سأبتعث الى أمريكا .. نصايحكم تكفووووون - نادي الهلال السعودي - شبكة الزعيم

لاعب حواري · #1 10/09/2008, 02:54 PM

السلام عليكم

بعد شهرين من الآن سوف أسافر الى الولايات المتحدة للابتعاث لمدة سنة .

وسيكون الابتعاث في مدينة سان انتونيو بولاية تكساس ..

أرجو من الأخوة الذين سبق لهم السفر الى هذه الولاية بان لايبخلون علينا بأي نصيحة تخص ( المطار وإجراءاته - السكن وأسعار الشقق - والأهم من ذلك كيف أتابع الدوري السعودي خصوصا مباريات الزعيم )

وشكرا

dal3_uae · #2 10/09/2008, 02:59 PM

اهم شي مباريات الزعيم ...

لا تحاتي ...
ابوظبي الرياضية ناقله مبارياتكم ...

::

بالتوفيق لك ... وان شاء الله تروح وترد بالسلامة ...
وان شاء الله وانته ياي يايب معاك الشهاده اللي ترفع فيها راس أهلك ...

::

موفق ان شاء الله
ورده

::

||| دلووووعة الامارات |||

كان هنا · #3 10/09/2008, 05:21 PM

.
.
.
وعليكم السلام ورحمة الله وبركاته
الله أكبـر .. من لاعب حواري إلى مبتعث في تكساس

..
أمزح معك

..
\
فيه منتدى الهلاليين المغتربين</STRONG> بيفيدك أكيـد

.
.
.
.

سنتياجو هلالي · #4 10/09/2008, 06:35 PM

الله يوفقك ويسعدك
انا مبتعث الى بريطانيا

تبي الصحيح اول اسبوعين بتموت من القهر وبيجيك انواع الاحاسيس الغريبه
لكن استحمل وخلك رجال
ولا تحارش احد

وبالنسبه للجامعه هالله هالله بالحضور ولا تغيب

ورح سجل بمنتدى الهلاليين المغتربين

وبالتوفيق يالغالي واذا احتجت شي انا موجود

GoLdEn 11 BoY · #5 10/09/2008, 07:50 PM

سان انتونيو مدينه حلوه ..,

انا درست فيها ثاني ثانوي يعني تقريبا من 5 سنوات ... صراحه رايقه المدينه والله يوفقك..

اهم شئ انتبه لدراستك..

سلام .. اخوك محمد

لاعب حواري · #6 11/09/2008, 01:48 AM

التفاعل جدا ممتاز يازعماء

يعطيكم العافية

منزن · #7 11/09/2008, 05:18 AM

ناوي تدرس وتتابع مباريات الزعيم هههههههههههههههه

بالتوفيق بس انتبه للدراسه تراها اهم من المباريات ...

الرحوم · #8 11/09/2008, 08:54 AM

ماشاءالله مو انا كلية المعلمين الله يوفقك ويرزقك ويزوجك

خوليو الأزرق · #9 11/09/2008, 10:49 AM

الله يوفقك وتروح وترد بالسلامه , الدراسه بأمريكا سهله إن شاء الله وتعتمد على الحضور والواجبات ,
أما الأسعار فيه الغالي وفيه الرخيص.
بالتوفيق لك .

Dr.ZeeKoo · #10 12/09/2008, 11:51 AM

السلام عليكم
والله ياخوك اذا فيه نصائح تبغها فهيا كثير لاكن بحصرها لك في الي طلبته

المطار : اهم شي لايكون في لاب توب حقك برامج تقليد او خرائط للدول المنبوذه او اي شي يرتبط فيها وطبعا لما يسئلونك لاتكون خائف او متردد خلك واثق وهادي

الشقق: اذا لغتك ضعيفه لزم تسكن في سكن طلاب الجامعه الغرفه المشتركه او اذا لغتك حلوه مافي احد يقدر يفيدك لانو لزم تشوف بنفسك وتناظر وتقرر انت بنفسك

مباريات الهلال انا اشوفها في اي ار تي الامريكية او اذا ماتقدر تشترك فيها

عندك موقع قناة ابوظبي او موقع القناة الرياضية السعودية

والله يوفقك ويستر عليك يارب

ARCN · #11 13/09/2008, 08:56 AM

حياك الله. وترى كل شيء سهل. المطار احيان اذا جاي من مطار عربي ممكن تتاخر بالتفتيش شوي .. لا تنسى اوراقكك
وتعبي نموذجين في الطائرة. ولاتنسى تاخذ اللابتوب والاوراق المهمة معاك في الطائرة..وهيء نفسك قبل ماتصل . واكيد اول اسبوعين رايح تطفش مرره بس عليك بالصبر واذا اول اسبوع بالجامعه . بس ايضا عليك بالصبر والاستعانه باللله. وابعد عن زملاء السوء تراهم للاسف كثير ...وركز على دراستك خصوصا البداية ......

AL7UB · #12 13/09/2008, 09:41 AM

الله يوفقك ويرجع لأهلك سالم غانم
انتب لنفسك وخلّك رجال
أوصيك بالصلاة والإبتعاد عن أصدقاء السوء
معليش ماعندي معلومات تفيدك

لاعب حواري · #13 25/09/2008, 05:40 AM

إقتباس

الرسالة الأصلية كتبت بواسطة Dr.ZeeKoo


	السلام عليكم والله ياخوك اذا فيه نصائح تبغها فهيا كثير لاكن بحصرها لك في الي طلبته المطار : اهم شي لايكون في لاب توب حقك برامج تقليد او خرائط للدول المنبوذه او اي شي يرتبط فيها وطبعا لما يسئلونك لاتكون خائف او متردد خلك واثق وهادي الشقق: اذا لغتك ضعيفه لزم تسكن في سكن طلاب الجامعه الغرفه المشتركه او اذا لغتك حلوه مافي احد يقدر يفيدك لانو لزم تشوف بنفسك وتناظر وتقرر انت بنفسك مباريات الهلال انا اشوفها في اي ار تي الامريكية او اذا ماتقدر تشترك فيها عندك موقع قناة ابوظبي او موقع القناة الرياضية السعودية والله يوفقك ويستر عليك يارب

ماقصرررررررررت

والظاهر بسكن بالمعهد اول شهر لين يحلها ربك

sniper_991 · #14 25/09/2008, 07:09 AM

تروح بالسلامه .. والله يوفقك لتحصيل مرادك .. ما قد رحت لها .. تبغى شي عن الهند ابشر من عيوني ..
بس اوصيك بتقوى الله .. واحفظ دينك
ونستودعك الله

سعودي في ميامي · #15 25/09/2008, 10:45 AM

الله يوفقك ياخوك

انا مجود في ميامي اذا اي خدمه ابشر