|
الوظيفة : سلب المواطن أحبتي أعضاء منتدى المجلس العام تحية طيبة وبعد : في البداية .. احب أبارك لكم هالعشر الأواخر من رمضان جعلنا الله واياكم من المقبولين عند العزيز الحكيم ويتقبل منا الصيام والقيام والدعاء .. وكل عام وانتم بخير >>> مقدماً الكل يعلم ماوصلنا من غلاء .. وليس خبراً يعلم أو يسمع به .. بل واقع نعاني منه جميعاً .. حتى اصبح العالم كلة ( مولع نار ) في كتب التاريخ .. ومؤرخي العصور السابقة كانوا ومنهم إبن الكثير رحمة الله عليه كان يذكر السنوات اللتي يحل بها الغلاء .. وشح المطر ... حتى انه ذكر في إحدى السنوات كانوا يدفنون الرجل في الليل ( وبسرية ) لكي لايتم اكل الميت في قبرة :bigeek: هذا كله كان من الجوع ... ويذكر فيها سعر الخبز .. وانه كان يباع بمقابل عقار او منزل .. أتوقع لو إبن الكثير عايش للحين .. كان كتب تاريخ هالسنة واللى وراها يعني: 1428 هـ 1429 هـ وفيها زادت الأسعار .. حتى اصبح ( الوضوء ) للصلاة بمبلغ ( خمسة ريالات ) ( حصل في أبها ) :yes: وأصبح كأس الشاهي بقيمة نفرين رز بدون دجاج أي بخمسة ريالات ..( برضه حصل في الجنوب ) حتى أصبح صهريج الماء ينتظره عشرات الآلاف من الناس .. نساء واطفال ومبالغ خياليه وقد أكل فيها الناس في تلك السنوات النعام .. رغم عدم اكلهم لذلك الحيوان :razz:.. كما تم التنازل عن ( الهياط ) السابق في الذبايح .. فقد اصبحت ( بنت المذن ) وهي الدجاجة صاحبة الكلمة الأولى والحضور الطاغي في الولائم واللتي كانوا يتعايبون وجودها يوماً ماء .. بقدرة قادر صارت هي الكل بالكل :naughty: النواشف أيضاً ... اصبحت هي ( العشوه الدسمه ) في منازل هؤلاء الناس ممن عاش تلك السنوات وعاصرها ... الفول اصبح صديقاً للسفرة ... البيض مره صديق .. ومره عدو .. حسب أسعار السوق .. وجشع التجار .. وطمع البائعين في البقالات .. واللذين يرفعون سعر ( الفمتو ) عند إرتفاع ( التانج ) ويرتفع البيض من مصدرة :razz: فيرفع ( عامل ) غسيل السيارة من سعر الغسيل وذلك بعد إرتفاع أسعار البيض والبترول :d تقولة : وانت وش دخلك بإرتفاع هالأثنين .. يقول : سديق كله زيادة :razz: >> وهو صادز .. جت عليه هالضعيف .. غسل ماعنديلك إلا خمسه :surprised: وينهي إبن كثير( 2008 )حديثة إلى هنا :d أبو طلال يعود من هنا : :naughty: هل هذي دعوة أو بلاء أو عقاب ... اللهم لاتسلط علينا من لايخافك .. ولا يرحمنا ... كثير أسمع هالدعوة من هالأقارب وخصوصا الوالدة أطال الله عمرها ... هل نحن الآن في وضع تسلط اللذي لايخاف الله .. ولا يرحمنا .. هم التجار .. والتجار هم مناا ...... وفينا ..... أصحاب العقارات ....... منا .. وفينا ... ملاك العمائر والشقق والمحلات ........ منااا .. وفيناااا .. أصحاب السوبرماركت .. والبقالات ... والمزارعين .. هم مناااا .. وفيناااا .. مضاربي الأسهم .. الهاومير ....... هم منااااا .. وفينا ... يعني القوي .. ياكل الضعيف ...؟ البلى فينا .. الله سلط علينا من لايخاف الله .. ولايرحم عبيدة من هالمستهلكين اصحاب الدخل المحدود ... اليوم وكأني والله بُشرت بإفلاس شخص ذو ثراء فاحش .. مافرحت من ( كسرته ) بل من إجرامة في هالبلد وشعب هالبلد .. ! وأتمنى المزيد لكل من لم يتكفي بمالة وغناته .. تعدت اهدافة إلى رؤية حاجة الناس وفقرهم ... لكن على ماقالوا ... الله مايطق بعصى .. :yes: كلنا نتذكر ( حسن آل مهدي ) العقاري ورجل الأعمال الموهوم ( أقصد المشهور ) وأين هو الآن ؟! ليه ( الكذب ) ؟ طيب إكذب .. بس على مين تكذب .. على شعبك .. أهلك .. ؟ طيب إكذب على شعبك وعلى اهلك .. بس كيف قدر يتصنع شخصية الرجل الخيّر .. صاحب المبداء .. والمثالية !!؟ كيف اتقنها بهذا الشكل ؟ كل شي رايح .. أين حسن المهدي المنقذ الآن ؟ أين فرعون !!!؟؟ اللى وصل في ماله وعظمتة أكبر من ماوصل إليه كل هؤلاء ..! أين قارون !! بل .. أين الأنبياء ؟؟؟ وأين نحن من الأنبياء والصحابة ... مردنا تحت الحفرة .. والله يحسن خاتمتنا والله المستعان تحية لعبداللطيف جميل .. والله يزيده ويكتب البركة في ماله وأبناءه ... أين البقية !! هل بقية التجار في هذا البلد هو لـ( سلب ) المواطن فقط وإدعاء المثالية !؟ أخوكم الصغير ابو طلال |
هلاااااااا بالغالي... مقال يوجع القلب..... واتواقع لو ابن كثير كان هنا كان انتحر قبل يكتب التاريخ هذا... انا في سوال يدور براسي وانت الان فتحت الطاري... نحن اي معشر المجتمع نعرف الصالح من الطالح ...هل المسوالين لا يعرفون مثل ما نعرف!! وللعلم عبدالطيف جميل ((...........))اعتقد اغلبها دعايات لشخصه الكريم شكرا لك |
لي على موضوعك مصدر وميراد :D ورده سحور : ) ------------- بآك :) والله يا أبوطـــــلال هآذي من علآمآت السآعة .. وعدم مخافة الله عزوجل هذا اللي اقدر اقولة والله الموفق ------------------ |
ياهلا والله ابو طـــلال :smilie47: قبل كل شيء كل عام وانت والجميع بألف خير ..!! ومن العايدين قبل الزحمه ..!! ( ماتلاحظون انّا عيّدنا بدري هالسنه من قبل يومين وانا كل مااقابل واحد يقول نفس هالكلام ) يارجال خلها على الله.. اتوقع والله العالم ان هذا بسبب التبذير ..!! والله يابو طلال كنا معزومين انا والوالد قبل كم يوم ع الفطور عند واحد مطخطخ بمعنى الكلمه :d من قوة الطخطخه قصره جنب قصر الملك اللي بالربوه :stoned: المهم كنا معزومين ع الفطور جينا انا والوالد ولقينا يمكن عنده حوالي من 13 الى 15 رجال تقريبا .. المهم كان الفطور بوفيه مفتتوح من احد المطاعم المشهوره .. يمكن بيكفي 100 او اكثر والله انا تعشينا كل ابونا .. وبقي اكثر من 70 بالميه من الاكل محدن ذاقه ..!! الرجال كريم وكثر الله خيره وبيض الله وجهه لكن مهوب معقول يخوي كل هالاكل واخرتها ينّكب ..!!( عاد بغيت اصور الفطور وانزله هنا اكبتن به على بالي فطورنا :d:razz: ) بصراحه كل ماشفت هالغلا اللي صاير وشفت هالاسراف تذكرت الايه ..!! ( إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ ) اما حسن ال مهدي .. من قال انه بيطفر ؟ سبحان الله ايام الانتخابات البلديه ذيك الايام ( حتى على علب المويا صوره ) من قوة البطره والكاااااش ..!! واخرتها .. ماترشح .. عاد استغلوه الشعّار ونتفوه تنتيف :d ايام الانتخابات وقالو هالابيات على انه هو اللي قايلها .. اترزز والعرب ما عبروني ...... راحت فلوسي ومجهودي خسارة ليتهم يوم النتايج عينوني ........ لو أسوي الشــاي في وسط الوزارة واثرهم يا للأسف ما رشحوني ......لا عضو مجلس ولا حارس عمارة الله يعينّا والله يصلح الحال ان شاء الله وترجع الاسعار مثل السابق واقل ان شاءالله الله يعطيك العافيه يابو طلال :smilie47: |
اخي الكريم ابو طلال الغلاء موضوع الساعة في العالم كله. غلاء في كل شيئ وفي كل مكان , تتفاوت نسبة الغلاء في كل بلد حسب العملة المحلية وارتباطها بالدولار. عموما الموضوع جميل وإن كان الموضوع لا علاقة له بالعنوان فلم اجد اي اشارة للوظيفة وسلبها للمواطن في موضوعك . تقبل مروري اخي الكريم. ولك تحياتي ,, |
هلا أبو طلال ... والله الغلاء ذبحنا من كل جانب يعني ... كل شيء أرتفع .. اليوم أغيّر زيت السيارة وقيمة العلبة 15 ريال وأذكرها من زمان كانت بــ 6ريال .. ذاك اليوم دخلت القالة أبشتري عسل ... لزوم اللقيمات وأصابع العروس .. ومعها فيمتو تدري بكم : 37 ريال مع إن العسل حجمه صغير .. غيرت العسل وشريت عسل ثاني بس شركة أخرى والعلبة عادية وبنفس الحجم بــ 15 ريال يعني 12 ريال فرق .. يعني لو بتشري كل يوم عسل وفيمتو بتدفع 1110 ريال شهرياً ... (( طبعاً ما في أحد بيشتريها يومياً لكن شوف الرقم كيف كبير )) ناهيك عن المستلزمات الثانية .. أنا من بعد ما جت بنتي ميار وأنا أحسّب لكل ريال يطلع .. أنا أبغى أسأل اللي راتبه 2000 ريال كيف يعيش .. اللهم ألطف بنا وبهم وبجميع المسلمين .. شكراً أبو طلال .. ومو لا زم تاكل بيض وتغسل سيارتك |
اول شي كل عااااااام وانتم بخير قبل الزحمه :d بصراحه موضوعكـ جاء في وقته اخوي الاسعار كل كم يوم ترتفع وكل واحد يزيد في السعر على كيفه الوقت تغير والنااااس تغيرت والله لو ابن كثير موجود كان طق ومااات من الصدمه:bigeek: الله يستر بس ماترتفع زياااادهـ والله يهدي بعض التجااار مشكووووووووور يا اخوي الصغير ابو طلال:d على هيكـ موضوع |
يعني طلع الموضوع إقتصادي <<< ينقل للمنتدى الإقتصادي !! اوووووووووه صح مغلق المنتدى :) ابو طلال تقصد ان وظيفتهم صارت سلب المواطن >> تسمع يا بيرت بلس :) والفقير الضعيف تلقاه هاليومين يعد فلوسه علشان يطلع زكاتها والهوامير ولا جابوا خبر الا من رحم الله منهم .. على كل دائما شح المطر والغلا والكوارث سببها البعد عن الله والمعاصي والمطر لا شح وش ذنب الصحاري :) << كل همه البر ..! |
الله يرحمنا برحمته .... كلن يبي يسرق لا نظام و لا رادع ,,, عيشه يمخمخ عليها النصاب تعرفت على احد الاخوان العرب وسبق له العمل في العراق والامارات والكويت والحين مشرفنا بالسعوديه قلت وش رايك بالسعوديه بالنسبه للدول السابقه يقول وش السعوديه العب على كيفك ما لمك احد اسرق العب اكسب والرشاوي على ئفى من يشيل يعنى اكبر مصيبه تعملها هنا تسفير لبلدك ....؟! هذا وهو اجنبي!! |
مشكلة الغلاء عالمية والله يستر من القادم خايفة يجي وقت الناس تاكل بعضها من الجوع:( مانقول غير عسى الله يرحمنا برحمته ويفرج علينا ويغفر لنا وونحاول نغير من نفسنا ونكثر استغفار ماجا الغلا الا من كثرة الذنوب:( |
و أنت بصحه و سلامه يا الغالي و كل عام و أنت بخير بس أخونا الصغير صعبه شوي ههههههه على العموم بالنسبة للموضوع لا تقلب المواجع يا أبو طلال لا حياااااااااة لمن تنادي ... |
القلوب وصلت الحناجر....مما تشاهد في ارتفاع الأسعار....والتضييق على الناس في معيشتهم.....وفي أكلهم....ومشربهم... وكما يقال : عض قلبي ولا تعض رغيفي.. يعطيكـ العافيه أخوي أبو طلال على موضوعكـ الرائع |
الله يستر بس صرنا بالعصر الحجري الله ينزل علينا رحمته ويكفينا شر الجشااااع ابو طلــ ورده ـــلال عوااااافي |
والله انك صاز يا ابو طلو بس من ناحية العقار فبحكم شغل فيه فهو عرض وطلب يعني انا شريت الارض بالسعر الفلاني وعمرتها بالسعر الفلاني (بحكم ان سابك الله يخليها لنا ذخر كل شوي ناقزتن علينا بزيادة اسعار والدبل احيان) فمن الطبيعي اني ابيع او ااجر اغلى من قبل بضرب لك مثال العام الفائت واحد من الجماعه باع شقق بمتوسط 400 الف للشقه السنه هذي وبنفس الشارع انباعت شقق بمتوسط 500الف وهي ماتوصل الجوده المطلوبه بس ما نقول الا الله يرخص الحديد وغيره تحياتي يا اخوي الصغير |
أهلا وسهلا أبو طلال تدري وش مشكلتنا إننا مانعرف نسلب وتجارنا عليميين بالشغلات هذي يعني إذا كانت نسبة الغلاء بالعالم 3% حنا كل شئ صار دبل دبلات وكل شئ إرتفع سعره أضغاف مضاعفة المواطن ينتظر الحلول خصوصابعد تغير وزير التجارة ولازال الأمر كما هو المشكلة مشتركة من أكثر من وزارة لكن الخطأ الأكبر على وزارة التجارة تخيل على مستوى المملكة 250 مراقب للأسعار :surprised::bigeek: لا والآن مقبلين على مواسم العيد ومصارف النساء بس تهد الحيل والمدرسة بعد وعلى فكرة الأمر هذا ماراح يوقف على غلاء أسعار راح يوصل إلى إضطراب الأمن الفقير يحاول يعيش ماعنده إلا أنه يسرق الأمر يحتاج قرار ليس برفع الرواتب بل بخفض السلع لأن هناك من هم في القطاع الخاص سيظلون متضريين إذا زادت الرواتب وتجاهل سعر السلعة تحياتي.....ورده H_S Y T_2008 |
| الوقت المعتمد في المنتدى بتوقيت جرينتش +3.
الوقت الان » 01:38 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd