28/09/2008, 02:09 AM
|
| زعيــم متألــق | | تاريخ التسجيل: 07/09/2007 المكان: الرياض
مشاركات: 1,004
| |
,/ /, ,,, بسم الله الرحمن الرحيم .., السلام عليكم ورحمة الله وبركاته .., بالبداية .. كل عام وانتم بخير حقت العيد  بصراحة مو مستوعبه خلاص رمضان خلص باقي 3 او4 ايام  الله يعيده علينا واحنا بصحة وعافيه يارب  ^^^ ^^ ^ اعتبروا اللي فوق مقدمه لأن بصراحة أنا مالي بالمقدمات أبدا .. موضوعي اليوم عبارة عن سلطة  يعني مايتكلم عن شيء محدد يتكلم عن أشياء منوعه ... ------------------------------ ,,,... صحيت اليوم الصباح وجوالي يرن يرن صارله اكثر من عشر دقايق , حسيت فيه شي0مسكت الجوال ورديت الا هي وحده من البنات تعرفت عليها العام بالصيف في أكاديميه فيصل.بس ماكنت زي العاده يعني كانت تبكي خفت وارتعت مدري شفيها حاولتاهديها بس ماقدرت0 حاولت افهم السالفه بس من كثر ماكانت تبكي تلخبطت زيادة بعدربع ساعه تقريبا هدت و قدرت افهم السالفه قالتلي انا وش ذنبي اذا اهلي غلطوا؟؟؟ليش دايما ينظرلنا وكاننا احنا المجرمين؟؟؟؟؟؟ ليش دائما محد يعرف احنا مين الايبعد عننا ومايرضى يحتك فينا وكان فينا مرض؟؟؟؟؟؟؟؟؟ احنا وش ذنبنا
انادريت ان فيه شي صاير وقلتلها وش السالفه طيب لاني متعودة انها كل ماتكلمني لازمتجيب طاري الموضوع قالتلي اليوم الشغالة اللي تشتغل في بيت اللي متبنيني سوتمشكله في البيت ولما رحت علمت الوالده ( اللي ربتها) وعرفت الشغاله انه انا الليعلمت قالتلي انا على الاقل اذا طرتني مدام بروح لبيت اهلي انتي وين بتروحين لوطردتك؟؟؟؟؟؟ انا طبعا وقتها ماعرفت وش ارد حسيت لو انا مكانها ان ودي اموتولا اسمع احد يقول كذا 0 اي كلام بقوله هذاك الوقت راح يكون محسوب طبعا هي عارفهرايي فيها وعارفه انا وش كثر اعزها وتعرف اني احترمها لذاتها مو عشان شي ثاني بساللي هي متاكده منه اكثر انه لو كنت انا وحده بس اللي تعرفها وافكر بها الطريقه, فيه 10 يفكرون العكس0 فعلا ليش احنا في مجتمعنا دائما ننظرلهم انهم همالمجرمين مع انهم ضحايا ومالهم ذنب؟؟ ليش دائما ننسى قول الله تعالى " ان اكرمكمعند الله اتقاكم" ليش دائما نفكر ان الانسان بحسبه ونسبه مو باخلاقهودينه؟؟؟ طبعا كل هذا كوم والالفاظ اللي تطلق عليهم كوم ثاني اللي يقول الليمالهم اهل, واللي يقول لقيط, والللي واللي00000 وكان مالهم مشاعر واحاسيس زينازيهم
اللي حابه اوصله انه بما اننا هنا من شريحة الشباب بمعنى اخر احناالمستقبل هل من الممكن ان احنا نغير النظرة ونحسسهم ان مافيه فرق والا مافيه املتتغير..! ---------------- ,/, ...,, بالامس كنت اتصفح البوم صوري
في كل صورة كانت هناك ذكرى
ذكريات جعلتني ابتسم. واسترجع شريط حياتي امام عيني
اكتشفت ان ذاكرتي تزخر بالعديد من المواقفوالذكريات
ارتبطت باشخاص مروا في حياتي
في طفولتي السعيدة
مراهقتي الجميله
و حتى الان.......
ذكرياتي ارتبطت بمراحل حياتي وساهمت في تكوينشخصيتي
من منا لايحتفظ بذكرياته مادية كانت او في مخيلته
ذكرياتتسليه في اوقات حزنه
تدفئه عندما يشعر بالوحدة
تحتضنهليشعر بذاته وشخصه البسيط قبل ان يتعرض لعوامل التعرية
لكن وكطبيعة بشريةفاننا نحب ان نتذكر مايفرحنا
ونتناسى مايؤلمنا حتىلايعذبنا..,
ورده
ماهي الذكرى اللي لايمكن ان تنساها؟؟؟
ماهي افضل مرحلة عمرية تزخر بالذكريات؟؟؟
ماهي الذكرى التي تفضل نسيانها؟؟؟
-------------------------------- ,,..// ..,, /, هنا طبعا حبيت اسوي مقابله شبه ماسنجريه مع ريري هيكتور طبعا مقابله ماجت بالساهل تعبت للوصول لها نظرا لرفضها الخروج الانترنتي كثير وخاصه بالمقابلات  ....ما ابي أكثر حكي المقابله تحت .. س1-اذا كنتي مشجعه للكيان الهلالي ككل ..فمتى كان تشجيعك للهلال وهل كان تشجيعك وراثه ولا عشان لاعب ولا تقليد ولا وش بالضبط ؟؟ من يوم عرفت نفسي وأنا هلالية  لكن مو متعصبة أبداً وخصوصاً أني مالي بالرياضة أبد (بالأسم بس الهلال والمنتخب وصلى الله وبارك  ).. وتشجيعي للهلال جاء بشكل وراثي حيث أن كل العائلة والأقارب والصديقات والجيران هلاليين إلا اخوي اهلاوي  انا مدري وش المسكه له .. وجدتي شبابية من معجبات سعيد العويران أيام 94(والله يايوه عليتس ذوق) ياحبي لها الله يطول بعمرها هي تؤمن باللعب النظيف(تسمع باللعب النظيف ) تقول لاتنظرن للشكل حيث دائماً ماتردد الرجال مخابر اوب مناظر.. س2- لك معارف شخصيه بالشبكة ومين من بنات الزعيم تعرفينهم ؟حددي اليوزرات؟ القصد بالمسن ؟ معرفة شخصية ؟ قصدك اقارب..اممممم شخص واحد وايضاً اربع شخصات بنات اما بالنسبة لبنوتات الزعيم ما شاء الله اكثرهم لي معرفة فيهم وتشرفت بمعرفتهم وأذا على التحديد ان يخلص حبر المنتدى  <<< مشوار افتح المسن ( رعبوبة – عزوفة – الهنوووف – نوني - شذى – عبث طفلة – هلالية أنا - عسيرية – عاشقة الزعيم 15- بلو ستار غلاهم – وفتاة هلاليه – العنود – بنت الزعيم – هلالية – فنون – القناصة - هلالية من الرياض – حتى
ظلالي برتقالي – فجر الرياض - دلع –
ليز وبقبق << برا ...وأخر ثنتين معطيتهن بلوك 
ويعذرني من سقط أسمه سهواً هذا اللي تذكرتهم الحين .. ^^^^ هذا السؤال تراها مافهمته انا فهمتها س3-لو قالو لك صيري مشرفه للشبكة كلها مب لقسم واحد بس وش بتسوين بالشبكة وحددي اليوزرات اللي بتمسكينهم الباب ؟ وأنا الأشراف وراي وراي وين اروح  عسى مافيه بس أهلي وأجنبي  أول حاجة أسويها أسألهم كم الراتب وإلا ما أضيع وظيفتي على حساب الشبكة.. حيث بتفضالها واكون مشرفة بذمة وضمير وبعدها يتم اصدار القرارات التالية: 1- شطب عضوية من تسول له نفسه بالشتشته.. وتخريب المواضيع.. وحتى وأن كان الموضوع المشتشت فيه دون فائدة. 2- أستعمل الجهاز اللي يحدد لي جنس العضو .وايضاً يكشف لي الشخص اللي له أكثر من يوزر (ما صار جهاز) .. وعلى ذلك يتم شطبه هو ويضف يوزراته معه  3- دفتر تسجيل حضور وإنصراف وإذا العضو مر اسبوع بالكثير ما دخل الشبكة يشطب يوزره ... لا مانع من الغياب بعذر يُقدم.. 4- سؤال ببالي من زمان  .. نفسي أعرف سبب توقيف وليد القحطاني(كل هالتوقيفات ومخليتها مفرد )..على اثرها يُصدر تعيينه المسؤول عن الإيقافات والشطب بالشبكة لخبرته الكبيرة في هذا المجال 5-حذف منتدى الإتصالات  <<<(حاقدة وألا كان منهية المسابقة من الجولة الأولى وما تشحططت مع فريقSs ).. 6- أقامة مباريات ومسابقات بين المجلس والعالمية ويتم تحديد النتيجة مسبقاُ لصالح المجلس  7- منع خاصية الرسائل الخاصة منعاً باتاً  اللي بيرسل عن طريقي أنا .. وأنا ارسل للمرسول اليه ..( يعني كل شي يكون تحت عيني..).. 8- تمنع الواسطة بتاتاً البتة وخصوصاً بالتفعيلات يتلحط 6 شهور مثل ما تلحط قبله من الأعضاء .. طيب واللي ما تلحط إلا يومين  9- لا يمكن مشاهدة المواضيع في شبكة الزعيم إلا بعد تسجيل دخول  .. مو مخلينها فرجة لكل من هب ودب عشان نخفف من الزوار اللي صايرين اكثر من الأعضاء (كل من شفته بلعبة ما ... قال أنا زائر للزعيم مش عضو) <<أبد ما شتبت تسبدها  10- الشبكة يوم للبنات ويوم للشباب .. ممنوع الأختلاط إلا بأيام العيد عشان المعايدة  11- يظل منتدى الجمهور كما هو الآن .. بشرط.. فتح منتدى بجانبه لأطفال الجمهور 12- منع تلوين اليوزرات من باب "رد الشبهات والناس سواسية" 13واخيراً- وعلى اثر هذه الشروط نضمن تلاشي شبكة الزعيم من العالم الإفتراضي .. اللي يبي أخبار الزعيم ينتص عند باب النادي <<< عساتس ما تولين على ملك اليوزرات اللي بقضبها الباب: كل طاقم المشرفين وكل من قال أنا لوني أخضر.. يتم إعفائهم من الخدمة .. على رأسهم مشرف الرياضة العالمية هلالي موووت .. لفتحه شات مباركة للعالمية وماجد والكلاسيكي لعدم افتتاحهم شات للجبر بخواطر المجلس بعد التعادل الساحق<<< أن فتحوا وألا ما فتحوا كلهم ما سلموا.. شطب يوزر العضو وليد القحطاني ريحوا ملائكته وهو كل دقيقة والثانية موقف ( يويتز ويقبع ) ومعاقبة فريق Ctrl+V يشنقلون من رجليهم الى هامتهم لحد ما تطلع حرة الجائزة الأولى .. عساها مداخيل العافية ان شاء الله.. ورده س4- لو كنتي انتي وزوجك تتمشون على البحر وفجأه تفلت زوجك وطب بالبحر وغرق وش بتسوين بتطبين معه وتغرقون سوا ولا بتسحبين عليه وتتبعين نظام ماي سلف ماي سلف؟ ابسحب وإلا بها مشورة ذي ما بعد الروح روح .. يكفي أني أصير زوجة شهيد .. غديه يشفع لي .. بس الله يعافيه يصبر لما نشوف وش وراه ودونه قبل يغرق عشان نعرف نتفاهم مع الحماة .. على قولة المصريات ( حماتي شاطرة وأنا أشطر منها .. هيه تعد اللحمة وأنا أنتف منها) س5- يلاحظ اهتمامك الشديد بملابسك بس سؤالي يقول شريتي لبس العيد ؟ ما ودتس تشطبين على هالسؤال  سؤالك أصابني في مقتل أنا ما أقيد أغراضي بشهر رمضان .. ياحبي لي كل ما أنزل للسوق أخذت كذا قطعة ما يجي العيد إلا واللبس جاهز س6- شخبارك؟<<فيس متوهق بهالسؤال بخيرعساك بخير .. اهم شي أنتم مبسوطين << طراه أن هالكلمة بدت تعج بالمنتديات <<--على حسب علمي انها مستانسين مب مبسوطين س7-لو رشحوك لنيل منصب رئيسة نادي الهلال وش اهم القرارات اللي بتصدرينها ؟  1-اعفاء سامي الجابر من منصبه لعيون ليز.. 2- عمل توأمة بين نادي الهلال ونادي القطن السوداني 3- تلبيس الكبتنية للاعب الكبير فهد المفرج( اللي مايعدك رأس مال لا تعده فايده .. ونقول حره ياعذال ) <<--ريري نكبه 4- أحضار المدرب المزيون مورينهو << هو تسذا أسمه ..حيث أن أسمه أقشر.. 5- بعدين أرفض تولي المنصب لأنشغالي بالأشراف على شبكة الزعيم<< لا والله س8- شخصيتك تتغير خارج النت ولا هي هي نفسها ؟ ياكثر ما أنسألت هالسؤال واللهي اممممم ما تقارب للنت كثير ولا تبعد عن النت.. بعض الأوقات تتطلب أن أكون حازمة شوي خصوصاً بالدوام ..ورده س9- ماسبب خسارتك في مسابقة السلم والثعبان وماسر سليمات اريخ في قلوبنا ؟ عشان أكون صريحة والله متوقعة الخسارة لـ 3 أسباب.. وحلو أني وصلت للنهائي بعد 1- كان معي فريقين من الشباب .. وهم أكثر خبرة مني بالرياضة والشبكة ككل .. 2- أنا انثى ( كلام كبير ) ما صار على وجودي بالشبكة غير سنة وكم شهر ومقتصر على منتدى المجلس العام فقط ... 3- الشباب ما شاء الله يكفيتس أن أصدقائهم المشرفين والأستشاريين وحنا 17 بنت فقيرات لله <<تسمعن يا شذى والهنوووف لا عمركن تشاركن بتنظيم المسابقات بس تركنا ماركة لنا مسجلة بأسم ( سليمات اريخ ) ..ويظل سليمات اريخ بقلوبنا هذي وحدة من البنات بعز الربشة والأرتباك وهي يا حبي لها متحمسة أكثر مني لما وصلنا تاريخ تسجيل ( المشرف سليمان) قامت نسخة لي ملفه كله .. عاد أنا ما قصرت سحبت كل النسخ وأثري ناسخه من ضمنهم ( سليمات اريخ تسجيل) وتعني (سليمان تاريخ التسجيل) وطلعنا ولا ايرانين بـ (سليمات اريخ) ويقال أن هالوحده يقالها وعد  س- محمد عبده(أبو نوره) مسكت معه الا يبي يغني من كلماتك وش بتسوين ؟؟ أعطيه الكلمات على بياض .. بشرط كل كلماتي بأسمي وهو يصدح بريما << ابوك يالنقص س-10 جمهورك ياحبي منتظر هالمقابله على أحر من الجمر كلمة اخيره بالله الله لا يهينك؟ امبيه حسستيني ولا سميرة توفيق بعزه طيب جمهوري يبون توقيعي <<< طراه أن العالم تدهر تواقيع هاليومين اقولهم شكراً هههههههههههههههههههه.. وصباحكمـ / مساءكمـ أنا ملـــئ بــالــــهناء ومابـــوهـ عنـــــــاء << الا تجيب القافية باللي هي بوه فتاة هلالية الف شكر على المقابلة .. وأن شاء الله كنت ضيفة خفيفة بموضوعك ولا طولت عليك وعلى الجمهور <<< اجل ماذا تقولين لجمهورك نشوفكم على خير يارب .. وكل عام وأنتم بألف صحة وعافية .. وتقبل الله منا ومنكم صالح الأعمال.. وعمار يامجلساوية عمار..
^^^ بالله ماتحسونها فلتها واجد بالسؤال الاخير .. للمعلوميه {كل ماكتب باللون الاحمر فهو من ماخطت يداي :$ أما كل ماكتب باللونالكحلي والرمادي فقط فهو من ماخطت يدين ريري } هنا أكون وصلت للنهايه  وأتمنى الموضوع يكون خفيف عليكم ويعجبكم  بالنهايه هو مايحلى الا بتواجدكم
اخر تعديل كان بواسطة » فتاه هلاليه في يوم » 28/09/2008 عند الساعة » 04:59 AM |
<< ودي لو فيه فيس مغرور أكثر من هالواثق 
يسترجعون مواقف لي وانا صغيره 
الوضع المتطور
