[السلام عليكم و رحمة الله و بركاته





تم إضافة معلومات عن الـ 80 جيجا الأوروبي بتاريخ 20-8-2008 .... و أي الكلام اللي باللون الأخضر هو المحدث
كيف حالكم يا شباب
إن شاء الله بخير


بصراحة هالأيام كثرت مواضيع التي تسأل عن أنواع الـ PS3 ... و أكيد واحد جديد في عالم الـ PS3 راح يكون متشتت البال ... يسمع كلام من كل واحد ...

علشان كذا قلت أسوي موضوع و يكون مرجع لأي واحد ناوي يشتري PS3 ... و إن شاء الله يكون واضح






أولا محتويات الجهاز ( الملحقات ) :

*سلك الكهرباء
*سلك الألوان AV
*يد تحكم نوع SIXSAX ( بدون هزاز ) الـ 80 جيجا يجي معها يد dualshock 3 ( الهزاز)
*كيبل DSL للتوصيل بين الـ PS3 و المودم ( الـ 80 جيجا و الـ 40 جيجا ما يجي معاهم هذا الكيبل )
*سلك USB لشحن يد التحكم







ثانيا : أنواع الـ PS3

ملاحظة : انا راح أتكلم عن الأجهزة اللي نظامها أوروبي ... لأنه هو اللي مخصص لنا للشرق الأوسط و أوروبا ... و اللي يكون عليه ضمان .
و



أنواع البلاي ستيشن اللي نزلت لحد الأى هي : 20 جيجا - 40 جيجا - 60 جيجا

الـ 20 جيجا إنقطع من زماااان ... و نادر جدا جدا جدا تلقى واحد شاريه ...
المنتشر هو الـ 60 جيجا و الـ 40 جيجا ... و نزل حاليا الـ 80 جيجا

الـ 60 جيجا وقفت سوني صناعته من فترة طويلة ... يمكن 6 شهور ... و أصبح الآن الموجود هو فقط الـ 40 جيجا .... لكن فيه محلات تبيع الـ 60 جيجا

لكن نزل الآن الـ 80 جيجا

و علشان كذا أبشرح الفوق بين الـ 60 جيجا و الـ 40 جيجا و الـ 80 جيجا ... و بالنهاية أبقولكم الأفضل .


الـ 60 جيجا :


حجم الهارديسك : 60 جيجا
عدد فتحات الـ USB : أربع فتحات
مدخل للذاكرة : يوجد

تشغيل ألعاب الـ PS2 و PS1 : نعم



الـ 40 جيجا :

حجم الهارديسك : 40 جيجا
عدد فتحات الـ USB : فتحتين
مدخل للذاكرة : لا يوجد

تشغيل ألعاب الـ PS2 : لا



الـ 80 جيجا :

( تم التأكد من موصفات الـ 80 جيجا الأوروبي ... و طلعت معلوماتي صحيحة )
::: الـــمـــصـــدر :::
حجم الهارديسك : 80 جيجا
عدد فتحات الـ USB : فتحتين
مدخل للذاكرة : لا يوجد
تشغيل ألعاب الـ PS2 : لا





و هنا صورة توضح الفرق بين الأجهزة الثلاثة ( الأوروبي )


لو تلاحظون أن الـ 80 جيجا نسخة طبق الأصل للـ 40 جيجا


الآن عرفنا الفروق الخارجية ... لكن ما عرفنا الفروق الداخلية .. !!

أي شي أبقوله عن الـ 40 جيجا فهو منطبق على الـ 80 جيجا
اللي متفوق في المواصفات الخارجية هو الـ 60 جيجا بكل تأكيد ... بحكم عدد فتحات الـ USB و وجود مدخل للذاكرة و حجم الهارديسك ...
لكن الفروق الداخلية الـ 40 يتفوق بكثيييير ... و ليش قلت بكثير ؟!
لأن الـ 40 جيجا طوروا فيه المعالج ... و هذا يمكن ما يهمنا ... لكن اللي يهمنا هو إن صوت الجهاز صار خفييييييف جدا جدا جدا بالـ 40 جيجا ... و أهم ميزة هي إن تبريد الجهاز صار قوي لدرجة محد يتصورها ... تبريد عالي جدا جدا بالـ 40 جيجا

اما عن مخارج الـ USB و مدخل الذاكرة فهذا بكل بساطة تقدر تشتري هذي القطعة :

و كذا تقدر تشبك بطاقة الذاكرة و بكل سهولة ... و سعرها ما يتجاوز الـ 15 ريال و متوفر بأشكال و ألوان و أحجام و كل شئ

اما عن فتحات الـ USB ( مع إني أشوف إن فتحتين تكفى و لا مرة إحتجت فتحة ثالثة ) تقدر تستفيد من قطعة تباع بكل المحلات ( و سعرها يتراوح بين 15-25 ريال ) بحيث إنك تشبكها بفتحة الـ USB و تطلعلك مداخل إضافية للـ USB ... يعني لو تبي تخليها 5 فتحات USB ما فيه أي مشاكل ...
و هذي صور للقطعة :






اما عن حجم الهارديسك فبكل بساطة إذا شفت إن الـ 40 جيجا ما يكفيك خذ هارديسك حجمه لو تبي 250 جيجا و ركبه ... ما عندك أي مشاكل

و المشكلة في الـ 60 جيجا هو إنه في أحد الدفعات كانت فيها مشاكل عدم ظهور اللعبة إذا دخلت الشريط ... و هذي فيه ناس كثيرين عانوا منها ...




بشكل عام ... الـ40 GB هو الأفضل ... و انا مجرب كل النوعين ... أولا بحكم وجوده لحد الأن بالوكالة ... و يمكن تصير فيه مشاكل بالضمان بنسخة الـ 60 جيجا ...

و أنصح اللي ناوي يشتري الجهاز إنه ياخذ الـ 40 جيجا أو الـ 80 جيجا و يدعيلي


و أعتذر عن عدم ذكري لأسعاركل نوع ... و هذا راجع إنه لحد الآن الوكالة ما جابت الدفعة الجديدة ولا قدرت أحدد سعر للجهاز ... لأنه لكل محل سعر ...



أتمنى إن الموضوع نال على إعجابكم

منقـــــــــول للفـــائــدة
---------------------------
----------------------------------------------------------------------
--------------------------------------------------=========--=
=======================