([ يـــوم عيــدك .. شاركنا ]) - نادي الهلال السعودي - شبكة الزعيم

كان هنا · #1 29/09/2008, 11:10 PM

بسم الله الرحمن الرحيم
السلام عليكم ورحمة الله وبركاته

/

كــل عــام وأنتم بخــير والله يتقبـل منا ومنكم صـالح الأعمــال ..
تعــرفون يا جماعة الربع

..
المنــتدى يضـم كـافة الأطيـاف والشعوب ..
من الشمال والجنوب .. والشرق والغرب ..
من السعودية والخليج والعــالم العــربي ..
مــن هالمـوضوع بنتعـرف على عادات وتقـاليد شعوبنا العربية يوم العيد

..
نبـي كل واحـد يقلــط يقول لنــا يومه في العيـد ..
من يوم يصبح الفجر ويـصلي الفجر وينتـظر صلاة العيـد إلى نهاية يومه .
واخوانا المغتربين

الله يردهم بالسلامة رافعيــن الراس ..
نبـي يومهم في الغــربة ؛
والي يقول يومه عــادي ومافيه اكشن والعيد من أيام الطـفولة يعطينا يومه يوم كان طفل

..

\

هــالموضوع من نمـونة مواضيع أخونا وليــد الله يرده بالسلامة

..

بانتــظاركم

السمسار الهلالــي · #2 29/09/2008, 11:41 PM

.
.
.

يـ هلا والله بـ دحووم

, كل عام وانت بخير ,,!

ومن العاييدين ومن الفايزين

< تراه خاق مع اغنية محمد عبدة

والله انا حالتي مرثية

, نمت الساعه 2 الظهر

وقلت لامي قبل انام ترى العيد بكرة (فيس يغمز)

قالت لا يوم الاربعاء ,ورحت نمت , انا مانمت زين عاد

< تراني اقول احداث العيد من الليلة لانه يعتبر عيد !!هههههه

نمت بس 4 ساعات

,وقمت واكلت لقمتين ورحت الحلاق ازكرت لقيت قدامي 4

واخوي نشب لي يبي طراطيع

, واروح والقا العبددات الافارقة
< ترى فيهم شوفه نفس مالقيتها في ملكات الجمال

قالت الدناميت بـ 10

, قلت مشينا ’, قالت خذه بـ 5 يالله !

والحين باقي لي اعيال عمي 500 كيلو جايين من شقراء

وانتظرهم انا الحين ع احر من الجمر

لاني فالعيد مايجيني نوم مع اني نمت ( 5 ساعات بس ! ) :.:..!

هالحين يوم العيد

7
7
7

طبعا غداء جماعتنا عند جدي [ قريب من بيتنا للمعلومية ] ..!

وننتظر المعازيم , وانا وخشتي ماسك دلة القهوة ..

واذا جاء العصر [ نحش فالعالم اللي جونا

خخخ]

وفالليل باذن الله بـــ نرووح
7
7
7
7

للواجهه البحرية

عاد السنة ذي فعاليات كثيرة هناك

ووو سلامتك

وكل عام وانتم بــخير

يسلمو دحووم ورده

عاشق الزعيم!! · #3 29/09/2008, 11:53 PM

هلا اخوي

صراحه موضوع جميل

وبما حكم اني مغترب ابقضي عيدي حسب اتفاقنا مع الشباب في النادي السعودي في كندا

فيه فطور وفيه عشاء

وابشركم الجامعه عطونا يوم اجازه

BOSS20 · #4 29/09/2008, 11:56 PM

هلآ أخووي...أنآ بأقول برنآمجي من اليوم..

المغرب في الحلآق ولآ طلعت إلآ العشآء من الزحمه..ورحت حطيت السيآره في المغسلهـ...وآلحين جآلس فآضي ومفتك من الطلبآت والآوآمر

<--لأن السيآره مآهي طآلعه إلآ السآعهـ 3..واللي مآكلهآ أخووي لأنه مغسل سيآرته بدري..

طبعاً لآبد من الموآصله إلى بكرهـ..<--شئ أسآسي في العيد

بعد صلآة الفجر نتجهز لصلآة العيد..وبعدهآ نروح نصلي..بعد الصلآة نروح لبيت جدي<--من أبوي..لأن العآئله مجتمعه هنآك..ونجلس هنآك..واللي دآخل واللي طآلع..بعده نروح نسلم على بعض الأقآرب..وعلى السآعه 9 نروح لبيت خوآلي..ونجس هنآك إلى الظهر..

طبعاً مع حلول أذآن الظهر تكون البطآريه خلصت فـ نصلي وننآآآم على طول..ونصحى المغرب..

بعد المغرب نجلس شوي وبعد العشآء نرجع لبيت عمآني..ونجلس إلى آخر الليل..

وكل عآم وأنتم بخير..

DR.KHALID · #5 30/09/2008, 12:13 AM

حنا زي كل سنة عيدنا لمدة 3 أيام العيد نجتمع باستراحة والاقارب كلهم

<< يوم مختصر

الف شكر لك اخوي وكل عام وأنتم بخير

فتاه هلاليه · #6 30/09/2008, 12:13 AM

إقتباس


	وليــد الله يرده بالسلامة

ليه مسافر ولا موقف زي العاده

------------------------------------
كان هنا والله الحين مو قادره اكتب حكي كثير واقول يومي بالتفصيل بس لي عوده انشاء الله ورده ,,
-------
ولا تدري هونت لاني بصكها 3ايام ورا بعض منب مقبله على النت هذا اذا ماطالت ..
بقول بإختصار ...
طبعا عيد خوالي الصبح

من الساعه 9 الى الظهر بعدها نرجع لبيتنا

وكل واحد يدور النوم لاننا مواصلين ننام لين المغرب او قبل المغرب بشوي ..بعدها نصحى ونلبس بعدين عاد يجي دور عماني بالليل لين الساعه 1او2 بالليل ونخلص

كان هنا .,,مروري بسيط اعذرني ورده

كل الود ..ورده

المنفهق · #7 30/09/2008, 12:21 AM

بالنسبه لى بعد ما اصلى العيد انا وولدى نروح بيت الوالد الله يطول

بعمره وتجتمع العائله وسواليف وضحك ووناسه وبعدها اروح اسلم على اخوالى وخالاتى

وانسباى وعلى بعض المعارف وبعدها نومه الى المغرب

وبعدين نشوف العيال وين يبون ونحاول قد ما نقدر نوسع صدورهم

Z3EEM . FC · #8 30/09/2008, 12:49 AM

والـله يالغـالي يـوم العيـد .. هالمره مافيه ظغط

بـما ان اهـلي مسافرين وخـوالي مسافرين

اصـلي العيـد ثم ارجـع ادقــها نووووووووومه

لين المغرب واروح عنـد عمانـي

واليـوم الثــاني نطـلع انا وولد العـمه تمشـيه لين المغرب

واذا جـا العشاء انا بروح عيد الرجاجيل بالاستراحه وهو بيـروح عيد عائلته باستراحتهم

الشبح المرعب · #9 30/09/2008, 01:31 AM

انا يا حبايب اليوم في العصر كنت في المنطقة التاريخية (البلد) معانا محل هناك نترزق الله

واليوم مدري اضن ان الناس نايمين قلت خليني اروح اتمشى وخليت ابويا في المحل
والا وانا امشي يجيلي واحد يقولي (طراطيع صواريخ فحمات طلقات) وانا مالي نفس وصايم شوي وكنت بطيح فيه ضرب<<<<<بس ياقوي

لانهم زودوها كل ماتمشي متر الا يجيك واحد (طراطيع صواريح فحمات طلقات)
شفت المكان مزحوم قلت خلني اروح باب مكة (منطقه في البلد) الا واشوف زحام شديد<<<<< حسيت نفسي في عرفات في الحج
قلت خلينا نرجع بيتنا سالمين
وانا سهران ولا بيجيلي نوم الا قبل صلاه الزينة <<<<عارف كل سنه انتكب

وبعدين على بيت عمي الله يحفظة نجمع العيديات

ونرجع بيتنا ننام نوم سعيد وعيد سعيد

وكل عام والجميع بالف خير

موديل توب · #10 30/09/2008, 01:46 AM

والله فكرة الموضوع حلوه

بسم الله نبدأ << تفكون تحملوني

نبدأ قبل يومين

من العيد , أروح الحلاق نضبط والوجه الكريم

ونتعدل

وكل حاقه

وبعد ماتحجز عند التركي

الي نص كلامه ماافهمه وان اهز في راسي ايوه

والله انا معك في هالنقطه

وربي مرة سالني سؤال بس مراح اقوله

هو سوال وانا اقوله ايوه الرجال يبغى جواب وانت هز مثل اخينا في الله >>>

بعد الحلاق , طبعاً الثياب خلصو من 15 رمضان

تعرف احتياطات

ونضبط أروح محل رجايل (ادم) كل شيء لرجال من شماغ الى جزمه , اول شيء نروح له شماخ جفنشي

ياحبي له مع انه شماغ حاله حال الشماغات الباقي بس والله انه حلو

<< الزبده ماهي في الحلا

الزبدة في السعر الي واصل 300 ريال

ويقول ليه تشتري شماغ بـ 300

وبعد الشماخ الذهبي

من كبك

من قلم

من مسباح

من كل شيء يخطر على بالكم

وبعد مااخلص كل شيء للعيد

روح البيت واجلس على النت وانتظر العيد الان وقت العيد

جلست الساعه قريب المغرب

اخذ دش , والبس واتنظف مع العطورات من نكتار أو ذي بدي شوب

وبعدها نروح نفطر

اكل تمره

واشرب الشوربه

ومن ثم القيمات واقوم

مع العلم ان كل ماطاب موجود

لكن احس اني شبعان ومنسده نفسي عن الاكل

بعدها نصلي المغرب بالمسحد

ومن ثم ارجع البيت اجلس اتقهوى مع الاهل نشرب الشاي والقهوة

وبعدها ناخذ الابتوب ونجيب الكرسي ونجلس قدام التلفاز قصدي TV

وبعدها اناظر القصبي

والله انه فللللللللللللله

على الاخر يبسطني

بس اليوم غير

سوها فيهم

والمهم بعد مانطالع التلفاز قصدي TV

اصلي العشاء مع التراويح

ومن ثم اجيب للبيت واناظر مستانسين

وبعده ابقى بالبيت انتظر باب الحارة

لك شو زقرت

وبعد باب الحارة ادق على الشباب او يدقون علي

ونجلس نفلها

حش في هذا وفي هذا وساعات بلاي ستيشن 3

مركب عليه الهلال و النصر وباقي الدوري السعودي وقام التعصب ياولد

وبعد هزيمه من ذا ومن ذاك وفوز بالغلط

وصل الوقت الى السحور <<<<<<< والله نسيت انكم تبغون للعيد

يالله نرجع من باب الحارة

وبعدها اشوف امي تبغى شيء من حلويات كيك او اي شيء ثاني مثلاً تبغى ترجع شيء هي ولا اختي

وبعدها ننتظر على الابتوب من 12 الى 3 أو 4 نصلي الفجر ومن ثم يبدأ العيد عندي الان

اخذ دش ساعه او اكثر المهم اني احس اني نظفت

وبعدها نضبط كل شيء ونتكشخ ونضبط الشماغ الذهبي

قصدي جفنشي

ومن ثم ينزل ابوي نروح نصلي بمسجد وبعدها نرجع البيت فوق في غرفة الوالدين

ونتجمع هناك ونسلم على الوالدين

ونعايد فيهم ونبارك لهم الشهر

<< على نياته الولد

وبعدها بيت جيرانا الي هو بيت عمي

وعيال عمي والكل يتجمع هناك
من الساعه 10 تقريباً او 9.30 وونتظر ونسلم ونعايد ومن هـ الكلام

ومن ثم نمشي لبيت خوالي

نتغدا هناك ونعايد نسلم وكل اهل الوالده هناك طبعاً ابوي يتغدا ويطلع

يروح نووووووووووووووووووووووووم

انا اتغدا اجلس شوي ومن ثم امشي البيت وان كان اخوي يبغى يروح خذته ومشينا البيت انام الين العصر أو بعد العصر بشويه نلبس من جديد

اورح بيت خوالي نتعشى هناك يكون الكل موجود الكل بدون استثناء

عشان اخلص كل شيء

<< يقصد المعايده عليهم

ومن ثم اروح ان كان في حلقة لباب الحارة طالعتها وان ماكان فيه الله ياحبي لك

قصدي السرير

انام الين مايطيب خاطري

واقوم اروح بيت ام امي

طبعاً جمعه صغيره

نسلم ونسولف وحش في البنات اانا اسمع

اذا طاب خاطري قمت بتصل الوالد يقولك ترى اليوم المجلس او يقول بكرا

طبعاً المجلس مب مجلسكم

يقصد مجلس العايله الكريمه

في احد المزارع مع عيال عمي سوالف الين 2 او 3 ومن ثم ارجع البيت مع اخواني وابوي , اجلس شوي على النت واروح انام واجلس بكرا ومن ثم دش سريع من التكشخ والتضبيط اروح مع الشباب نتمشى او لعب بلاي ستيشن يا في بيتنا او بيت احد مع الشباب طبعاً السوني او البلاي

معي

نلعب وننبسط على الاخر

ويكون خلص العيد فيذه

ويعطيك العافيه انت وليد الي خليتوني افض فض

تبغى تشوف الذل في صورته صح شف ’ دمعة الفرقـا ’ على خد رجال !

Blue Sun · #11 30/09/2008, 01:46 AM

انا عيدي غير

العالم كلها عندهم اجازات وانا مداوم

انا اصلي الفجر وبعدها بطلع للدوام وما اطلع من الدوام الا الساعة 3 العصر وبعدها نومه الى العشا وبعد العشا يبدا العيد عندي الى الساعة 2 وبعدها نوووم عشان عندي دوااام بدري ههههههههههههههههههههههههههه

Mr.Scrub · #12 30/09/2008, 01:50 AM

أهلاً أهلاً < شغال اليوم توزيع أبتسامات

كل عاام وأنتم بخيــر

طبعأ أن شاء الله بعد صلاة الفجــر نتجهز للعيد وأنواع الحوســه

بعد صلاة العيــد نروح نزور الجيران

ثم نـروح لأخوالي

على الساعــه 9 نروح لأجتمع العائلــه كلها

< عليهم وقت الصبح

طبعاً يروح اللي يروح وبعضهم ينحااش يروح ينام

بما أني أتكلم عن نفسي أروح أنام
لاني بشوف بعضهم الليل والبعض نشوفهم من بكــره

طبعاً العائله كلها... اللي هي عيال العم ...

مسئلة أجتمع الصبح مسئله صعبه

لان الأجتماع في الرياض

وأن في سدير

المهم أروح أنام للمغرب ثم أقــوم اروح للي ماسلمت عليهم

ونجتمع مع أخوياي

< يــوم ساامج

كان هنا · #13 01/10/2008, 02:59 AM

أهلين فيكم ..
الي يسأل عن وليد موقوف ولا مسافر .. لالا مسافر مسافر

..
اخوي fff
الله يعينك ومأجــور ان شاء الله

؛؛

/

موديل توب .. أنت للحين شابك غلط مع رمضان .. ما سويت ابديت

؛؛

\

كل واحد سيّر ع الموضوع اقول له مشكور .. وكل واحد عقب أقول له كل عام وأنــت بخير

..

\

ALMALAKY · #14 01/10/2008, 03:35 AM

إقتباس

الرسالة الأصلية كتبت بواسطة كان هنا


	أهلين فيكم .. الي يسأل عن وليد موقوف ولا مسافر .. لالا مسافر مسافر .. \

ههههههههههههههههههههههههههههه

هلا ابو داحم

يابن الحلال والله العيد الحمد لله وناسه وحسيت بوسعه صدر

لكن صارلي شي قبل العيد بيوم هو الي ضيق صدري شوي

قبل العشر الأواخر سلمك الله جتني صدمه مع الجنب في الموتر .. ووديته للصناعيه
وماطلعت إلا قبل العيد بيوم يوم طلعت السيارة الظهر وصدمت بالليل

قضاء وقدر
سلمك الله انا مخلي السيارة مفتوحه وكنت مدخلها بالحوش ولا طفيت الموتر على
اساس اني ابجيب اغراض حقت العيد طلعت للحوش إلا السيارة دحدرت وطلعت
من الحوش كان فيه نزله حقت الباب وطلعت على الشارع وصدمت بيت مهجور قبال بيتنا

حتى ماصار لي عشر دقايق مطلعها من المغسله غاسلها للعيد
وقتها كرهت كلي شي حتى حسيت اني مانب مستانس بالعيد ولا شي
الظهر طلعتها من الصناعيه الليل صدمت

لكن ماأقول إلا ان شاء الله انها خيره

يوم العيد الحمد لله صليت العيد بالمسجد وبعدها رجعت البيت شوي بعد الصلاة
أجتعموا جماعه المسجد بحارتنا وكل(ن) جايب عيديته ونسلم ونتعايد وبعدها طلعت
ورحت عايدت الي اعرفه رجعت على الساعه 8 تقريباً جلست اعايد الي عندي
عندي بالمسن وعلى الخاص
ونمت للظهر وطلعت للعم بالاستراحه للعصريه تقريباً وبعدها رجعت وجاني فني الأتصالات حسبي الله عليهم

النت يشتغل ساعه ويخرب يوم

وتلفون البيت مافيه حراره من اسبوع قعد للمغرب وصلحه الحمد لله
بعد المغرب أجمتعوا أهلي في البيت عندنا وعلى الساعه 9 ونص رقيت للسطح
قاعد اشوف طراطيع ملعب الملز

وبعدها تعشينا وطلعت مع العيال مارجعت إلا الساعه 2 تقريباً

وبكرا وبعده نكمل العيد إن شاء الله

بس الحمد لله العيد هذي السنه وناسه

والله يعيده علينا وعليكم إن شاء الله

كل عام وانتم بخير

عبد الملك

عاشق الموهوب 10 · #15 01/10/2008, 04:46 AM

وعليـكم السـلام ورحمـة الله وبركـاته ,,

أنا يومي تقريباً بسيط .. طبعاً ليلة العيد راسي يصدع ليه انا في العاده أخلص أغراضي قبل ليلة العيد بيوم او يومين ..
لكن في يوم العيد تطلع لي الف شغله .. بالنسبه لي يوم العيد ..
الساعه 3 دخلت عند الحلاق

اللي حاجز عنده قبل اسبوعين .. وحلاقه وسنفره وتنظيف المهم طلعت من عنده الساعه 4 ..
رحت محل عالم الرجل واشتريت عطر لي وشماغ لأخوي << هامل وانا بلشان فيه

المهم رجعت البيت الساعه 4 ونص جلست عالنت اشوي واتذكرت ان شماغي عند الكواي واروح عنده والقى المحل مليان قلت الله يستر لا تكون فيه مشكله وأدخل وألقى كل واحد معاه شماغ يالله يا محمد بسرعه يا محمد اكوي .. المهم انتظرت ربع ساعه واخذت شماغي وشماغ اخوي .. وصلت البيت ورحت صليت الفجر وعلى طول رجعت اخذت لي شور عالسريع ولبست وأتكشخت

وطلعت صليت وبعد الصلاه رحنا لبيت جدي الله يشفيه واجتمعنا كلنا أعمامي وعيال أعمامي وبعدها جبنا فطور القرموشي وفطرنا والساعه 11 رجعت البيت وتابعت شر النفوس الى 12 وبعدها نمت إلى الساعه 7 قمت صليت ,, وبعد العشاء جلست عالنت اشوي الساعه 10 اخذت الأهل وطلعنا نعيد على الأقارب الى 12
رجعت البيت نزلت الأهل ورحت عند أخوياني

وطعلنا تعشينا المهم الساعه 2 ونص رجعت البيت وعلى النت وسلامتكم وبس هذا يومي ..

أتمنى ما طولت عليكم .. وسامحوني اذا الكلام في غلط لأني كتبت عالسريع ..
هذا اللي عندي .. وكـل عـام وأنـتم بألـف خـير ..