ابي اتكلم عن موضوع الفيلسوف الصغير والمهندس أحمد الفريدي والمواضيع اللي دايم تكتب عنه وهذا المواضيع
طبعا مهي هجوم مباشر عليه لا تكون مدح في الظاهر لكنهافي المضموت (تحطيم له) يعني (دس السم في العسل)
ولو اتركزوا معاي شوي تلاحظون ان كل هذه المواضيع تنزل في هذا المنتدى بعد ابداع منه في مباراة له مع المنتخب او مع الزعيم ...
ركزوا شوي وتذكروا التصليحة اللي سواها للقناص ياسر في مباراتنا ضد الاتحاد وجابها طبعا القناص كالعادة هدف براسه ( الله يخلي القناص وراسه لنا) واخذنا بطولة الدوري والسبب بعد الله في الهدف (الفريدي) بعدها نزلوا فيه تحطيم بهذا المنتدى. بدال ما نحافظ عليه ونوجهه التوجيه الصحيح لا نحطمه ولحساب مين الله أعلم ؟؟؟؟
وكمان بعد مابدع في مبارت المنتخب ضد الامارات وجاب الهدف اللي جميع نقاد الوطن العربي قالوا مايجيب الهدف هذا الا لاعب يمتلك فكر وحس كروي رائع و نادر جدا جدا على مستوى العالم مع هذا كله برضه نزلت عنه مواضيع من نوع دس السم في العسل ولصالح مين الله أعلم ؟؟؟؟؟؟؟؟؟؟
واخيرا بعد ابداعه في مباراتنا ضد الرائد وتسجيله الهدف الاول وتصليحه للهدف الثاني (وشوفوا هدفه يعرض هنا في المنتدى فوق) ورغم كل هذا برضه نزل عنه موضوع وعنوانه (لن تنال المجد) ماني متذكر المضوع مزبوط المهم فيها انه ياكل الصبر ويحسبه تمر وفيها مقارنات عجيبه غريبه ولصالح مين الله أعلم؟؟؟؟؟
ولو تلاحظوا من العنوان واضح ان راعي الموضوع مايبي خير للفريدي ..شبه الفريدي في العنبر وغيره من اللاعبين مع احترامي لكل اللاعبين الفريدي يفرق عنهم كثير ولافيه اي شبه معهم اكرر مع كل احترامي لهم واسال الله لهم التوفيق ... الفريدي يفرق عنهم في فكره الكروي وحسه الكروي ونشأته الكرويه وبنيته الكرويه كذلك والفريدي من الللاعبين الذين اجمعوا عليه كل المدربين الذين شاهدوه والذي اوجد المقارنه يعلم هذا جيدا ويعرف ماذا اقصد
وبخصوص المجد والشهره (على حسب عنوانك)صدقني لو أن الفريدي (قرأ)مثل تلك المواضيع والمقارنات العجيبه فهي تعتبر من ضمن (المحطات) التي لازم بتجاوزها عشان يوصل للمجد ...
(مع علمي الأكيد ان الفريدي حتى الجرايد مايقراها)
وبخصوص انه مغرور ولله ثم ولله العظيم في هذا الشهر العظيم من عرف الفريدي عن قرب أو من تكلم معه لثواني يعرف ان الغرور بعيد عنه بعد السماء عن الأرض وأنا اتكلم عنه ومن معرفه جيده معه...

وبخصوص اللاعبين المخضرمين ياسر القناص والاسطورة سامي الجابر وغيرهم من اللاعبين الذين معه في الملعب قال لي في إحدى المرات انهم اساتذه في عالم الكره ولابد ان يستفيد منهم ....

الله يوفق الفريدي من نجاح الى نجاح

بالتوفيق للفريدي


وسلمت اناملك عزيزي



تحياتي لك

الفريدي لاعب صغير .....

اما من ناحية الغرور ..بصرااحه سمعت خبر اتمنى انه يكون إشاعه ....سأل احد الأشخاص التايب عن اللاعب الفريدي ..وقالوا له يمكن ان يصبح في يوما مثل مستوااك ...اجاب التايب (الفريدي لاعب مغرور ومتكبر على الكرة لن يصبح لاعب في الاصل ليصل إلى مستواي )

طبعا هذي ان شاء الله انه غير صحيحه ..


لكن مايعاب على الفريدي بطئه الشديد ...لو يتمرن على السرررعه ويصير اسرع من كذا شوي على الأقل ..سوف يكون افضل لاعب بالسعودية في خط الوسط بعد سنه او سنتين

أما اللي شبهه بالعنبر ...لاتعليييق

الفريدي
انا قبل لا اقبله توقعت انه مغرور

وفي معسكر المنتخب في الرياض قبل مبارات ايران

رحت للفندق وصورت معه وجلست اسولف معه وكان في قمة الاخلاق مع اني صغير عطني وجه
موب زي محمد الشهراني انديه مايرد علي

إقتباس الرسالة الأصلية كتبت بواسطة MeSsI-19-YaSser-20- الفريدي لاعب صغير ..... اما من ناحية الغرور ..بصرااحه سمعت خبر اتمنى انه يكون إشاعه ....سأل احد الأشخاص التايب عن اللاعب الفريدي ..وقالوا له يمكن ان يصبح في يوما مثل مستوااك ...اجاب التايب (الفريدي لاعب مغرور ومتكبر على الكرة لن يصبح لاعب في الاصل ليصل إلى مستواي ) طبعا هذي ان شاء الله انه غير صحيحه .. اتحداك تثبت صحة هذا الكلام . والنادي مفتوح واللاعبين موجودين أسألهم . الافتراء والكذب والاشاعة . إثمها كبير عندالله ....

\
..........................................................
@@@@@@@@@

مشكور على الموضوع أخوي
أما بالنسبه للفريدي أتمنى إننا مانعطيه فوق حجمه فهو في بداية المشوار ووضع قدمه على الدرجه الأولى لسلم النجاح
وأمامه الكثير فهو لم ينضج حتى الآن ’ فهو موهبه إن حافظ على نفسه فسوف يكون علامه فارقه
في المنتخب السعودي
وتقبل مروري

إقتباس الرسالة الأصلية كتبت بواسطة hmeed2009 الفريدي انا قبل لا اقبله توقعت انه مغرور وفي معسكر المنتخب في الرياض قبل مبارات ايران رحت للفندق وصورت معه وجلست اسولف معه وكان في قمة الاخلاق مع اني صغير عطني وجه موب زي محمد الشهراني انديه مايرد علي

ياحبيبي ماهو كل لاعب لاعب ..واقسم بالله هذا اللاعب لم يسبق ان واجهته ولايعرفني .
والغرور اللي تتكلمون عنه مايعرفه ... الغرور شرق وهو غرب ..

إقتباس الرسالة الأصلية كتبت بواسطة كاكا الميلان مشكور على الموضوع أخوي أما بالنسبه للفريدي أتمنى إننا مانعطيه فوق حجمه فهو في بداية المشوار ووضع قدمه على الدرجه الأولى لسلم النجاح وأمامه الكثير فهو لم ينضج حتى الآن ’ فهو موهبه إن حافظ على نفسه فسوف يكون علامه فارقه في المنتخب السعودي وتقبل مروري

تقصد النضوج الفكري ... او النضوج الرياضي .. وضح مشكوراً .

وعليكم السلام
الفريدي لاعب هلالي رااائع و نتمنى له كل خير وتوفيق والمزيد من العطاء والإبداع

انا ابغى اسال سوال واحد وش مصلحه بعض الجماهير انها تقول هذا الكلام عن الفريدي والله ماادري ..
انا ما ادري وش يبغونه يسوي علشان يرضيهم
ولكن
ارضاء الناس غايه لاتدرك

وربي حتى انا مستغرب هالشي مع انه يبدع اشوف بعض الناس كأنهم ماودهم انه يبدعــــ

إقتباس لكن مايعاب على الفريدي بطئه الشديد ...لو يتمرن على السرررعه ويصير اسرع من كذا شوي على الأقل ..سوف يكون افضل لاعب بالسعودية في خط الوسط بعد سنه او سنتين أما اللي شبهه بالعنبر ...لاتعليييق

تذكر أبو يعقووب ماكن بذاكــ السرعه

بس يصنع هجمات لسامي ولا أرووووع

صانع العب مو لازم انه يصير سريع

عندك التايب، التمياط

كلهم صناع لعب وممتازين

فيه بعض المراكز ماتحتاج لسرعه،،

تقبل مروري

ويعطيك العافيه

الفريدي لاعب كبير...
و لا أرى عليه أي شيء مما تكلموا
عنه من غرور أو أي أمر من ذلك؛
بل على العكس تماماً حتى في تصاريحه
تدل على أنه يعي تماماً كل كلمة يتفوه
بها و ليس مثل البعض..
لكن يجب أن لا نكون نحن السبب في غروره
أو أي أمر من ذلك..
بمعنى أن لا نصل به القمة إذا أبدع
و لا نحطمه إلى القاع إذا أخطأ...
.
.
شكراً لدفاعك عن أحمد.. و يبقى من اللاعبين
الأوائل في عيوننا..

الله يوفق الفريدي من نجاح الى نجاح