|
السلام عليكم ورحمة الله وبركاته يعطيك العافيه اخوي والله يجزاك خير علا النقل بس فيه كم نقطه حبيت اطرح فيها رأيي علا مقال أ: الموسي : انا لي 8 سنوات الان في امريكا والحمدلله ماني مبتعث ولا ابغا ابتعاثهم يقول انو فيه برنامج لمدة اسبوعين يكون لطلاب الجدد للتوضيح البرنامج الي يقول عنه ماقد صار ولاحصل انا شغال مع الجامعه واذا وصل طلاب سعودين جدد انا اروح اجيبهم من مطار اسالهم كم قعدتو في الملحقية ماذكر انو فيه واحد قد قالي اكثر من يومين ؟؟؟!! مساله انو كان يركب سيكل في المانيا انا من عشاق المانيا وقد درست فيها لغه ابتعاث من جامعتي الي انا فيها الان ماذكر انو كان فيه احد مايركب سيكل حتي الي عنده سياره يركب سيكل يعني بشكل عام اغلب الشعب يركب سياكل هذا دون فرق الزمن والوقت بين الحاضر والماضي وبعدين الدكتور غازي القصيبي قد صرح عن التهم الي توجهة له انو سارق وناهب صرح بالحرف الواحد انا انسان انولدت في فمي ملعقة من ذهب !!! وفي كتابه الي كتبه عن دراسته في بريطانيا ناسي اسمه كتب فيه انو كان يركب سيكل !! ايش هل التخبط في الي يحصل في سعادة الوزراء واصحاب الكراسي !! اسف للأطالة ومره ثانيه يعطيك الف عافيه علا هل طرح المفيد والله يجلعه في موازين حسناتك اللهم اغفر للمومنين والمومنات |
Dr.ZeeKoo هلا بك والله وغلا ....... انورت متصفحي بطلتك واضافتك ... يالغلا بجد هالشيء وش يدل عليه مو على ضعف ايمان الله لايبلنا حرام عليهم هاذي خيانه للامانه (انا عرضنا الامانه على السموات والارض والجبال فأبين أن يحملنها واشفقن منها وحملها الانسان انه كان ظلوما جهولا ) (كلكم راع وكلكم مسؤول عن رعيته ) اذا هالمسؤولين ماقاموا بواجبهم من يقوم بواجبه خصوصا المسؤولين اللي ماسكين مسؤوليه مثل هاذي هذولا يمثلون دولتنا وسمعتنا واي ضرر على طلابنا راح يكون برقبته ومسؤول عنه امام رب العالمين في يوم يفر المرء من أخيه وأمه وأبيه وصحبته وبنيه .. من جد تستغرب من بعض تصرفات الناس عش رجبا ترى عجبا .. من جد بعض الناس يعلمونك صح تفسير قوله تعالى : (واصبر وماصبرك الا بالله ) شرفني تواجدك ... خالص مودتي وتقديري |
الموسى مع احترامي لك تعال شوف الطلبه لي يشتغلون هنا لي يشتغل في مطعم والثاني شغال في موقف سيارة صح انو الشغل مو عيب بس انا انسان جاي ادرس ماني جاي اشتغل وذا على الطلاب الى في ستاربكس هذي الراتب البعث مايهتمون فيها |
الله يعينكم مكفاتنا المبتعثين لفرنسا 1200 يورو يعني 6000 ريال ضنكم تكفي ؟ ولا حقين الوزاره الموسى وغيره زارفينا !!!! |
^^^^^^^^^^ شوفو شباب خذوها قاعده الي يبي يبتعث لا يعتمد على راتب ( مكافأة) الوزارة يعني مثل مايقولون مكافاة الوزراة خلوها بلس على الي تاخذون من اهلكم يعني هم يعطونك 5000 ريال واحسبها بعملة بلدك الي تدرس فيها خلهم يزودون مثلها وبلى منت الموسى وامثاله |
هذا المفروض ياكل تبن وينطم |
ما يشفون مكافأت طلاب الامارات و قطر .. اضعاف الي عندنا !!؟؟ .. .. .. |
http://www.alwatan.com.sa/news/image...is.p36.n36.jpg سؤال للموسى وجميع المسؤولين الذين على شاكلته لو جأت لك دعوة للعمل في مكان آخر لن أقول خارج المملكة بل داخلها هل ستذهب دون أن تسأل عن قيمة بدل الإنتداب ؟ هل ستذهب دون أن تؤمن لك تذاكر الدرجة الأولى ؟ هل ستذهب دون أن تتأكد أن مقر إقامتك لن يكون في فندق أقل من خمسة نجوم ؟ أعان الله جميع إخواننا المغتربين وارجعهم لنا سالمين غانمين اللهم ارجعهم لبلدهم متسلحين بالعلم ومتمسكين بالدين |
شباب ادرسو واتعبو واشتغلو بالمحلات وشدو حيلكم تراكم ازعجتونا انتم يالمغتربين بغرف الشاتنق كل ماادخل غرفه القى اكثرها منكم يالمغتربين ماكن عندكم هدف بالحياة ولا بالتحصيل العلمي او الدراسي |
الله لايكثر من امثالة وجعلهم ينقرضون هالشكال الردية لاوبعد يبغونك تجتهد قسم بالله اني كنت اتوقع انهم مغرقينكم بالفلوس الله يعينكم ويصبركم الحمدالله اني بالسعودية عند اهلي |
1300 وش تكفي؟ بعدين الموسى هذا وش دخله يدفع من جيبه الله يخلي لنا ابو متعب اقل شي خلونا مثل الدول الثانيه على كلام المغتربين بعضهم يشتغل عشان يعيش طيب وين الرفاهيه الي يقول عنها الموسى ؟ اجل يبيهم يروحون على سيكل ؟ هذولاء عيال ابو متعب يادكتور مو هنود حسبي الله ونعم الوكيل ! |
كلامه سلييييم مــــــــــــــــــــــــــــــــــــــــن جد |
مشكور اخوي ..على الجهد الرائع ... وبا التوفيق يااارب |
هذا بيدفع شي من جيبه؟ وفي حاجة غير سعر السكن عندنا تااااااااكس يعني ضريبه |
حسبي الله ونعم الوكيل والله تقول كانه يدفعها من جيبه والله ثم والله لو ان وظع الطلاب الحقيقي يصل لبو متعب كان رفعوها بس يجيك زي ذا اليي مايتسمى ويجلس يقول كنت اروح بسيكل وش دخلنا فيك يومك تروح بسيكل المكافئه ماتجيبلك سيكل ليتها تجيب سيكل ما اقول الا حسبي الله ونعم الوكيل |
| الوقت المعتمد في المنتدى بتوقيت جرينتش +3.
الوقت الان » 10:20 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd