بسم الله الرحمن الرحيم


اخواني واخواتي جمهور نادي الزعيم ..

في البداية.....



يا أيها الذين آمنوا أوفوا بالعقود "هذا أمر من الله تعالى لعباده المؤمنين، بما يقتضيه الإيمان بالوفاء بالعقود: أي بإكمالها، واتمامها، وعدم نقصهِا ونقِصها .



كيف نبغى التوفيق في هذا الموسم وحنا لم نلتزم في شيء مهم؟

هذا السؤال من الناحيه الدينية..

لماذا لم يأخذ برآي الجمهور الهلالي ويتم (على الأقل عملية تصويت) في مسألة عقد نادينا نادي الهلال؟

سؤال موجه من الجمهور الهلالي للأداره الموقرة..


-------------------------


لايولدغ المؤمن من جحر مرتين ياإدارتنا..!!

هل نسينا مماطلة شركة الاتصالات في دفع ماعليهم في السابق(عندما كان الراعي الرسمي للهلال)..؟

هل نسينا ام تناسينا معاملتهم مع نادينا وباقي الأندية الأخرى..؟

---------------------------

احبتي اقسم بالله العظيم أني لا اريد ان اشعل فتيل الحرب بيننا..لاكن ماذا فعلت موبايلي للهلال في سنة.؟

وماذا فعلت شركة الأتصالات لنادي الهلال في سنتين او سنة..؟

أسألة لكم ياليت تجاوبون عليها.


تحياتي للجميع,,

ردي تجده بتوقيعي
..................

إقتباس الرسالة الأصلية كتبت بواسطة re_life * حيااكم الله أخي الفااضل . . * في البدااية أسال المولى . . أن لا يؤخذنا فيما نجتهد فيه و تجتهد فيه إدارتنا الموقرة . . فالموضوع . . لا يحتمل كونه عقد يفض بشروطه المدونة أثناء التوقيع * و إن كنت وما زلت سأبقى بإذنه تعالى . . من المؤيدين لعقد الشركة مع موبايلي . . * و لكن يجب أن نكون . . هادئين و نبعث الهدوء في الأرجااء . . فالمساءلة لم تحسم بعد ( و لعل الله يحدث بعد ذلك أمرا ) * و يبقى دورنا في إبداء الرأي الشخصي . . حول الموضوع و تقديم ما يدعم موقفنا . . القابل او الراافض للشراكة مع الراائعة و الافضل على الاطلاااق موبايلي * اعتقد يجب أن يتناول الموضوع . . على اساس عقد تم توقيعه بشروط . . و تم استمراره ( يااارب ) . . أو فسخه ( لا قدر الله ) وفق البنود التي تكون تحت مسمى الشرط الجزائي . . * و الدعواات أن تستمر موبايلي شريكةً لهلااالنا * و تقبل تحيااتي . . و اتمنى أن تصلك هذه السطور و أنتم بأتم صحه و عافية *

بارك الله فيك ويجزاك خير اخوي

يا عزيزي .. العقد شريعة المتعاقدين !!
ونحن اوفينا بالعقد .. الذي فيه من اراد انهائه يدفع مبلغ وقدره !!
وصلى الله وبارك !!
ما يبيلها فلسفة !!

إقتباس الرسالة الأصلية كتبت بواسطة الزعول2006 يا عزيزي .. العقد شريعة المتعاقدين !! ونحن اوفينا بالعقد .. الذي فيه من اراد انهائه يدفع مبلغ وقدره !! وصلى الله وبارك !! ما يبيلها فلسفة !!

طيب اذا انت عارف انه بيجي يوم وبتفسخ عقد لاتوقعه من الاساس..!!

بعدين يااخوي ياليت تحسن اسلوبك من الي تفلسف.؟

وجهة نظري عجبتك رد ماعجبتك قفل الصفحه ولا اطلع من الموضوع.

إقتباس الرسالة الأصلية كتبت بواسطة هوس المدرجات - H50 لاإضافة على كلام الأخ الفاضل [ ري لايف ] ,, نتمنى أن لانأخذ الموضوع بعيداً عن منحـاه الأساسي ْ ,, فكل عقد هناك طريقة لفسخه ,, ومن حقنا التعبير عن آرائنا ,, والله يوفق إدارتنا لما فيه مصلحة لهلالنا ,,

واظح من توقيعك انك تحب موبايلي..

لاكن اذا تبي الجد اغلب الجماهير ماتبي الاتصالات طيب وش الحل؟

إقتباس الرسالة الأصلية كتبت بواسطة هـلال العمر طيب اذا انت عارف انه بيجي يوم وبتفسخ عقد لاتوقعه من الاساس..!! بعدين يااخوي ياليت تحسن اسلوبك من الي تفلسف.؟ وجهة نظري عجبتك رد ماعجبتك قفل الصفحه ولا اطلع من الموضوع.

لا ياخوي ما اقصد ما يبي لها فلسفة .. يعني ما يبي لها ادله ونخاف وغدارين !!
يا عزيزي ..جاك عقد افضل .. او حسيت انك مغبون في العقد .. أكيد راح تدور مصلحتك !! وهذا الاستثمار .. لاتهتم الا بمصلحتك والا اكلوك !

عندي عقد موبايلي افضل من الاتصالات بمئة مره وثاني شيء ان نسينا حفل اعتزال سامي كان افضل اعتزال لأن كان الراعي الرسمي موبايلي وشكرن

إقتباس واظح من توقيعك انك تحب موبايلي.. لاكن اذا تبي الجد اغلب الجماهير ماتبي الاتصالات طيب وش الحل؟

نعم أنا أحب موبايلي لأنها راعي للهلال ,, وحبي للهلال أكبر من أي حب لـ جهة ماْ ..

رأيي يضل رأي ْ يفتقد لكثير من الرؤى الخاصة بهكذا مجال إستثماري ْ ..

وماأعلمه جيداً أن رجال الهلال .. أحرص مني ومنك في هذا الموضوع ..

وماأتمناه ان نكون واقعيين في التعبير عن وجهات النظر , فالرفق لم ينزع من شيء إلا شانه ..

ولكن هذه الجماهير التي استشهدت بها لماذا هي لاترغب بالإتصالات ..

ينبغي اذا رفضنا عقد وفضلنا عقد أن نتطرق للأمور (الاستثمارية) فقط ْ .. بعيداً عن (العواطف) ..ْ




تحياتي لك ( ورده ) ..,,

يا اخوي أنت وش حارق رزك
تبي موبايلي خلك معها وماهو ضروري تنقل خطك للإتصالات
المسألة وأنا أخوك أربعين مليون زيادة سنوية على عقد موبايلي
بالله عليك لو كنت مكان رئيس الهلال ترفض هذا الدخل
خلونا نكون منطقيين وعقلانيين
فيه شرط جزائي يندفع ويفسخ العقد ببساطة
ليست مشكلتنا أن شركات الاتصالات تتحارب علينا
وهذا تأكيد واضح لجماهيرية الزعيم واكتساحه الأندية السعودية بدون منازع

إقتباس الرسالة الأصلية كتبت بواسطة الزعول2006 لا ياخوي ما اقصد ما يبي لها فلسفة .. يعني ما يبي لها ادله ونخاف وغدارين !! يا عزيزي ..جاك عقد افضل .. او حسيت انك مغبون في العقد .. أكيد راح تدور مصلحتك !! وهذا الاستثمار .. لاتهتم الا بمصلحتك والا اكلوك !

معليش اخوي انا اسف ..

بس الفلوس ياعزيزي مو كل شي انت شوف بنفسك المميزات الي معطينها لك موبايلي.

بعدين يا اخوي يكفي ان الشركة راعية ناديك انت فقط وغير كذا ترفض انها تتعاقد مع نادي اخر لأنها عاملة مكانه خاصة

لنادينا الغالي..

موبايلي شاريه الهلال والهلال بايعها..ليه طيب عشان 5 مليون..؟

مااشوف انها فرق كبير يعني و بصراحه مو فارقة لا مع عبدالله بن مساعد ولا مع عبدالرحمن بن مساعد.

واذا تتكلم عن مصلحة النادي صدقني مصلحة الهلال موبايلي.

التميز يكون بموبايلي

.................................................

ماتلاحظون انه مواضيع دعم موبايلي كلها جايه من اعضاء تاريخ تسجيلهم 2008 و2007


يعني من فتره رعاية موبايلي للهلال


ترى هاذي حمله لنشر رأيهم وخلق جبهه ضغط على الاداره الهلاليه.. حيث ان هالمنتدى صاير الصوت اللي يوصل لهم ويعبر عن ارائه جماهير وابناء النادي ... ولكن نحن كهلاليين لا تهمنا هالحمله ... وبنتظر قرار عبدالله بن مساعد ... والله يختار للأزرق مافيه الخير