمره 21 ومبين عليه وعاطل ومو هامه احد حتى لما خويي قاله اتق الله فيني قاله مو شغلي ولا تفتحلي مواضيع دين المهم ان الولد مهدد انه ينتشر المقطع وخويي لما امس وهو مصدوم وحالته حاله وخايف والسبب كله كاميرا اللابتوب اللي حنا فرحانين فيها عشان كذا نصيحة مني لكم شوفو لها حل غطوها بورقه او كسروها وجيبو وحده خارجية حســـبي اللهـ ع أولاد الشررر الحمدلله من يوم ما اشتريت الجهاز وأنا مغطيه بورقة .... ومسويله عدم اظهار يعني اللي بالمسن عندي ما يعرفوا انو عندي كاميرا غطوها يا جماعة احتياطا يمكن يطلع كلام هالولد صح .. ترى الناس اللي كذه مايمنعهم شيء إذا بيسوو مصيبة يسوووها ما عليهمـ من أحد الله يحمي جميييع المسلمين من شرورهم آمييييين ~~~~~ منقووووووووووول القصه مو لي بس انا نقلت الموضوع للأفادهـ يعني مو بس البنات هم ضحيت الكمرات انتبهوو.. تحياتي و الله يحفظكم من كل شر |
ألف شكر على النصيحه............ |
شوووووووووووووووكري سماي على النصيحه.. وانتبه وانا اخوك لايجيك ما جاء الرجال ... |
يعطيك العافية الله يستر على بنات المسلمين ومن شان الرجاجيل زي ماقالوا الرجال عيبه بجيبه لكن النسوان عيبهم وراهم وراهم اللهم استر عورات المسلمين يا اكرم الاكرمين |
الله يعطيك العافيه ع التنبيه تقبلي مروري |
والله من جد .. لازم ندبر لها حل والله .. طيب الحين كيف أخلي يطلع الكاميرا دون اظهار يعني اللي في الماسنجر ما يدري عنها .. ؟؟ المهم أخوي .. والله في أكثر من قصة وتهديدات .. وبعضهـم يوصل التهديد .. إلى أنـــه يدفع 3000 ريال إلى 5000 ريال ، والله من جد مشكلة كبييييرة والله .. والحمد لله أنا بغطيهــا .. وفيه شيء أحسن من كذا .. حط قاعدة في بالك لا تضيف أي شخص ما تعرفــه .. الآن عندي سؤالين : 1) كيف أخلي الكاميرا ما تطلع في الماسنجر ؟؟ 2) هل الشخص اللي ما اضفته يمديه يشوفني .. ولا لازم اضيفـــه ؟؟ بوركت أخي .. مكشور على النصيحة ،، ،، ،، |
حسبي الله على من طلع هالبرنامج الله يعطيك الف عافية على النصيحة |
,,’’ يعطيكً العـأإأإفيــة على التنبية وجزأإأكً الله كل خير ورده وحسبي الله على من طلع هالبرنـآمج أإأختكً حنين ,,’’ |
مشكووووووووووور على النصيحه الله يعطيك العافيه |
يعطيك العافية الله يستر على بنات المسلمين |
[COLOR="Blue"]اللهم استر عورات المسلمين يا اكرم الاكرمين[/COLOR جزاكـ الله خير |
ثـــانكس ع المشاركــه.. وبالنسبه لزيـاد الماجد.. كيف أخلي الكاميرا ما تطلع في الماسنجر ؟؟ تروح اول شي لخيارات ..الي بالmsn بعدها تروح لشخصي... تلاقي تحت خانه وجنبها السماح للاخرين بمعرفه ان لديك كمرا أذا انت تبي تطلع ان عندك كمرا تحط صح اذا ماتبي اتركها فاضيه.. ....................... هل الشخص اللي ما اضفته يمديه يشوفني .. ولا لازم اضيفـــه ؟؟ مآآ أأدري بس اتوقع لازم تكون ضاايفه...هذا اذا قصدك بالـmsn بس يقولون ان في ميزه بالmsnبلس...أنه يقدر يفتح الكام بدون أدد أما اذا عندك بالتوك اتووقع بدون ماتسوي له ان ادد..يقدر شوف كل شي.. وحتى الياهو..أتوقع كذا ...بس موو.. متأكده بالضبط !! |
والله هذولي الفئة السوداء من المجتمع الله يهديهم ان شاء الله طبعا انا سامع بها البرنامج وحتى لو انت مو معرب او مو مثبت برنامج تعريف الكاميرا يقدر والحين جيل البرمجة يعني اللي يصير يصير وباجر بيطلعونلنا برنامج يحرك الكاميرا ويخراب عقولنا يومها .... اخوي قول حق هذاك الولد يدعي وقوله ينصح اخوانه وابوه وامه انه ما يسوون لناس ثانيين لان الجزاء من جنس العمل صدقوني ترى صح ... اسئله اذا تعرفه وقوله يدعي ويقول اللهم استر عوراتي وامن روعاتي اللهم احفظني من بين يدي ومن خلفي وعن يميني وعن شمالي ..... << المعيقلي خخ |
اخووي الرعدد.. والله ما أعرف صآآحب السالفه,, أنــا بس نقلت لكم الموضوع.. ثانكس..خيوو |
مشكور على الافاده انا الحمدالله عندي HP |
| الوقت المعتمد في المنتدى بتوقيت جرينتش +3.
الوقت الان » 12:09 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd