الماجستير vs الوظيفة - نادي الهلال السعودي - شبكة الزعيم

عندليب الهلاليين · #1 22/09/2008, 07:22 AM

السلام عليكم ورحمه الله

أخواني وأخواتي أسأل الله أن يتقبل منا صيامكم وقيامكم وصالح أعمالكم وكل عام وإنتم بخير << حقت العيد

بفضل من الله تم قبولي في جامعه طيبة لدراسه الماجستير وأيضاً الحمد لله تم قبولي من قبل وزارة التربية والتعليم لوظيفه مدرس ولكن ننتظر تحديد المناطق .

أنا الآن محتار بدرجه كبيرة هل أكمل الماستر خصوصاً إن القبول جاني في مدينتي بين أهلي وناسي

وأشيل فكرة التدريس من بالي !

أم على قولتهم أمسك وظيفتي كمدرس واللي مدري فين راح تكون يمكن الخرخير

أنا ماخليت أحد ماسألت والحمد لله إستخرت ربي والله يكتبلي اللي فيه الخير .

منهم اللي قالي إمسك الوظيفة أحسنلك وبعدين إدرس ماجستير عادي ! طيب أنا بأخذ الماستر عشان ماأبغى أصر مدرس .. طموحي أكبر

بس في نفس الوقت صعبه الواحد يترك وظيفة وهذا اللي أنا محتار فيه

كل شوي أقول طيب بعد ما آخذ الماستر يمكن ما ألاقي وظيفه وأقول آه ياليت الوظيفة تعود يوماً

على العموم أنا أكملت أوراقي وسلمتها لعمادة الدراسات العليا .

بعد نزول تحديد المناطق هل أكمل الماستر ؟

أم أذهب للتدريس ؟

على فكرة تخصصي كيمياء

يعني مدرس كيمياء vs ماجستير كيمياء

مين أحلى وأقوى

كل ماأريده منكم رأي ونصيحه فقط ترضاه لنفسك وترضاه لأخاك في الله

في أمان الكريم

ورده

ايش رأيكم في لون الخط

سوسو الرياض · #2 22/09/2008, 07:39 AM

المشجع الكبير · #3 22/09/2008, 07:44 AM

والله ياخوي اذا تبي الجد تكملت الدراسه افضل بكثير
وخصوصاً تخصصك كيمياء يعني ماراح تكون الوظيفة بمجال واحد
ولكن بجامعة طيبة !!!

عندليب الهلاليين · #4 22/09/2008, 07:47 AM

إقتباس

الرسالة الأصلية كتبت بواسطة سوسو الرياض

قسم

ياحليلك

اللهم إني صايم

عندليب الهلاليين · #5 22/09/2008, 07:48 AM

إقتباس

الرسالة الأصلية كتبت بواسطة المشجع الكبير


	والله ياخوي اذا تبي الجد تكملت الدراسه افضل بكثير وخصوصاً تخصصك كيمياء يعني ماراح تكون الوظيفة بمجال واحد ولكن بجامعة طيبة !!!

ايوه والله بجامعه طيبة

ربي يجزاك خير على النصيحه

والله إلى الآن النسبة تميل للماجستير بس فيه شويه ضغوطات خارجيه

البيــــــداء · #6 22/09/2008, 07:56 AM

إقتباس


	طيب أنا بأخذ الماستر عشان ماأبغى أصر مدرس .. طموحي أكبر

مدام ما تفضل التدريس سيم سيم أنا

كمل ماستر اخوي افضل لك..
بالتوفيق لك بإذن الله..

adsl · #7 22/09/2008, 08:09 AM

نصيحة من معلم ابتعد عن التعليم قدر الامكان طالما تخصصك يسمحلك بذلك ( الاوضاع في التعليم جدا سيئة )
لاحوافز لاانتدابات لابدالات سكن لاتامين طبي، ولا احد يقد جهودك وتعبك ،مافيه جدية للطلاب للدراسة ،ولا حرص من الادارة على التعليم .
فكر في القطاع الخاص او التعليم الجامعي المردود المادي بيكون افضل واجواء العمل بتكون اكثر جدية

ابوصالح222 · #8 22/09/2008, 08:26 AM

انا اقول كمل

الكيمياء مطلوبه كثيرا

لو تشتغل في مصنع صابون

العطر · #9 22/09/2008, 08:43 AM

انا كنت مثل وضعك بالتمام ..

تعينت عام 27 هـ ..

واحترت ..

تعيني ؟؟ والا اكمل ؟؟ ،،

قلت يا ولد خلني اباشر وادوام واعين من الله خير بعدين يحلها حلال .. لأن طموحي ( كان ) حطها بين مليون الف قوس ، الماجستير والدكتوراه ،،

قالوا لي ان التكميل والتفريغ سهل ،، اثاريه اصعب من التعيين بعد ما تم تعييني ..

أما الحين قسم كرهوني سالفة التكميل ،،

بالعربي إذا عندك فيتامين ( واو ) صح وتعتمد عليه باشر عملك سنه وبعدها كمل حتى لو بغير تخصصك ..

وانت استشر .. وتوض وصل لك ركعتين وأقر دعاء الاستخاره صدقني راح يرتاح قلبك للشي الافضل لك سواء مباشرة العمل او التكميل ..

هذا اللي عندي واتمنى اني افدتك ،،

عندليب الهلاليين · #10 22/09/2008, 09:52 AM

إقتباس

الرسالة الأصلية كتبت بواسطة البيــــــداء


	مدام ما تفضل التدريس سيم سيم أنا كمل ماستر اخوي افضل لك.. بالتوفيق لك بإذن الله..

ياخي مدري ليش مهي جايه معاي

الله يجزاك خير على النصيحه

الهلالي 11 · #11 22/09/2008, 10:28 AM

يا غالي اسمحلي

بس الامور تعتمد على وش ناوي عليه بمستقبلك

يعني لو انت مفكر بالزواج مثلا او ببالك امور ودك تحققها وتحتاج المال فيها .. لا والله اشتغل وخلها على ربك كل شي بيد ربنا

لو انت ما وراك شي ... وزواج ماش شايله من راسك وماخذ موقف

والفلوس متوفره الحمد لله ... كمل ماستر وبعدها ربك يحلها ...

لكن مشكلة الكثير بس يبغى يكمل ماستر وما يحسبها ... يعني فيه تخصصات وامور معينه سواء درست ماستر او لا ما رح تفرق معك وظيفيا كثير

انا ما ودي اتفلسف بس انت ادرى بامورك واوضاعك ... وربي يوفقك

عموما الماستر اصعب من البكالوريس بكثير حطها ببالك ... يعني بصراحه يبيلك تكون ناوي النجاح والا انسى الموضوع

$كاكاتبوك$ · #12 22/09/2008, 10:29 AM

ما أقول

ألا الله يكتبلك اللي فيه خير

(اسير& المحبة ) · #13 22/09/2008, 05:16 PM

كلام الهلالي 11 مزبوط اذا في راسك زواج او محتاج فلوس توظف واذا الخير الحمدلله مبسوط وشايل الزواج من راسك لا والله كمل دراسه وبعدين كيمياء حلو عندك تدريس جامعات بعد الماجستير عندك ارامكو وسابك عندك اكثر من مجال والماجستير يبغاله شده حيل واذا درسته وانت تدرس بصتعب عليك الدعوة اشوي
على العموم اولها واخرها اللي مكتوب بيجيك ونتمنى لك التوفيق ان شاء الله في حياتك العلميه والعمليه ولكل اخواننا المسلمين

عندليب الهلاليين · #14 22/09/2008, 07:35 PM

إقتباس

الرسالة الأصلية كتبت بواسطة adsl


	نصيحة من معلم ابتعد عن التعليم قدر الامكان طالما تخصصك يسمحلك بذلك ( الاوضاع في التعليم جدا سيئة ) لاحوافز لاانتدابات لابدالات سكن لاتامين طبي، ولا احد يقد جهودك وتعبك ،مافيه جدية للطلاب للدراسة ،ولا حرص من الادارة على التعليم . فكر في القطاع الخاص او التعليم الجامعي المردود المادي بيكون افضل واجواء العمل بتكون اكثر جدية