## جريدة المدينه او المفروض نمسيها جريدة كبسه ربع لانها معروف عنها انها من افضل انواع الجرايد اللي ينفرش عليها الغدا خاصه طبعا للناس اللي توصلهم ببلاش في اعمالهم ولا ما قد خبرت اني شفت واحد يشتريها ابد ولو اشوفه سميت عليه .. يمدحونها مره للكبسه يقولون انها تشرب الزيت ولا توصخ الفرشه وعلى ايام زمان قبل ما يمنعون الجرايد من المخابز كانوا يتطاقون عليها ويتسابقون عليها علشان يلفون بها الخبز وخاصه التميس ... اما عاد ما يكتب فيها فهو مثله مثل اهلا وسهلا اللي على السفره اللي تباع في السوق




## يوسف الثنيان وهو يمشي متجه للمنصه التفت على النزهان يا حبي له بعد وقال له تتحداني ارقى المنصه وانا مغمض ؟؟ قال له : ليه ؟ قال تعودت ارقى هالدرجه صرت ارقاها اكثر من درجة بيتي يالله لك الحمد حتى مره من المرات اذكر اني قلت لمدير ملعب الملز في وحده من البطولات ترى الدرجه العاشره منكسره ودايم اعثر فيها ياليت تصلحونها قال لي ان شاءالله ويوم جت البطوله اللي عقبها واناديه واقول له هماني قايل لك صلحوها شف بغيت اطيح فيها مره ثانيه الله يهديك قال لي معليش ان شاءالله بنصلحها ولا يكون خاطرك الا طيب

## منصات التتويج اصبحت تتلون باللون الازرق حتى لو صار لونها غير


## الهلال اخترع بدعه جديده هالموسم ان الكابتن يرتاح في المباراه النهائيه ويتسلم الكاس ... مع الخبره في المنصات اصبح الهلال صاحب سبق عجيب والا سامي الجابر يتسلم الكأس وهو المدرجات ويوسف يتسلم الكاس وهو في الاحتياط وهو طبعا يعكس متى ترابط الهلاليين مع بعض وان الكبير له حقه مهما كان .. لله درك من هلال


## بغيت ارحم واحد من الاتحاديين يوم شفته يصيح بس يوم تذكرت البلوي قلت ساد جعله يصيح الين بكره ..

## في المنتديات اللي تكتب ضد الهلال تجاوزت كثيرا في السب والشتم وللاسف ان مدينة الملك عبد العزيز لاهيه عنهم والا زي هالنوعيه من البشر المفروض يحجرون عليهم

## في مقابلة سمو الامير بندر بن محمد في صدى الملاعب بصراحه ابدع ايما ابداع وتكلم كلام حلو لكن فيه شي لفت نظري الا وهو التعامل الراقي اللي لمسناه من سموه مع سمو رئيس النادي اثناء المكالمه قمة الاخلاق والروعه عندما قال انا استاذنت من سمو رئيس النادي للحضور هنا يعني اخلاق رائعه ما بعدها اخلاق يسلم راسك والله انت وابوفهد .. بصراحه درس حلو نتعلم منهم والله ..

## دخول اداري الاتحاد مر مرور السلام ولا كأن شي كان حتى ولا صحيفه كتبت عنه للاسف لكن عاد الكشوى على الله والا يوم صالح النعيمه الله يكفينا الشر الدهام كنه يبشر الناس بالسيل منول في نفس الليله وهو يعلن خبر توقيفه .. ايه يا دنيا ناس وناس


تحياتي

يا هلا والله بمشعل

جريدة المدينة يا حليلهم
والله أنك صادق أحسن جريدة لربع الكبسة
ما أقول إلا حتى الميت ....

يوسف والمنصات ...
المنصة تستغرب عندما لا يصعد لها يوسف ؟؟؟
صعود يوسف للمنصات بدى ينافس بطولات بعض الناس ;)
حين تذكر يوسف تتذكر المنصات والعكس ..

إقتباس سامي الجابر يتسلم الكأس وهو المدرجات ويوسف يتسلم الكاس وهو في الاحتياط

هذه لا تجدها في أكبر الفرق حصريا في الهلال

إقتباس ## دخول اداري الاتحاد مر مرور السلام ولا كأن شي كان حتى ولا صحيفه كتبت عنه للاسف لكن عاد الكشوى على الله والا يوم صالح النعيمه الله يكفينا الشر الدهام كنه يبشر الناس بالسيل منول في نفس الليله وهو يعلن خبر توقيفه .. ايه يا دنيا ناس وناس

والله أنك صادق بس أخوي مشعل لا تنسى أن صالح كان لابس أزرق وأبيض وهذا هو سبب التوقيف والا غيره سوى أشد منه وتجيه خطابات شكر وتكريم

تقبل خالص تحياتي ,.,

إقتباس ## يوسف الثنيان وهو يمشي متجه للمنصه التفت على النزهان يا حبي له بعد وقال له تتحداني ارقى المنصه وانا مغمض ؟؟ قال له : ليه ؟ قال تعودت ارقى هالدرجه صرت ارقاها اكثر من درجة بيتي يالله لك الحمد حتى مره من المرات اذكر اني قلت لمدير ملعب الملز في وحده من البطولات ترى الدرجه العاشره منكسره ودايم اعثر فيها ياليت تصلحونها قال لي ان شاءالله ويوم جت البطوله اللي عقبها واناديه واقول له هماني قايل لك صلحوها شف بغيت اطيح فيها مره ثانيه الله يهديك قال لي معليش ان شاءالله بنصلحها ولا يكون خاطرك الا طيب

عسى الله لا يغير علينا

الله يعطيك العافيه اخوي مشعل

كلام جميل وحلو

لكن احلى شي قصة الثنيان والنزهان

اما جريدة الوافدين ......... لاتهمك

هل الى الآن موجود جريدة بهذا الأسم

إقتباس للناس اللي توصلهم ببلاش في اعمالهم ولا ما قد خبرت اني شفت واحد يشتريها ابد ولو اشوفه سميت عليه

إقتباس يوسف الثنيان وهو يمشي متجه للمنصه التفت على النزهان يا حبي له بعد وقال له تتحداني ارقى المنصه وانا مغمض

لان النزهان قبل بداية المباراه متراهن هو يوسف إن النزهان يطلع الكوره من المرمى بدون مايشوفه الحكم

إقتباس مره من المرات اذكر اني قلت لمدير ملعب الملز في وحده من البطولات ترى الدرجه العاشره منكسره ودايم اعثر فيها ياليت تصلحونها قال لي ان شاءالله

والله أنا اتوقع إن سبب الكسر اللي في الدرجه وحده من انبراشات محمد نور

إقتباس الهلال اخترع بدعه جديده هالموسم ان الكابتن يرتاح في المباراه النهائيه ويتسلم الكاس

وبطولة السوبر الاسيوي بيتسلم الثنيان الكأس بالثوب والغتره والعقال ;)

إقتباس سامي الجابر يتسلم الكأس وهو في المدرجات ويوسف يتسلم الكاس وهو في الاحتياط

وأزيدك من الشعر بيت .. الهلال يفوز بكأس آسيا ورئيسه في المكسيك ;)

إقتباس والا يوم صالح النعيمه الله يكفينا الشر الدهام كنه يبشر الناس بالسيل منول في نفس الليله وهو يعلن خبر توقيفه

الله يرحم فيصل بن فهد
توفى الله يرحمه ... وصارت زكيه زكريا تعيث فساداً بالاتحاد السعودي ولجنة حكامه ولجنته الفنيه !!!!!


@@ مبروووك حبيب قلبي مشعل
ما قلت لكم إن مشعل وجه خير على الهلال

حلوه سالفة الدرج
واتوقع الشلهوب بيحفظ بعد عدد الخطوات بعد سنتين ان شاء الله

اللة يعطيك العافية

اخوي مشعل

يعطيك العافيه اخوي مشعل ،،
اما سالفة الدرج ،،
ههههههههههه
الله لايغير علينا ،،
قولو آمين0

looool

هلا وغلا والله اخوي : مشعل ..

الف مبروك البطولة عليك يا هلالي يا اللي تعشق الزعيم ..

وعز الله صدقت في حق جريدة الخبز .. أو جريدة ربع الكبسة كما قلت .. جريدة ( المدينة )

وعسى الله يديم علينا نعمة الهلال وانا اخوك

ولك خالص تحياتي ..

إقتباس المشاركة الأصلية كتبت بواسطة مشعل ## جريدة المدينه او المفروض نمسيها جريدة كبسه ربع لانها معروف عنها انها من افضل انواع الجرايد اللي ينفرش عليها الغدا خاصه طبعا للناس اللي توصلهم ببلاش في اعمالهم ولا ما قد خبرت اني شفت واحد يشتريها ابد ولو اشوفه سميت عليه ..

نعم أنا من الناس اللي تجيهم هالجريدة ببلاش ( يعني تراني مدير

عام , ولا يمكن فراش المدير يضف الجرايد اللي مايبيها هالمدير )

المهم ......... إذا فزنا على فريق المخططين , والله أستانس من

الروائع المكتوبة فيها , لكن ماعندي وقت أنقل كل شيء.

لكن يبدو إن الهبال زاد عن حده ........ تصدقون إنهم لا يزالون

يتبادلون التهاني بالفوز ببطولة الدوري !!!!!!!!!!!!!!!!


أما سالفة أبو يعقوب , فهذه من روائع الدكتور .........

إقتباس المشاركة الأصلية كتبت بواسطة مشعل ## يوسف الثنيان وهو يمشي متجه للمنصه التفت على النزهان يا حبي له بعد وقال له تتحداني ارقى المنصه وانا مغمض ؟؟ قال له : ليه ؟ قال تعودت ارقى هالدرجه صرت ارقاها اكثر من درجة بيتي يالله لك الحمد حتى مره من المرات اذكر اني قلت لمدير ملعب الملز في وحده من البطولات ترى الدرجه العاشره منكسره ودايم اعثر فيها ياليت تصلحونها قال لي ان شاءالله ويوم جت البطوله اللي عقبها واناديه واقول له هماني قايل لك صلحوها شف بغيت اطيح فيها مره ثانيه الله يهديك قال لي معليش ان شاءالله بنصلحها ولا يكون خاطرك الا طيب

وأنت الصادق قال له : ( تراني ابجيكم قريب ,,,عسى عندكم وقت

ويمديكم تصلحونها , ويوم جاء مرة ثانية , قال المدير : تراك

عجلت علينا , ذبحتنا , ما يصير ,,,,,,,,, تخبرون المدير نصراوي ).


وأبو يعقوب ورث حب صعود المنصات عني أنا المعلم الأكبر

( الإمــــــــــبـــــــراطــــــــــور )

وقبلي وبعدي كثيرون , وعد معي كم كابتن هلالي رفع كأس !!!!!

1 - مبارك عبدالكريم.

2 - عبدالله فودة .

3 - ابراهيم اليوسف .

4 - صالح النعيمة .

5 - فهد العبدالواحد .

6 - سلطان المهنا .

7 - منصور الأحمد .

8 - فهد العشيوي .

9 - حسين الحبشي .

10 - يوسف الثنيان .

11 - سامي الجابر .

12 - عبدالله الشريدة .

13 - فيصل ابو ثنين .

ثلاثة عشر كابتنا رفعوا الرؤوس قبل الكؤوس .

في الوقت الذي نجد فيه كباتنة إعتزلوا ولم يفرحوا برفع كأس عصير .


هذه هي الإنجازات وهذا هو التميز , اللهم لا حسد .


تحياتي لك وللجميع .


.