لاتجعل من ذكرى اليوم الوطني تاريخاً لمأساتك - صفحة رقم 3 - نادي الهلال السعودي - شبكة الزعيم

ابودحه الهلالي · #1 23/09/2008, 07:41 AM

بقولكم وشولون بقضي اليوم الوطني ..!!

زي اي يوم عادي قال ايش قال يوم وطني

..!!

استغفر الله بس يحرمون يوم الميلاد ويحللون اليوم الوطني ؟؟!!

انا مو مع يوم الميلاد استغفر الله بس يعني هو هو بس تغيير اسماء ..!!

لا تقولي هذاك عيد وهذا يوم اليوم الوطني يحتفلون فيه ويسوون مثل ما يسوون في الاعياد واكثر

يعني الاحتفال باليوم الوطني او التهنئة به حرآم لانه في السنة عيدين عيد الفطر وعيد الاضحى طيب خلاص انا بحتفل بـ يوم المولد موب عيد المولد وترا بحتفل بـ يوم ميلادي موب عيد ميلادي وبحتفل يوم راس السنة موب عيد راس السنة وبحتفل بيوم الكريسمس موب عيد الكريسمس ... إلخ ...!

في النهاية بقول شي واحد بس

][ اليوم الوطني عيد لكن بتغيير المسمى استغفر الله ][

اللهم اني صائم بس

المحبره · #2 23/09/2008, 07:54 AM

اهلين ابو طلال ورده

الله يهدي ويحفظ الجميع .. اللي سمعنا عنه قبل من احتجازات ومشاكل صارت من البعض .. يجرح الخاطر .. نحب الوطن .. لكن مانفرح بصورة مبالغة .. أو نضر أنفسنا .. في كل شي .. حتى الأعياد .. ممكن تكون الفرحة .. بمخاطرة أو تفحيط ..
الله الحافظ ..!!
مشكور أبو طلال .. على هالبادرة الله يجعلها بموازين أعمالك ..

إقتباس

الرسالة الأصلية كتبت بواسطة ابو طـــــلال


	برايفت

أرسلت للهنــــوف أبيها تنتبه .. ولاتتفشل .. وهي ياعمري ماتدري !!
اللي يدرون .. وش السواة بهم ؟؟

بريماكس · #3 23/09/2008, 10:18 AM

هلا ابوطلال

حتى باليوم الوطني واقفين بحلوقنااااا ماتبوننا نفرح

خلونا نفحط وندور ونهجول ونستانس لو هاليوم بس

خل نادب الادب

المهم الوعد بالفروسيه بعد التروايح يازكرت لايهمكم ابوطلال

اللي في الاعلى استهبالي

تخيلوا من من جدي الله لايبلانا يارب

الله يجزاك خير يابوطلال على التذكير

اليوم الوطني تكثر فيه التجاوزات وللاسف ان لم تخطي يخطى عليك !!

لذلك خذ الحذر

شكرا ابوطلال والله يعطيك العافيه ورده

برايفت ابوطلال بس

ترى ظللت بس ماهنا شئ مكتوب

الـمـشـاغـب · #4 23/09/2008, 12:41 PM

السلام عليكم ..!!

أهلين وسهلين أبو طلال

أبحلف أنك تصلح تكون ضابط أمن على هالكلام

عجبني فيك جرأتك في طرح موضوع للتذكير والتوعية ورده لأن مثل هذه المواضيع لا تلاقي إقبالاً كبيراً في العادة .. حتى أنا يمكن لو غيرك ما كتبت رد

.. لأن اليوم الوطني اذا ما كان يوم اجازة فما يفرق معي أبد

مشكلة ربعنا ما يصدقون أي مناسبة حتى يفحطون ويقلقون أم العالم العربي والإفريقي ..!

بس ما تظن معي أن هالمشكلة ما ينفع معها التذكير أو النصح والتوعية؟ ما ينهي هالمشكلة غير فرض العقوبات الصارمة على من يشوه جمالية مثل هذه المناسبات ( إن الله لينزع بالسلطان ما لا ينزع بالقرآن )

شكراً لك يا أبو طلال وما تطولشي الغيبات

برايفيت

Msh3al_37 · #5 23/09/2008, 12:49 PM

كلامك عين العقل

اتمنى من الجميع التصرف بشكل حضاري بحيث مايضر الي حوله او يضر نفسه

Rossi 999 · #6 23/09/2008, 05:33 PM

-
-
.. اي و ربي كلامكـ صحيح .. >_< ..
قبل شوي جآني وآحد بالمصنجر .. يقول بتطلع اليوم ..!؟
.. قلت له وين أطلع

.. قآل اليوم الوطني ...

..
} .. قلت لهـ لآ بدون مآ اتفلسف على رآصهـ ..

..!
.. قآم حط لي سمآيل ( واحد يناظر مستغرب محتقر )

..!!

.. للأسف كثير الشباب اللي كذا الله يهديهوم

..
.. و المدن الكبيرة الله يعينهم اليوم .. الرياض - الخبر - جدة ,
.. يمكن هم الاكثر اللي بـ يبلشون بـ ظاهرة الاحتفالات العبيطة

..

ع العومومـ .. مواضيعكـ دايم هادفة و تطرحها بأسلوب مشوق خوقآقي

..
.. تسلم ايدكـ مستر أبو طلال .. و الله لآ يحرمنآ منكـ .. *_* ..

.. نآس تتحدآني

.. أنـآ , مآ أتحدآهـآ ..

..!

ورده

العاصفة البحرية · #7 23/09/2008, 06:14 PM

أحسنت الإختيار أخ أبو طلال

أوجزت فأوصلت ما تريد ونريد

لك مني خالص التحية والاحترام

Hictar · #8 23/09/2008, 08:14 PM

خروج عن الموضوع على أن أحد الردود أعجبني
بخصوص جعل اليوم الوطني مثل الأعياد
وتحريم غيره
لو إن الإحتفال فيه جائز ، كان حياتنا كلها أعياد
1- عيد المولد النبوي
2- عيد فتح مكة
3- عيد الأم
4- عيد العمال <--- عاجبني مسمى العيد هذا

5- عيد تحرير الخفجي

6- عيد بداية السنة الهجرية
7- عيد هجرة الرسول إلى المدينة
.................... إلخ

وبنألف عيد جديد بمسمى ثورة الطلاب على التعليم وإهدار حق المعلمين

يعني ما راح نخلص

أرجع لخروجي عن الموضوع
وش سالفة هالبرايفتات ، تراني مبطي على المجلس
صاير مثل السبيكة أمشي وأشيك وما ألقى برايفت

Fahoodee · #9 23/09/2008, 10:57 PM

يعطيك العافيه اخوي ابو طلال

كفييت ووفيت يالغالي ورده

كلامك ميه ميه

ويجب على الناس احترام هالشهر خصوصا واننا بال10 الاواخر

الـــــــــــوان · #10 24/09/2008, 07:28 AM

هلا ابو طلال ..

من جد بعض شبابنا يخربون اليوم الوطني بالفوضى اللي يسببونها

وهذي بعض الصور يمكن بعضكم قد شافها

وبعضهم حلوين ويحتفلون بذوق

وبدون قلق لخلق الله

تحيتي لك اخي ابو طلال ع الموضوع والتذكير ورده

المهندس الهلالي 999 · #11 24/09/2008, 07:33 AM

اول كنت استانس انوفي يوم وطني عشان اجازات مو عشان نحتفل

ما اقول الا الله يستر على شبابنا وبناتنا

SANDRA · #12 24/09/2008, 07:44 AM

الله يعطيك العافيه ابو طلال على هالتذكير . .

المشكلــة اللي يقهررني .. ان هاللي يحتفلووون .. ما اظن أنـه زيادة وطنيه وولاء عندهم .. !!
اللهم انهم مجموعـة شبابـ طايش متفرغ .. لقوا سبب يطلعون فيه طاقات كامنـة من الأستهتار .. والإزعاج بحجـة الأحتفال باليوم الوطني .. !

لكن فيه نماذج حلوة .. زي اللي يحطون شعارات على سياراتهم .. ويستعرضون فيها بدون ازعاج ولا تفحيط !

^ ^
هذا اتوقع انه من اللي قلت عنهم يحتفلون بهدوء وبشويش .. وبعقلانيـة

بعدين اهم شي ماننسى إننا في العشر الأواخر ..

يعني بدال ماتفرفر لك شوارع الرياض كلها طول الليل .. صل لك ركعتين قيام ابرك لك .. تكتب لك فيها اجر .. وتذكرمن القوامين

موضوع بتوقيت مهم ابو طلال .. عوافي ورده

إقتباس


	برايفت

كأنها عجبتك ..