لاتجعل من ذكرى اليوم الوطني تاريخاً لمأساتك - صفحة رقم 2 - نادي الهلال السعودي - شبكة الزعيم

السمسار الهلالــي · #16 22/09/2008, 10:14 PM

بسم الله الرحمن الرحيم

صرآآحه هالشباب حالتهم مرثية , ويفقدون الناصح لهم ..

ويعلم الله اني ماني منه < مجانين التفحيط والهجولة

..

ياكم فقدت غالي بسبب تفحيط

لكن حنا والعيال , مقررين اننا نفطر في الواجهه البحرية

وفرشتنا مبسوطة ونتفرج بالعالم ..}

والله الموفق

الف شكر لـ أبوطلال

Hictar · #17 22/09/2008, 10:31 PM

هلا بعمي أبوطلال
على إني زعلان عليك شوي ، بس إنك تمون طال عمرك
أبشرك وصلت اليوم للرياض وخلصنا من الغثا
أما بخصوص اليوم الوطني فأنا أسمع عن السنوات اللي راحت
عن أمور غريبة
وأستغرب سكوت الأمن عليها !!!
مهما كانت الفرحة ما توصل للي نسمعه !!
وبالنسة للمواطنين ، والله ما همهم ( اليوم الوطني ) مع إحترامي للجميع
الشباب يدورن التجمهر علشان يسوون اللي بروسهم
وإلا أنت والكثير منا يذكر اليوم الوطني سابقاً
من يفتح التلفزيون لحد ما يقفل والبرامج كلها عن اليوم الوطني ( وصلى الله وبارك )
ولا شفنا تجمهر ولا سمعنا عن أمور ...............( ما أبغى أكتبها )

نبض المشاعر · #18 22/09/2008, 11:09 PM

إقتباس

الرسالة الأصلية كتبت بواسطة S K Y


	فعلا والله صدقت في كل كلمه قلتها والسنه الماضيه رأينا من المهازل مايشيب لها الرأس ( صياعه من الجنسين في الأسواق + تفحيط + أغاني بأعلى صوت ) والحصيله هو زياده سيئات ومعاصي لن تحتمل جلودنا عذابها يوم القيامه هذا الشهر الفضيل له حرمه .. وفي العشر الأواخر قد يكون غدا ليله القدر فيستجيب الله الدعوات سواء لك أو عليك اسأل الله ان يهدي شباب وبنات المسلمين شكـرا لك ابوطـلال على هذا الطرح المفيد ودائما أعتدنا منك كل ماهو راقي ومفيد دمت بصحه وعافيه برايفت

ولا تنسون بعد حرمة هالشهر

وهالعشر الأواخر

والله يسخط علينا بسبب فرحه تخطت حاجز الخط الأحمر للإحتفال بوطنا الأخضر

ادام الله علينا امننا وايمـــــــــــــاننــــــــــــــــا

m@n utd · #19 22/09/2008, 11:10 PM

والله أني اقول كذا بس مآ أحد يصدق .. وكنت أشك واقول لنفسي الحين انا الغلطان..!! .. بس والله صح 100% .. حنآ بعشر اواخر و شهر فضيل يعني حرام والله حرام الله يستر من بكره بس .. والله أني أنتظر موضوع زي كذا ومشكوور ولا قصرت بردت قلبي الله يبرد عليك بـ الجنه ..

m@n utd · #20 22/09/2008, 11:12 PM

إقتباس


	نبض المشاعر

كلآم سليم من رجل حكيم [ والله يسخط علينا بسبب فرحه تخطت حاجز الخط الأحمر للإحتفال بوطنا الأخضر ]

_ricardo_KAKA · #21 22/09/2008, 11:55 PM

هلا ابو طلال ... ذكرتني بموبايلي الهلال يوم نفوز على الأتفاق بكاس ولي العهد ارسلولي تعاونك مع رجال الامن وعدم مضايقت الناس امر حضار و..... والله ماني متذكر ايش قالو بظبط بس انه مثل كلامك .... وصدقت في كل كلمه قلتها ,, بكره يو الاستنفار السعودي للهيئه الموقره ولاتهون الشرطه الله يستر ويجيب العواقب سليمه

هلالي من ارض اليمن · #22 23/09/2008, 12:05 AM

الغالي ابو طلال وفارس

أتتني فكره : لماذا فقط يستأثر الأبن الأكبر بكنية والده مدى الحياه ؟! ومن موضوعك يا غالي اطالب ان يتم سرد جميع الابناء من الذكور في كنية والدهم حفظا لحقوقهم ومشاعرهم وحقهم في تخليد اسمائهم للتاريخ

يا كثر مطالباتي

لن اطالب بادراج اسماء البنات .. فجمعيات حقوق المرأة سوف تتكفل بذلك

خواتم مباركه ونسأل الله لنا ولكم والمسلمين ان يجعلنا من عتقائه " اللهـم آميـن "

كما نهنيك والأحبه السعوديين جميعا بهذه المناسبة التاريخية .. ونسأل الله الكريم ان يمن على بلاد الحرمين الشريفين " ارضا وحكومة وشعبا " كل الخير والبركات وان يديم عليكم نعمة الأمن والأيمان وان يجعل هذه الأرض المباركه منارا وصرحا في خدمة الاسلام والمسلمين ،،،

لك كل التحية يا غالي وجزاك الله خيرا على لفتتك الكريمه والحريصة

والله يعطيك العافيه

i am here · #23 23/09/2008, 01:10 AM

أصلا الإحتفال بيه ما يجوز

لأنو سار كأنو عيد واحنا المسلمين أعيادنا الفطر والأضحى فقط!!

خصوصا دي اليومين احنا برمضان وفي العشر الأواخر كمان

المفروض ينشغلو بالصلاة والعبادة

على طاري اللي يقول فنايل المنتخب خلصت

السواني أرسلو لأبويه

تخفيطات 50% على أي قطعة خضراء

بمناسبة اليوم الوطني

الــــجــــنــــرال · #24 23/09/2008, 02:30 AM

إقتباس

الرسالة الأصلية كتبت بواسطة بنت فهد


	الله يسلمك ما يجوز تقول العيد ماعند المسلمين الا عيدين (عيد الاضحى والفطر) فالله يجزاك خير انتبه تقول عيد

علامات التنصيص تعني نقل الخبر كما خرج من فم صاحبه

زادكِ الله حرصاً

&& هلااااااليه && · #25 23/09/2008, 04:09 AM

هلااا وغلااا ابو طلال

والله انك صاادق فيه ناس مدرري وشلون تحتفل
على انا في العشر الاواخر سبحان الله فيه ناس مدري شقول عنهم
حلو الواحد يفرح يصبغ ويستهبل
بس موب لدرجه انه يغضب الله
هذااا اذا ماكان الاحتفال حرام بعد (مدري مقدر افتي)
مثل اللي صار العام بنات ينزلون من السيارات ويترقصون

ولا اللي في مجمع المملكه صار قسم بالله شي يضيق الصدر

الاغااااني تردح والبنات والاولاد .....
ماقول الا الله يهديهم ويهديناا معهم

اخونا الصغير ربي يعطيك الف الف عافيه ع التذكير
عسى ربي يهدي الجميع

ورده

رعبوبة الزعيم · #26 23/09/2008, 04:59 AM

هلا والله ابو طلو .. ورده

مباركـ عليك العشر الأواخر

والله يجعلنا واياكم من المقبولين في هـذا الشهر

..

حنا يالطلاب ماراح نستفيد من اليوم الوطني

.. معطينا عطله وش طولها
حشى طفشنا

نبي نداوم .. حتى ماحسينا بطعم رمضان لأن مافي دوامات

والله يطول بعمر ملكنـا ويحفظه من كل شر

..ويوفقه لكل مافيه صلاح المسلمين

واللي يفحطون بالشوارع ناس مهابيل

.. يعني عيد وطني وشوله تفحطون؟؟

خلكم ببيوتكم ابرك

المشكله الضرر ماراح يجيهم بس هم لاسمح الله وصارت حوادث ..
حتى الناس اللي مالها ذنب راح تنضر ..

الله يهدي شبابنا ..ويصلحهم

ورده..
ابو طلال..
الله يعطيكـ العافيه

هلاليه سعودية · #27 23/09/2008, 05:14 AM

:
على أني "كما سمعت " مخططين يسون أحتفالات رقص وغناء بالرياض بالمولات الكبيره

لكن الله يهديــــــــــهم ان شاء الله ويصلحهم
وذكرى اليوم الوطني أكبر من أن نحتفل فيه بهذي الطريقه
الوطن حبه بالقلب

:
شكرا أبو طلال

ابو عابد2004 · #28 23/09/2008, 06:15 AM

الله يهدي شبابنا وبناتنا والله الايام هذي ايام فضيله ماهيب ايام هستره بالشوارع ورقص وتفحيط
اليوم الوطني مناسبه عزيزه على قلوبنا بس لاننسى اننا في العشر الاواخر

إحساس خالد · #29 23/09/2008, 07:26 AM

جزاك الله خير ،،،

________________

ابودحه الهلالي · #30 23/09/2008, 07:41 AM

بقولكم وشولون بقضي اليوم الوطني ..!!

زي اي يوم عادي قال ايش قال يوم وطني

..!!

استغفر الله بس يحرمون يوم الميلاد ويحللون اليوم الوطني ؟؟!!

انا مو مع يوم الميلاد استغفر الله بس يعني هو هو بس تغيير اسماء ..!!

لا تقولي هذاك عيد وهذا يوم اليوم الوطني يحتفلون فيه ويسوون مثل ما يسوون في الاعياد واكثر

يعني الاحتفال باليوم الوطني او التهنئة به حرآم لانه في السنة عيدين عيد الفطر وعيد الاضحى طيب خلاص انا بحتفل بـ يوم المولد موب عيد المولد وترا بحتفل بـ يوم ميلادي موب عيد ميلادي وبحتفل يوم راس السنة موب عيد راس السنة وبحتفل بيوم الكريسمس موب عيد الكريسمس ... إلخ ...!

في النهاية بقول شي واحد بس

][ اليوم الوطني عيد لكن بتغيير المسمى استغفر الله ][

اللهم اني صائم بس